سؤال ليش تروح الكامرون وجنتنغ ؟؟
اذا الجو حبيبي قبل اسبوع انا في الكامرون الجو عادي جدا قليل البراد يمكن شهر 9 كذا فكثر التنقلات راح تهدك هد
الى الان احس بتعب من السفر والمشي
واذا بتروح الكامرون خلك حذر من شلال رابنسون اذا معاك اطفال بلاش منه
اى اختلال بالتوازن تلاقي نفسك في مجرى الشلال
بيننغ بي فيو بيتش خذ غرفة مطلة على البحر
لا تفوتك الانشطه البحريه تلاقيها من جهة البركه عليهم فطور وزحمة العرب فيه
لا تتوقع الفخامة فيه لاكن جيد جدا
ولاتنسى ب4 رنغت الى المطار بالباص اول ماتطلع شف المحطه الى يسارك على طول خذ باص رقم 102
زر موضوعي
https://artravelers.com/p/re/628384

ندور البراد والطبيعه البكر يالغالي صراحه
طيب هل جنتنق فيها مزارع فراوله كبيره وهل طبيعتها مثل الكاميروون

تبي الجد
الكامرون خسرتني بس وقت ومال
جنتنغ مافيها الا الملاهي وابرد من الكامرون
بكون صريح معاك بس جو وفراولة وطبيعه
ماليزيا كلها خضرة تتعب من الخضار والفراولة في البقالة (: ولا تتوقع تشوف شي غريب في الفراولة
ماراح اغير نظرتك لها هذا روحتي وهذا الى شفت
ممكن انت تروح تعجبك بس انا اقولك المسافة الى ايبوه حدود الساعتين ونص ومنا ايبوه الى الكامرون ساعة
ومن الكامرون الى جنتنغ جالس تضرب مشاوير ولو ما عجبتك بتكون لما توصل مرهق من التنقلات
اطلع من بيننغ الى ايبوه ورح العالم المفقود يوم وارجع من الصبح توصل الظهر مثلا بالباص وترجع باليل الى بيننانغ
رح بوكت ميرا الحديقة المائية اذا ما تبي ايبوه
رح لموت ومنها عبارة الى بانكور يومين بالمنتجعات (رلكس )
(هذي بكر على البحر لا عرب )

ما قصر حبيننا / مشغول افندى
توه راجع من ماليزيا ( فريش ) و بيض الله وجهه جاب لنا العلوم الزينة من هناك
نرجع للجدول من الملاحظ انه سيبب له الارهاق و التعب و خاصة اختيارك لمنطقتين اجوائهم تتشابه مثل الكاميرون و جنتق فاقترح عليك بهذا البرامج :
2 يوم سيلانجور غرفة بريمير بعدها الانتقال بالطائرة الى لنكاوى المسافة 55 دقيقة
4 يوم لنكاوى فندق بلانجى بيتش غرفة مطلة على البحر بعدها الذهاب الى العودة الى كوالالمبور و الذهاب الى جنتق مباشرة
2 يوم مرتفعات جنتق فندق فيرست وولد غرفة وولدكلوب
4 يوم كوالالمبور فندق الماريوت غرفة ديلوكس مطلة على المدينة
1 بورت ديكسون منتجع قراند لاكزس فيلا بمسبح خاص تبعد عن كوالا ساعة و نصف و عن المطار 50 دقيقة
اتمنى لك رحلة سعيدة

faisal979797
فعلا جدولك مزحوم ومتعب جدا لك
من وجهة نظري خلي أول وصولك يومين في سن واي لاقون فندق الخيول الذهبية
3 ايام بيننق فندق بارك رويال
3 أيام جزيرة لانكاوي فندق لنكاوي لاقون
5 أيام كولا فندق الماريوت
وخلي سفرك كله طيران على خطوط أير اسيا الخطوط الاقتصادية لاتروح من بيننق للنكاوي بالعبارة متعبة ومملة
وأشوف أنك مايحتاج تسكن في جنتق روح لها يوم من الصباح حتى المساء وارجع لكوالا من وجهة نظري لاتستحق المكوث فيها لايوجد بها غير الملاهي
والله يوفقك ورحلة ممتعة

حبيبي انا اشوف كوالا حق تسوق
صرفت بس 3 ايام 4500 رنغت و1000 فيزا