اهلا
5يوم لوحدك ستشعر بالملل!
عموما التاريخ الذي اخترته هو موسم السياحة هناك وستجد امامك الملايين من السياح , لا توجد اسعار متوسطه قريبة من الشاطئ في هذا التاريخ وعليك الحجز مبكراً والا لن تجد مكان!
عليك بالقطرية كونها قريبة منك و مباشرة من الدوحة الى ساوباولو ومن هناك طيران داخلي..
بالتوفيق

الحجز من المكاتب بالسعوديه ولا بالنت وهل الحجز بالنت امن ؟؟؟
وايش هي الموقع المعتمده ؟؟

السلام عليكم
انا ابي منكم النصيحه جاتي فكرة السفر للبرازيل ومالقيت احد يروح معاي البرازيل
هل تنصحوني اروح لوحدي ام لاء ولو رحت لوحدي الملل بيلحقني هناك ؟؟
ووجهتي راح تكون ريو دي جانيرو لأني من عشاق الشواطيء و اللغه الإنجليزيه اجيدها تحدثا
علما ان الإجازه في تاريخ 25 نوفمبر 2011م تقريبا بعد إجازة عيد الاضحى ورحلتي مدتها 15 يوم
وياليت تعطوني باسماء الفنادق اللي سعرها متوسط لاهو غالي ولا رخيص
و اسعار المواصلات المطاعم عشان يكون عندي خلفيه بس
وسعر التذكره المناسبه وعلى اي خطوط حيث انني من سكان مدينة الدمام بالسعوديه
ياليت تساعدوني لاني محتار
هلا اخوي ... حياالله شعب مدينتي ههه
بالنسبة السفر لوحدك .. هذي تعتمد عليك .. في ناس من هواة ال Solo Travelling
السؤال هل جربت تسافر لوحدك من قبل ؟؟؟
الانجليزية لن تفيدك الكثير للاسف ...
اسعار الفنادق في احياء .. capacabana - ipanema - Leme (كلها عالبحر)
الارخص 250 ريال برازيلي .. يعني ما يقارب 575 ريال سعودي لليلة
(هناك بعض الشقق او الفنادق ارخص .. لكن بحكم اول مرة وسائح اللي فوق افضلك
البرازيل غالية المعيشة بشكل عام .. فما بالك في سياحي و High Season
اضافة الى العملة المحلية في تصاعد بالنسبة للدولار ... للتوضيح
الريال البرازيلي كان 1.80 في جولاي 2010 بالنسبة للدولار
في جولاي 2011 الريال البرازيلي اصبح 1.5 بالنسبة للدولار
الاكل برضو تعتمد عليك ... تقدر تاكل سندويشات او قطعة بيتزا من محلات ال Boteco تكلفك 15 ريال سعودي بالكثير
او
تاكل من مطاعم .. الفاتورة تجيك فوق 100 ريال السعودي .. (هي ماهي غالية لكن الاكل يكفي 2 او 3)
او
مطاعم بالكيلو Por Quilo (انا اشيع 50 ريال سعودي بدون حلى)
او مطاعم بطريقة البوفيه ٌRodizio كل ما لذ و طاب ب 70 ريال سعودي (او اغلى تعتمد عالمطعم)
المواصلات غالية جدا بالتاكسي .. فتحت العداد بالظبط 4.35 ريال برازيلي .. يعني 10 ريال سعودي
في باصات رخيصة لكن للي فاهم
في مترو يغطي المنطقة Zona Sul او المنطقة الجنوبية اللي فيها Copacabana + Ipanema
بالنسبة للخطوط شيك مواقع الخطوط او Expedia
بالتوفيق واي شي انا حاضر
Carioca

السلام عليكم اخى العزيز متل ماقلك مشرفنا العزيز افضل انت تحجز من قبل ان تيجى لان انت جاى هنا فى بدايه الصيف وبالمناسبه تقدر تحجز من مكتب عندك تزاكر طياران وفندق بيطلعو عليك ارخص ماتيجى هنا وتدور على مكان بما انك ماتعرف لغه اللغه الانجليزيه هنا ماحد يعرفها غير فى الفنادق اما فى الشوارع مالها داعى ولاحد بيحبها كرها فى امريكا وانا اعتقد من وجهه نظرى يوم فى ريوديجنيرو كتير جدا يكفى 5 ايام واستمتع بالباقى فى اماكن تانيه متل شلالات ايجواسول وفيه كمان فى الجنوب بلد اسمها فلوريانابوليس عاصمه ولايه سانت كاترين هيا جزيره وبها 45 شاطئ استمتع فيها بكل ما يسر عيناك وفيه اماكن كتير ولاكن ياخى ريو 15 يوم كتير وتقبل تحياتى

اختلف مع الشباب بخصوص 15 يوم كثيرة في ريو
سنة كاملة ولا مليت ههه ... مع العلم سافرت الى مدن كثيرة منها فلوريانابوليس
بالنهاية تعتمد عالشخص ومزاجه وايضا الميزانية .. السفر الداخلي مش رخيص
هناك ريو المدينة و ريو الولاية .. الولاية فيها مدن كثيرة على سبيل المثال Buzios فيها اكثر من 30 شاطئ (ولو ان عدد الشواطئ ماهو مقياس) ويكثر السواح الارجتنينين .. المدينة حقت ويكند لكنها خيال

والله انصحك ما تسافر ابدا للبرازيل لانها بعيدة ولا تستحق المخاطرة واسعار رحلاتها غالية جدا انصحك سافر على افريقيا

اذا معيار السفر على المسافة ترى الصومال اقرب !
الناس تسافر للمغامرة و المعرفة ، وكل من سافر الى البرازيل بالتأكيد لم تكن زيارة عادية ولم يكن الانطباع عنها عادي ! البرازيل من اهم وجهات السياحة على الارض ولا يوجد مخاطرة من السفر الى هناك الا ما يتردد في خيالات من لم يزرها!
تحياتي

المشاركة الأصلية كتبت بواسطة Diamond Ice






حبيبي دايمون هل بالامكان التواصل معك انا ذاهب للبرازيل وابي اخذ منك استفسارات - ما قدرت ارسلك خاص مدري يقول مو كافي مشاركاتك ابي اي وسيله اتصال لك وهي محادثه وحده اذا ما عليك امر حبيبي