السلام عليكم ورحمة الله وبركاته
كما أعلم هم يحتاجون لرؤية الفواتير + جواز السفر لمطابقة الاسم على الفاتورة
يستحيل أن تأتي بكل أغراضك...طبعاً ستكون في الشحن

السلام عليكم ..
ماتفرق مستخدمه او لم تستخدم حتى لو كنت لابس جاكيت وانت شاريه من لندن وسألوك عنه وقلت لي لابسه هم عادي ..
بخصوص طلب رؤية الاغراض من الشروط انها اتكون كلها متواجده وهم يختارون بعض الفواتير وفي هيثرو مايدققون واجد ولكن مايمنع انك اتكون في سليم ..
اما الشحن ايكون بعد تاكس فري .. يعني عند اخذ البوردنق باص وشحن الحقائب تعزل الحقائب التي عليها تاكس وتذهب لهم ويشاهدونها وعقب تذهب الى شحن الحقائب الخاصه لتاكس فري وهم يشحنونها لك ..
وهنا يجب وضع جميع المشتريات التي عليها تكس فري في شنطه او شنطتين على حسب حتى تسهل عليك العمليه ..
اتمنى وصلت المعلومه للجميع ..

سلمت لهم الفواتير ولم يطلبوا رؤية أي شي
وخلال 10 دقايق و انا خالص الحمد لله
اللي لاحظت أنه حسب الموظف اللي تروح له

اخوي برستيج مافهمت كلامك (اما الشحن ايكون بعد تاكس فري .. يعني عند اخذ البوردنق باص وشحن الحقائب تعزل الحقائب التي عليها تاكس وتذهب لهم ويشاهدونها وعقب تذهب الى شحن الحقائب الخاصه لتاكس فري وهم يشحنونها لك )
يعني بعد مااخذ التاكس فري اقص البوردينق والا كيف ؟؟؟

مرحبا
انصحك اتسوي التاكس فري قبل كل شي . قبل البوردنق والشحن وكل شي ..

بالنسبه لنا كنا حاطين الاغراض في شنط بالحالها ومستعده لكل شيء
بس تعب زوجي واغمي عليه في المطار وانحست ومن الروعه سلمت الشنط لشحن ولما رحت لتاكس استقعد لي واحد هندي الا يبي يشوفها وكانت معي بعض الاغراض الغاليه مثل الشنط والالماس بس الا يشوف وارجع للمكتب حق الخطوط وقال انسي راحت الشنط ويبي لها ساعتين عشان ترجع طبعا هذا قبل لاندخل صالة المغادرون ونبهنا شخص قال هناك مكتب ودخلنا ووكلت امري لله ماعاد فيه حل ولقيت المكتب واجي فرحانه والقى شاب سعودي قاعد هو وياه نقاش وهواش واخر شي كلمني السعودي عالساس اني مبتعثه وقال اذا راجعه لندن لاتعلمينه لانه مراح يرجع التاكس الا اذا كافيه رجعه
ودرا هندي قريح انه علمني واستقعد لي واروح وانا خلاص ياسه بس المبلغ كان كثير حسافه الا اشوف وحده ثانيه موظفه تجي واريوس والهندي يناظرني يقول وشذي النشبه واجي لمها وقعد يقول لها عني بس انا طناش واسوي نفسه بريئه واسلمها الاوراق وختمت كل شيء طلبت تشوف وقالت كل الاغراض موجوده قلت افا ابرشي وارز لها الشنط واشوي نفسي بطلع الباقي قالت خلاص ضفي قشتس وروحي ويوم خلصت اعطي هندي قريح نظرت الانتصار
قلت قصة حياتي بس منقهره منهم وخصوصا الهنود تعاملهم سيء

هلا اخوي سوي مثل ما سويت انا جيت بدري واخذت شناطي ورحت لمكتب لتاكس فري ومعاي طبعا ورق التاكس فري وسلمتهم الورق مع جوازي للمطابقه من غير مايفتشون شناطي 10 دقايق وخالصين
وسلامتك

الموضوع قديم
وتم الرد عليه