ياحياك الله يالغالي ...
بأذن الله معنا ( تنسى الزعل ) ... وتصير ( مسافر عسول )
أنا أنصحك يالغالي بحجز هذه الفنادق وهذه الغرف :
سلانجور ... فندق إمباير ( غرفتين قياسية بجوار بعض )
لنكاوي ... فندق الموتيارا ( ستوديو كابانا مطلة على البحر )
بينانغ ... فندق الفلامنجو ( سويت عائلي جناح )
كوالا ... شقق السويس قاردن الجديدة أو شقق البرينس
هذه الأختيارت الأفضل من وجهة نظري لعائلتك ( الله يحفظها لك ) ويجعلكم من السعداء
وافي

من ناحية الفنادق الأخ وافي ما قصر ..
لكن بخصوص استفسارك ..
بالنسبة لأغلب الفنادق تسمح ل طفل واحد + رضيع (تحت سنتين) ..
اذا واحد من عيالك الثلاثة الله يخليهم لك اقل من سنتين ..
خلاص تصير معظم الفنادق تحسب لك كذا :
واحد رضيع + طفل مجاناً ..
طفل آخر تدفع عليه مثلا بالليلة 90 رقنت او 100 او 70 ااو الخ ..
على حسب الفندق ..
انت ادخل بوكنق وشف الفنادق وكم يدخلون طفل ..
والله يخليلك الكتاكيت

الاخ وافي + الاخ دحوم
الله يجزاكم كل خير على هالمعلومات
أطفالي الله يحفظهم اعمارهم (10 - 7 - 4 ) يعني مافيهم رضيع
وعلى فكره انا ناوي اسوي برنامج هالسفره كله عشان الاطفال الله يحفظهم يعني تكفون ايش المدن الاحلى نروح لها عشان الاطفال ؟؟
الاخ وافي فندق موتيارا سكنت فيه العام الماضي نفس الغرفه اللي نصحتني فيها بس كنت انا والمدام لحالنا ( ضحكنا على البزارين قلنالهم رايحين عمره )
ههه
بس يوم شافو الصور جننوني الا اوديهم
تتوقع يوافق الفندق على اضافة ثلاثه اطفال معنا في هالكوخ؟؟
الحمد لله توفقت في التذاكر على الخطوط السعوديه اخذت التذاكر المخفضه غير المسترده وكلفتني انا والمدام وثلاثه اطفال مبلغ ( 7450 ريال) و الحين نخطط للفنادق والرحلات الداخليه
الله لا يحرمنا منكم وكل عام وانتو بخير

نعم يوافق بس الأفضل مادام معك 3 أطفال الله يحفظهم لك خذ ستوديو كابانا علشان تتوسعون فيه لأن السوبريور صغيرة

اخي المغادرون شكرا لك على المعلومه وانا سبق وسكنت في ستوديو كابانا انا وزوجتي اللي تجي معها غرفة نوم وصالون صغير للجلوس بس كنت اتوقع ان الفندق لايوافق على سكن ثلاثه اطفال في نفس الاستوديو

لا لاتشيل هم يوافق وسبق أن بعض الأعضاء سكنوا بأطفالهم لو تراجع قسم التقارير تلاقي كثير من اللي سكنوا في متيارا كان معهم أطفال

أفضل شي للأطفال في ماليزيا عامة السباحة .. يعني بكل الشواطئ بيستانسون ...
وفي سلانجور ملاهي صن واي لاقون
وفي جنتنق ملاهي جنتنق
وال 2 ( خورافة ووناسة )
في كوالا فيه مجمع تايم سكوير ملاهي داخلية .....
غير التلفريك في لنكاوي .............
الله يسعدك وياهم يارب ,,,,,,,,,