عليكم السلام ورحمة الله وبركاته
موقع آسيا ترفل موثوق ومظمون وانا مجربه من قبل اكثر من مره
بس للمعلوميه اللحين مايخصم سعر الخدمه والضرائب
وبما ان الفندق بلنكاوي فالمفورض تزود 10% كسعر خدمه علي السعر الإجمالي
يعني انت حصلته ب 3550 زود عليه 10% يصير 3905
والشي الثاني هل انت متأكد ان حجزك بالريال او بالرنقت
لو بالرنقت فأحسب حساب فارق السعر بين الريال والرنقت
وفي النهايه بعض المرات تحصل في المكاتب سعر افضل بس نادرا

زازا ,, السعر 3461 شامل كل شي بالريال
https://book.asiatravel.com/reservation.aspx?sid=1000&trck=&hid=257&rid=4666
هذا الموقع وضيف على المبلغ 10 فالميه وحوله ل رنقت وشف يمكن انا ملخبط

وبسالك سوال يا زازا بما اني متابع ل ردودك , احس ان من ردودك انك انسان فخم:d
المهم ,, وش رايك اطلع من بيننق الى جنتق بالباص ولا بالطياره ؟؟؟
ياليت ترد بسرعه عشان بحجز وافتك

السلام عليكم ورحمة الله وبركاته
حياك الله اخوي و حلوه فخم
ماقلت لي التاريخ عشان اشيك السعر تاريخ الدخول وكم ليله ؟
بالنسبه من بينانق إلي جينتنق مباشره
ممكن بالتاكسي حاولي خمس ساعات ونصف تقريبا
او بالباص وهو وشوف الموضوع بالرابط تحت
او بالطيران لازم من بينانق لكوالالمبور حوالي 50 دقيقه ثم تاكسي لجينتنق حدود ساعه ونص تقريبا
او بالباص من بينانق لمحطة الباصات بودورايا حوالي 5 ساعات ثم باص ثاني
من كوالالمبور لجينتنق تقريبا ساعه وربع
والأفضل والأريح هو طيران لكوالالمبور ثم تاكسي لجنتنق
شوف رابط الباص المباشر
https://artravelers.com/p/re/603148

هلا والله بصديقي الفخم :d
السفر ياحبيب قلبي في اكتوبر بعطيك الخطه كامله
2-4 سن وي بيرميد السعر 920
4-8 بلانجي بيتش 3462
8-11 قولدن ساندس اكزكتف روم 2100
11-13فيرست ورد ورد كلوب 695
13-17 رويال شولان 1700
17-18 قراند لكسي اكزكتف 680
وش رايك يالفخم فالجدول وهل في تعديلات من وجه نظرك ؟؟
وبالنسبه من بيننق الى جنتنق بغض النظر عن المبلغ لان الميزانيه الحمد لله طيبه ,, ماتحس ان الطيران قروشه ؟؟
يعني تشحن عفش وبعدين تشيله وتحطه في تكسي فهمت وجه نظري ؟؟غير انك بتنلطع فالمطار فتره قبل وبعد الرحله
انا بصرآحه ماني حاب الباص بس احس انه اريح في مثل ها الوجهه .. ولا انت وش رايك يالفخم

السلام عليكم
والله انت اللي فخم ماشاء الله جدولك واسعارك وكل شي تمام 100%
وحصلت السعر بالريال وشامل ال 10% خدمه مع الفطور غرفه مطله علي الشاطئ نفس سعرك 3467 ريال
وحاول تتأكد ان غرفة القولدن ساندس مطله علي البحر او الشاطئ نفس الشي
و انا اشوف لو تاخذ يوم من لنكاوي لكوالالمبور بس بكيفك إذا تحب الهدؤ والسكينه خلك علي جدولك
مع ان البلانجي ماشاء الله من انشط الشواطئ في لنكاوي
وبعد لو تبي تصير فخم مره مثلي
تغير البيراميد للصن واي لاقون مع ان البيراميد حلو بس الصن واي افخم واحلي
عموما كل شي مظبوط بس مجرد ملاحظات عاديه جدا إن اخذت بها عادي وان تركتها عاديين
وبالنسبه من بينانق لجينتنق إذا مانت من اللي يملون من المشاوير والطرق فالباص ممتاز والطريق
حلو وغير ممل بالعكس طريق اخضر و زين اما لو انت تطفش من الطرق فالطيران اريح

JOSEF
صح عليك يبو علي ...
طلعت مايباخ وحنا ماندري !!!
لاداعي للتعليق...

هلا بالفخمم
فكرتك مره حلوه اني اشيل يوم من لنكاوي بس ماتشوف ان 5 ليالي في كوالا كثيره ؟
وثانيا بسالك سوال للاحاطه , انا عمري ماحجزت على اسيا ترافل ,, هل اتوكل على الله واحجز ؟ وثالثا وش معنى الدفع فالفندق يعني ماراح ينسحب شي من الفيزا وادفع كاش فالفندق ؟؟

يالله حي الشيخ خليلها
ما انحرم من آرآئك لو فيه شي تشوف انه مناسب
برب برشلونه وميلان