السلام عليكم
والله يااخوان انا ان شاء الله ابغا اسافر في شوال رحت للمكتب قبل كم يوم والاسعار نار كونكورد لافييت الغرفة العادية ب 1700 ريال الليلة !!!!!! مو معقول والله في اغسطس افتكر الليلة كانت ب 800 ريال مع ان الغرفة كانت سيئة صراحة انا سكنت فيه قبل كدا ..
وانا ماني عارف ايش اسوب انا عندي كذا حاجة في بالي وابغا اسألكم كم سؤال اتحملوني ...
- بالنسبة للميرديان ايتوال كيف مستواه و سعره ؟؟
- كم سعر التاكسي من نوفوتيل برج ايفل الى الشانز ؟؟
- كم سعر التاكسي من هيلتون لاديفانس الى الشانز ؟؟
بالنسبة لتذاكر الديزني تقريبا 12 او 13 سبتمبر كم سعرها للحديقة والاستديو مع بعض للشخص الواحد لليوم الواحد ؟؟
انا افكر اقعد بديزني 3 ليال ان شاء الله ..
- فندق الشاتو فرونتيناك ايش رايكم فيه اهم شي النظافة كيف ؟؟ واطلالته الى الشارع ولا فناء داخلي ؟؟ والمستوى العام مثل فندق كاليفورنيا او اسوأ ؟؟
وآخر شي نصيحة منكم فندق يكون سعره حول الالف ريال يعني اقصاها 1300 ريال وموقعه يكون قريب من الشانز لو قريب من الكونكورد لافييت ويكون نظيف وفخم ومحترم واطلالته حلوة ..
وآسف على دستة الاسئلة
تحياتي
بالنسبة للفنادق شوف الموضوع المثبت لبنت الصقور عن فنادق باريس راح يفيدك وبالنسبة للااسعار اختار انت من الموقع حق بوكنق وحدد السعر اللي تبية
وموضوع التاكسي بباريس مااعتقد احد يستخدمة والميترو موجود
وانصحك اخوي قرائة التقارير الموجودة واخذ فكرة وان شاء اللة ماتحتاج للاستفسار الا ببعض الامور القليلة
تقبل تحياتي