شارع العرب اسمها بوكيت بينتانغ - واحسن فندق عندك الويست والريجنت والملينيوم واحسن فندق في جنتنج بصراحه ناسي اسمه لكن عندهم الان في جنتنج اكبر فندق في العالم يحتوي على 35000 غرفة نوم .,,,,, وشكراً اخوي

مرحبا الساع باخوي الزعيم
مشكور ع الرد السريع
هل تنصحني اسكن صوب شارع العرب

السلام عليكم
زي ماجا الرد.. الشارع "بوكيت بينتانق"
وانصح بالسكن فيه.. لان المنطقة متحركة ومنتعشة.. وفيها التاكسيات بكثرة لما الواحد يفكر يطلع للاماكن السياحية.. وفوق كذا في الليل لما كل شي يسكر... الشارع هناك يبقى فاتح اغلب المقاهي اللي عليه لين الساعه الواحد ليلاً.. لان كل شي يغلق هناك على الساعه 10 بالليل..
والفنادق مو مهم افضل فندق من ناحية النجوم.. الاهم ان يكون موقعه جيد ويكون مناسب.. بالنسبة لي انصح بفندق "الكونوريد" وفندق.. "بوكيت رويال" وفيه فنادق كثيرة على نفس الشارع..
وجينتنيق.. زرتها كثير لكن صراحة ماسكنت فيها لانها تقريبا ساعه الا ربع بالسيارة الى كوالالمبور وقليل الخيارات فيها.. اجمل مافيها الاجواء والغيوم والبرد..
واذا تبي نصيحة بالجزر.. روح بينانق لان فيها خيارات اكثر من لنكاوي..

انصحك بالسكن في فندق تايم سكوير في شارع العرب .... الفندق ممتاز جدا و اسعاره معقوله

مرحبا
انا برد بخصوص جنتنغ
جرب فندق ( Awana) في جنتنغ اذا سكنت فيه بتيح لك الفرصة انك تجرب ركوب التلفريك ( اذا تحب)
انا الفندق عجبني واايد وفندق كبير وحلو ( انا خذت غرفه للعرسان) لكن شنو كانت حلوة وكبيره صاله كبيرة مع مطبخ مع غرفة النوم منعزله عن الصاله وحمام وكل شي فيهه ( والفندق يعطيك تذاكر مجانيه لركوب اتلفريك طول الايام اللي بيتقعد فيهه)
تحياتي لك
وسفرة موفقه إن شاء الله

اسم شارع العرب بوكت بينتانغ
ويفضل السكن في فندق ويستن ويعتبر من احدث الفنادق في شارع العرب
ويفضل السكن في فندق فيرست وولد في جينتج و هو يعتبر اكبر فندق في العالم
وانا افضل الذهاب الى لنكاوي لانها رومانسية و هادئة

مثل ماتفضلو الاخوان الشارع اسمه ( بوكيت بينتانق)
وأنصحك بفندق تريدرز مناسب جدا للعرسان ....ويسون لكم ورد وشموع وحركات بالغرفه
بالنسبه لجنتق اذا بتنزل بالفيرست ورلد أنصحك بغرفه من نوع كلوب أجدد وانظف وأحلى
وبالتوفيق ان شاء الله

انا بصراحة اويد السكن بالمريديان او المجاور له الهيلتون بصراحة افضل تعرفو ليه لانه فيه منظر على حديقة وبحيره المنظر عليها روعة والجهة الاخرى تنزل تحت الفندق تلقى مركز كى ال سنترال محطة القطارات بنوعيه القطار العادى والاندرجراوند ومكتب لتأجير التاكسي معتمد يعنى تروح له وتقله ابي المكان الفلانى يعطيك فاتورة والدفع عنده بأسعار مرة حلوة وتتوجه للتاكسي استخدمته للجنتنق وصن واى لاجون وبعده ب اقل من 100 متر الترين المعلق برنجت واحد او زيادة نص ما اتذكر وتكون فى قلب البوكيت بنتانج ( شارع العرب)).

مرحبا
مشكورين ع الرد . ما تقصرون تعودنا منكم هالشي
هل تنصحوني بتايم اسكوير ... وهل احجز عن طريق مكتب السياحه او عن طريق النت