شهامة
السلام عليكم
موقع علي بابا مو كلهم نصابين فيه شركه محترمه يا اختي وفيه شركات ثانية تقدرين تشترين منها عن طريق الانترنيت بس المشكلة لما تشوفين الصوره غير ولما يجيبونه لج و تشوفينها على الطبيعه غير فاخذي حذرج لهل الشي
على العموم شوفي ردي عليج في هل الرابط

موفقه

بحريني ما اقدر اسافر
بس بسألك رقم المكتب اتصلهم بالتلفون ولا ارسلهم
على الايميل ولا اشلون
وشنو فايده رقم المكتب وجم تقريبا عمولتهم ؟؟
واشلون بالضبط اتعامل معاهم .. ويزاك الله خير

بالنسبة للمكتب اخوي انت تتعامل معاهم من زمان ولا صار لك مده قصيرة ؟؟ يعني ثقه
ولا اشلون؟
وهو مكتب للشحن ولا يعني يعتبر وسيط ؟؟

شهامة
عندهم رقم مكتب و عندهم ايميل تقدرين تتكلمين وياهم او تضيفين البنت الي تشتغل في المكتب و اتقولين الي تبينها و يعطونج الصور و الموديل الي تبينها
انتي لما تبي تشترين منهم يقولو لنج الكمية الي انتي طالبتها يعني مثلا نفترض الشنطة قيمتها دينارين بيكون من ضمن القيمة قيمة الشحن
فلو انتي تقولين لهم انا ابروحي بشوف لي مكتب شحن هنا يختلف يمكن يقولون لج سعر دينار و نص مثلا
اهم مكتب يبيعون كل شي من اجهزه الكترونيات و غيره من اللاوازم و المكتب مالهم في شينزين
فيه عملاء لهم من ايران و دول الخليج و باكستان و معاملتهم جدا ممتاز
انا مسافر بعد شهر ولا بكلثير شهر و نص لو المنتدى كان يسمح كان عطيتج كل المعلومات و الايميل مالهم
في البحرين اسئلي عن محل اسمه magic computer في جد علي قريب من مطعم كرامي بروستيد
انا قبل كنت اجيب بضاعه قليل بس هل المره حبيت اجيب كمية كبيره والحمدالله المكتب طلع جدا ذووق و ممتاز وكل مره راح اتعامل معاهم و هم قالو لي مو شرط الكترونيات اي شي تبيه نقدر نوفره لك و بسعر جدا ممتاز بس عطنا اسم الماركه و احنا نوفره لك
اهم مكتب صيني و طبيعي يعرفون الناس الي يشتغلون في المصانع ولهم طرقهم لكن تخيلي ان انتي بتروحين فراح ياخذون عليج سعر غالي لان ما تعرفين مع اي مصنع تتعالمين
انا جيت من الصين قبل شهر تقريباً وكتبت موضوع عنه اهني في القسم و هاذا هو الموضوع
https://artravelers.com/p/re/348415
رحت مصانع وقعدت معاهم و قالو لي اقل كمية لازم تشتري 300 قطعة لابتوب
وعطوني سعر و حسبته طلع اغلى من بيع سوق
بس الحمدالله المكتب الي تعالمت معاه جاب لي سعر ارخص واايد و نفس الي ابيه و وصل البحرين و هاذاني ابيع منه و قريب بيخلص لان السعر الي حاطه جدا ممتاز والحمدالله
تحياتي لج

ام بصراحه اهيا مجازفة تعتبر لكن
قريت الراابط اللي حطيته ،، تتوقع اغلبية تجار الشنط اللي بالنت يتعاملون معاهم
بالنسبه للمحل الي في جد علي هذا محلك ؟؟
وكتبت للادارة ابي رقم المكتب والايميل بس ما ردو علي ؟؟
شنو الحل ؟؟
ولبنيه تتكلم عربي ولا انكلييزي ؟؟
وهم ابي معلومات اكثر عن المكتب ويزاك الله خير

بحريني كتبت اسم magic computer
بقوقل وطلع لي موقع هذا اهو المحل
وفيه ارقام للاتصال ممكن اطرش مسج على رقم النقال
اذا هو تابع لمحلك وتطرش لي رقم المكتب والايميل ..
طيب قلت لي اذا الشنطه مع الشحن دينارين
هاذي العاديه واذا تقليد درجه اولى تتوقع بجم ؟؟
ابي معلومات لو سمحت عن المكتب ؟؟

شهامة
مو كلهم اختي نصب يعني تقدرين تتأكدين بنفسج و تتكلمين معاهم و تعرفين منهم
ردي مره ثانيه في الموضوع الي كتبتيها علشان اقدر اعطيج رقم المكتب و ايميلهم
انا مادري شنو كتبتي انتي في جوجل بس هاذي موقعي على النت و الي في جد علي اي هاذي محلي
http://www.magicbahrain.net/
البنيه تتكلم انجليزي و هيا تشتغل في المكتب
بس دام انتي ما تقدرين تروحين الصين عيل اشلون بتشترين !؟؟
المكتب تعاملت معاهم مرتين على بعض يوم كنت في الصين و البنت تتكلم انجليزي مثل ما قلت لج وانا مرتاح معاهم ولما بسافر المره اليايه يعني بعد شهر ولا شهر و نص بتصل عليها و بكتب لها في الايميل المطلوب علشان لما رحت يكون كل شي جاهز اشوف البضاعه و ادفع و ينشحن
ونصيحه مهما كان الثقه لازم تسافرين و اتشوفين الشي الي اشتريتيها علشان تضمنين كل شي
موفقه

اي هذا هو الموقع اللي طلع لي وفي رقم اتصال على نقال
مادري اذا تابع لك الرقم عشان ادز عليه مسج
وبالنسبة للبضاعه انا بأشتري جم شنطه بس يعني مب بضاعه عودة
عشان اشوف جودتها واذا زينة بتعامل معاهم لاني ما اقدر اسافر
وبالنسبة للشحن اخوي اشلون استلم البضاعه لين جات البحرين
يعني لازم اعطيهم عنواني واسمي ..
والشحن بالطيارة ولا بشنو ؟؟
على العموم لي عطتني ايميلهم بشوف شنو يقولون ،،

السلام عليكم ...
لا ننصح أبدا الشراء عن طريق النت ...
أفضل وأءمن طريقة للشراء من الصين ...
هو الذهاب هناك ....
شنط التقليد .... فيها درجات ....
واذا ماشفتي نوعية الجودة فالشنطه اللي تبينها .... وشيكتي عليها وقت الشراء ..
شلون راح تحكمين عليها .. لما تستلمينها ...
وتتأكدين ... بأن هذه الجوده اللي طلبتيها ...
وانتي براحتج أختي ...