1. بس عندي تساؤلات عن بعض الامور

السلام عليكم جميعا"
حابة اشكر كل من طرح تجاربة في هالمنتدى بجد استفدت منها كثير

بس عندي تساؤلات عن بعض الامور

ان شاءالله راح نكون بمكاو بعد اسبوع لمدة 3 ايام من الثلاثاء للجمعه وحابة اتاكد من كم معلومة ليطمئن قلبي خصوصا ان هذي اول سفره لي شخصيا والوالد معتمد علي
المهم بنروحلها عن طريق الفيري وانا سمعت ان بهونج كونج محطتين فيري وبرضو في مكاو محطتين,, الذهاب بتكون من اللي بكاولون لكن العودة حابين تكون للمحطة اللي بهونج كونج ايلاند بس ماادري اي محطة فيري في مكاو راح تاخذني لها
فابي توضيح لهالنقطة مكان اواسم هالمحطة, هل هي بتايبا او بمكاو سيتي؟؟ والا ماتفرق اروح للي جيت منها وبس
الشي الثاني والاهم هو تذاكر الفيري هل هي ضروري تكون تذكرة ذهاب وعودة ؟؟ بحكم ان السالفه فيها فيزا والا عادي تذكرة ون وي اشتريها من نفس المحطه قبل المغادرة و ماتضر
وحابة تعطوني كم معلومة عن الصرف في مكاو لاني ماعرف شي عن عملتهم واذا فيه عملات معدنيه او لا لحساب الباصات يعني؟؟
احد المواضيع اعتقد من بنت مكه ماادري ذكرت ان افضل مكان للصرف في ميناء مكاو السوال هنا ميناء مكاو هو اللي في مكاو والا اللي في هونج كونج المسمى ب(مكاو فيري تيرمينال)
و المسجد وصلاة الجمعة في مكاو للي جرب؟؟
وعندي سوال مهم جدا جدا عن تخزين الامتعة في فنادق هونج كونج
هل لهم مدة معينه اذا سويت تشيك اوت وتركت اغراضي عندهم؟؟ لان الوقت اللي بين مغادرتي من الفندق ووقت رحلة الطيران 12 ساعه لو فرضنا اترك اغراضي 6 ساعات عندهم
وشكرا جزيلا مقدما