المهرة الاصيلة
16-09-2022 - 11:49 am
السلام عليكم ورحمة الله وبركاته
ان شاء الله بسافر مع اسرتي لميونخ والنمسا بشهر اغسطس
وحابة استفسر عن استئجار السيارة في اوروبا لانه اول مرة نأجر سيارة فالعادة نستخدم وسائل النقل العامة
احنا 5 اشخاص ( 2كبار و3صغار اعمارهم 11و8و4 )
وبتكون رحلتنا باذن الله (من الكويت )
ميونخ 5 ايام
النمسا ( مابين كابرون وزلمسي وسالزبورغ ) 8 ايام
ميونخ 3ايام
ومن الي فهمته من الاعضاء لما خذيت لفة بمالمواضيع انه الافضل ما استأجر سيارة في ميونخ خصوصا انه الفنادق الي حاجزينها بالسنتر
فقررنا نأجر سيارة اخر يوم وجودنا بميونخ ونسلمها اول يوم اذا رجعنا ميونخ مرة ثانية
يعني استخدامنا للسيارة بكون خلال وجودنا بالنمسا
الاستفسارات:
هل فعلا من الافضل عدم تاجير سيارة داخل ميونخ ؟
هل نحتاج للسيارة عند الذهاب للاماكن السياحية خارج ميونخ ؟
كيفية حجز السيارة بالتفصيل ( اسم المكتب او الويب سايت / مكان الاستلام والتسليم / واي امور اخرى ممكن تفيدنا )*
الجواب
1- نعم صحيح داخل ميونخ ما تحتاجون
2- شنو الاماكن السياحيه الي تقصدينه خارج ميونخ
3- الواضح من كلامج ما تعرفين تحجزين من النت .. ممكن تحجزينها من مكتب يورب كار فرعهم موجود بالمطار الكويت
واذا حبيتي من النت ابشري