مرحباء اخوى الفضائى بصراحه من ناحيه الجو والله ماعندى علم ههه معليش
المهم لا تاخذ طفلك معك (الله يخليه لك )
انا بسافر الاسبوع الجاى وعمر بنتى سنه وماراح اخذها معى حاطها عند (جدتها ام المدام) ولابعد جبت لها شغاله
عشان ما تتعبكم هناك فى التمشى والاسواق والرحلات البحريه وخلافه الخ الخ الخ
تروح وترجع با السلامه
تحياتى لك

اخوي الفضائي حياك الله معانا
انا باذن الله رايح الاسبوع الجاي بعد عيوني حزينه بيوم والظاهر اني باتسلف الاسم من الاخ عيوني لاني والله مهموم كثير وقاعد افكر واخذ راي الاخوان في المنتدى عن نفس الموضوع المشكله ان قايل للمكتب انتظر لاتقص تذاكر العيال حتى ارد لك وانا والله جد محتار يوم اقول باخذهم ويوم اقول باتركم المهم اني ماعرفلتي انا عندي اثنين الله يحفظ لنا ولك واحد عمره 4سنوات والثاني سنتين ومدام اني ماقدرت اتخذ قرار بخصوص عيالي فما راح اقدر اقولك اش تسوي وامتنع عن التصويت في هذه الحاله ودمتم

السلام عليكم ورحمه الله وبركاته
اخوى ابو ناصر تحياتى لك
والله شف من ناحيه العيال بصراحه الى عمره 4سنوات ممكن يروح معك لاكن الثانى ما اعتقد ليش
راح يكون عليه تعب من حيث جدول الرحله والروحات والجيات ورحلات بحريه وخلافه
على فكره ترا يالله يمديك تقص التذاكر لايتكنسل حجزك وماتلقاء الذهاب ممكن تحصل لاكن العوده ام الله يعينك عليه
المهم الامر راجع لك من ناحيه سفر الاولاد (الوعد فى فندق صن واى لاقون) أنشاء الله

ابو ناصر هذا ايميلى راسلنى عليه او اضفه عندك ##############

حياكم جميعاً
أنا رجعت قبل اسبوعين من ماليزيا
وأخذت معاي طفلي عمره سنة ونصف
بصراحة المسألة لها مزايا وعيوب
العيوب انه بيسوي لك ازعاج في الطيارة وخصوصاً لو كان طفل توه يتعلم المشي
كل مكان تروح له لازم تاخذ معاك العربية
في هذا السن ( أقصد سنة ونصف فما دون ) ما يستمتعون بالألعاب .. يعني دخلت ملاهي جنتنج وتايمز سكوير ودفعت تذكرتين لي ولزوجتي علشانه لكن في الأخير ما عجبه إلا لعبة الزحليقة حتى ما يعرف يلعب فيها
لكن المزايا ان طفلك يكون معاك تستحمل تعبه لكن اهلك وخصوصاً لو كانوا كبار صعب يستحملون
كذلك زوجتك راح تتأثر كل ما شافت طفل ويمكن لو كانت ضعيفة بتجلس تبكي وتقول ليتنا اخذناه
راح تحس بمتعة وانت توثق رحلتك بالكاميرا وتشوف طفلك في كل مكان وصورة يطلع فيها
يعني بصراحة هي مزايا وعيوب وكل واحد يوازن ما بين هذي المزايا والعيوب حسب ظروفه

اخووي الفضائي
انصحك انك تترك طفلك عند اهلك اذا كان عمره شهرين الله يخليه لك
بس الطفل اللي يقدر علي المشي عادي لو اخذته معاك مارااح تهتم كثير
يابوو ناصر اخذ عيالك معك داامهم يقدروون علي المشي انا خذيت عياالي معاي واصغر واحد كان عمره سنه ونص تقريبا بس يمشي وبعض المراات ناخذ العربيه علشان نحطه فيها اذا تعب من المشي

اشكركم( عيوني حزينة) و (صادق الاحساس) و( ضاري الشمري )على التفاعل والاهتمام بالموضوع لكن ما رديتوا لي بخصوص الجو, علماً بأني مازلت محتار بخوص الولد لأني اخاف ما ننبسط انا وأمه وهو بعيد عنا .

معقولة ياأخوان ما احد سبق وسافر في شهر فبراير عشان يعطينا فكرة عن الجو ؟

ماادري عن الجو في فبراير بصراحه
بس بصراحه شديده صعب الطفل اللي عمره شهرين الرحله 9س اعات تعب مره
وبعدين مشي مسافات كيف بيكون وضعه والتمشيات تاخذ ساعات يعني رحله لجنتنق ممكن تاخذ 6 ساعات كيف يكون وضعه مسكين تعب عليه وعلى الام
والله يسهل اموركم ويوفقكم