الشقه ما فيها مكيف
والشي الثاني تبعد عن السنتر كيلو ونص
واقرب مترو لها بعد يكلو
يعني ماتسوى واصلا مستواها نازل جدا ما انصحك فيها

خدمك المال والبنون,,, آآآآآآآمين
مثل ماخدمتيني في هالسفره,, بصراحه ماانتبهت للتكييف أبد
ممكن تنصحيني بشقق كويسه..
أنا وزوجتي و3أطفال بعمرال 8 و5 و3 سنوات
كل اللي عندي فل مافيه حجوزات.. ودي تكون بتاريخ14 إلى 20/6

1. هنا تلقى صور لها

الله على هالدعوه الله يسمع منك يارب
شوف هالشقه انا واهلي جربناها العام الماضي بس بصراحه اغب الفنادق مايرضون انكم تضيفون 3اطفال عندكم بغرفه حقت شخصين بس جرب يمكن مايقولون شي
https://www.booking.com/hotel/de/citadines-munich-arnulfpark.html?aid=1300939
الاستديو حق شخصين يقبلون الاطفال اللي اقل من 12 سنه مجانا وبدون سرير بس يجيبون لهم فرش اتوقع ويمكن الصوفا يحولونها سرير لكم واعطيهم اعمار اطفالك اذا ما قالوا لك شي كان بها اما اذا قالوا لك شي خذ الشقه حقت اربعه اشخاص
الشقق روعه وكلها خليجيين وقدام الباب الترام تروح للسنتر اسمه كارلز بلاتز المسافه 2كلم فقط والتذاكر اشتروها من الاستقبال وخذ حقت الايام كلها مره واحده خصوصا اذا بتستخدم المترو ارخص لك
ولو بتخلي سيارتك معاك اذا كان معاك
انا واهلي وقفنا سيارتنا خلف المبنى مجانا
وجنبكم مخبز والشقق جديده اخر 2009 افتتحت
وبعيده عن الزحمه وعندهم خدمه القهوه والشاهي
مجانا طول اليوم تلقاها تحت
بس خدمه التنظيف مو يومي ولو بغيت يومي تدفع للتنظيف وما اعرف بعد كم يوم بس اتوقع اسبوع
لكن المناشف موجوده كميه كبيره و في نفس المبنى فيه غساله ونشافه اتوماتيك تدفعون فلو س للاستقبال ويعطيكم شي زي العمله تنزلون تغسلون الملابس بنفسكم
ترى ما بقي من الصغيره الا وحده ارسل لهم بسرعه وشوف وش يقولون لك ماراح تلقى زيها ابدا واصلا افضل شقتين في ميونخ هذي ووحده ثانيه ماتقبل الاطفال الا اقل من سنتين

هنا تلقى صور لها

http://www.google.com.sa/search?tbm=isch&hl=ar&source=hp&biw=1276&bih=549&btnG=%D8%A8%D8%AD%D8%AB+%D9%81%D9%8A+%D8%A7%D9%84%D8%B5%D9%88%D8%B1&gbv=2&aq=f&aqi=&oq=&safe=active&q=Citadines%20Arnulfpark%20Munich

ماقصرتي الله يعطيك العافيه..
راسلتهم من كم يوم وردوا علي بإيميل بس مسموح بطفلين وأنا معاي 3
وماباقي عندهم شقه لأربع أشخاص في وقتي للأسف
ولاعليك أمر ممكن تعطيني رابط الشقق الثانيه

من 14 الى 20 موجوده الشقه حقت اربعه اشخاص توني شيكت على بوكنج
واما الشقق الثانيه لازم تاخذون شقتين لانهم مايقبلون ولاطفل من اطفالك معاك بالشقه حقت شخصين
يعني لازم تاخذون شقه حقت اربعه اشخاص ووحده حقت شخصين

تمام تمام
الله يسهل أمرك وييسر لك كل عسير
والله من يومين ماكان فيه شقه بغرفتين.. حتى راسلتهم إذا يسمحون ب3أطفال في الأستديو ومارضوا قالوا حدك طفلين
احتمال أحد كنسل حجزه وجات من حظي
مانستغني عن رآيك

الشقه حقت اربعه اشخاص غرفه نوم وحده وصاله فيها صوفا تتحول الى سرير يكفي شخصين
ويبقى طفل يجيبون له فرش وممكن ينامون كلهم الثلاثه على الكنبه اللي تحول سرير لانها تكفي شخصين بالغين
ترى دوره المياه حقتهم مقسومه قسمين شي بس مرحاص وانتوا بكرامه وشي مروش ومغسله
اللي فيه مرحاض ومغسه شوي صغير مقاسه اما اللي فيه مروش كبيره

لساني عاجز عن الشكر... لك دعوه صادقه من القلب