twazncom
21-10-2022 - 01:57 am
السلام عليكم ورحمة الله وبركاته
عندي كم سؤال خفيف حفظكم الباري
انا من السعودية - حائل
ابغى اسعار السفر من الرياض للصين
عبر الخطوط القطرية ذهاب - عوده
عبر الخطوط الكاثي باسيفيك ذهاب - عوده
وابغا عناوين مكاتبهم بالرياض حفظكم الله عشان اقدر اروح للرياض ارتب اموري
بالنسبة للفنادف هل الحجز من هنا ام يكون اذا وصلتهم اقدر احجز
وياليت الله يحفظكم المدن وتخصصاتها ( مصانع - محلات بيع الجمله ) يعني المدن الي فيها وكل مدينة تتخصص في ايش بالصناعه والبيع
واتمنى تفيدوني باوقات العمل مابغى اسافر بوقت عطلة او مهرجانات وغيرها ابغى يكون وقت غير مزدحم والطقس حليل بس مايكون برد لاني اكره البرد ههه
يعني الاشهر المفضلة للسفر عشان تجارة
وابغا عناوين المترجمين حفظكم الله وهل احجزهم من هنا بالسعودية ام اذا وصلت الصين
وبالنسبة للتفاوض مع مكاتب او محلات بيع الجملة والمصانع انا سمعت انه لازم شخص يتفاوض معاهم ويتعامل معاهم بخصوص الشراء وغيره فما ادري هل بامكاني انا اقوم بهالشي مع المترجم فقط
وقت الرحلة الي ابغى اقضيها تقريبا 15 يوم هل هي كافية للشراء بضائع وارسالها لمكتب ليقوم بشحنها ؟؟
وياليت الاجراءات المطلوبة للشراء من محل بضائع
طبعا رخصة المحل حقي (استيراد - تصدير ) هل يفيد هذا السجل التجاري بدخول البضاعه للسعودية ام تحتاج تصاريح اخرى
بالنسبة لاسعار الشحن البحري ياليت تفيدوني فيها والوقت المستغرق لتكون بالسعودية
واعتذر عارف اني طولت عليكم ههه
بس مجبور والله اجمع معلومات كاملة
والف شكر لكم
اخوكم محمد العنزي
