- طبعا البحث كان افتراضي بس مجرد اني كنت احاول افهم على الطريقه
- الاستفسار الاول
السلام عليكم
بما اني اول مره احجز من النت
فالموضوع صعب علي واتمنى من اهل الخبره الافاده
الاستفسارات بسيطه بس لان اول مره احجز فمحتاجه مساعدتكم
بحثي كان عن غرفه او شقه صغيره تسع 5 اشخاص لمدة خمس ليالي
طبعا البحث كان افتراضي بس مجرد اني كنت احاول افهم على الطريقه
الاستفسار الاول
اول شي بسال هل بالامكان حجز الشقه المكونه من غرفتين غرفة ماستر وغرفه فيها سريرين وحمام اجلكم الله وصاله صغيره مثال الشقق اللي في فندق فلامنجو لان مره سمعت ان من النت ما يصير احجز الشقق بس متوفر الغرف هل هالكلام صحيح
الاستفسار الثاني
بخصوص اسعار الغرف
بما ان بحثي كان ل5 اشخاص ما فهمت هالشي الموضح بالصوره
هل معنى هذا ان كل شخص فينا راح يدفع هالقيمه للفندق ؟
الاستفسار الثالث
يخص فرق السعر بين المواقع وللامانه انا ماجربت غير موقعين (بوكينج /اجودا)
مع ان البحث كان على نفس الفندق ونفس التواريخ ونفس عدد الاشخاص الا ان الاسعار تختلف بشكل كبير وايد مو شويه
مثال للموقعين:-
اجودا
بوكينج
وبالنسبه لموقع اجودا ما يسمح بالبحث الا لاربع اشخاص هل اذا حجزت وطلبت اضافة سرير اضافي ما راح يوافق الفندق وراح يلزمني باستأجار غرفة اضافة؟
الاستفسار الرابع
وهو الاخير باذن الله وهو بخصوص عدد الاشخصاص الموضح بالموقع عند الحجز
هل معنى ان الغرفه اللي جدامها صورة شخصين هي لشخصين بس ولا يمكن اضافة اسره اضافيه لها
والغرفه اللي جدامها صوره اربع اشخاص ما يمكن يكون فيها 6 اشخاص مثلا
طيب الغرفه اللي جدامها صورة شخص واحد معناها بس لواحد
وشنو معنى كلمة غرفة مزدوجه او توأم؟
اسفة على الاطاله بس سامحوني لان اول مره
5 أشخاص أفضل شيء يناسبهم هو السويت وهو عبارة عن (غرفتين وصالة صغيرة) أو شقة
بعض الشقق بل أغلب الشقق ممكن حجزها من مواقع الحجز ماعدا بعض الشقق مثل شقق رويال شولان ماتنحجز إلا بواسطة الفندق مباشرة
الفندقين اللي في كوالا شيء طبيعي يكون فيه فرق في السعر لأنهم ليس هما نفس الفندق بل مختلفين .. دققي في الإسم
وفيه فرق كبير بينهم في المستوى
Swiss-Garden Hotel Kuala Lumpur
Swiss-Garden Residence Kuala Lumpur
مالك باللي مكتوب بالنسبة للعدد أهم شيء نوع الغرفة مثلا الغرفة ديلوكس تسع شخصين + سرير إضافي لشخص ثالث بغض النظر عن اللي مكتوب بينما الغرفة السوبريور صغيرة يادوب تسع سريرين
السعر يفرق شيء بسيط لو شخص واحد بيكون أقل بشيء بسيط خاصة لو الإفطار مشمول
في موقع أقودا نعم ابحثي ب 4 أشخاص والشخص الخامس تطلبون له سرير إضافي من الفندق من الرسيبشن
أخيرا غرفة مزدوجة أو غرفة توأم هذي مقصود بها نوع السرير إذا سريرين منفصلين يسمونهم توأم وإذا متلاصقين يسمونهم مزدوج