حياك الله ..
الجواب : نعم ممكن لكن هذي يبغالها سفرة طويلة .. فكم يوم مقررة للرحلة ؟

وعليكم السلام ورحمة الله وبركاته .. حياك الله أختي .. أتوقع إذا تبين تزورين كل هذي الدول يبي لك شهر على الأقل (: ..
نصيحه: بما أن الغرض من السفر شهر العسل أنصحك جعلها وجهه واحده أو على الأقل بين بالي وماليزيا ..
بالتوفيق ..

المغادرون 2007
شكرا أخوي على الرد
ممكن استغني عن أحد الدول ما عندي مشكلة أهم شي يكون جدول مرتب وشامل
مدة الرحلة 20 يوم تقريبا ممكن أقل شوي ممكن أكثر شوي بس في هالحدود تقريبا

BoHathal
شكرا على الرد أخوي .. بما انك عارف و لك زيارات من قبل لشرق اسيا ياريت تفيدني وتنصحني ..
مدة رحلتي تقريبا 20 يوم

طيب أنا بأعطيك أقتراحين علماً بأنني زرت كل هذه الدول فكلامي راح يكون من واقع تجربة
مرة رحت أندونيسيا - سنغافورة - ماليزيا
ومرة ماليزيا - هونق كونق - مكاو - كوانزو
البرنامج الأول:
من هنا إلى أندونيسيا ومن المطار مباشرة إلى الجبل الأخضر (بونشاك) 4 ليالي وخامس يوم العودة إلى مطار جاكرتا ومنه مباشر إلى سنغافور 4 ليالي
ثم عبر طيرانإيرأسيا رحلة مباشرة إلى لنكاوي في ماليزيا 3 ليالي ثم إلى كوالا 5 ليالي (منها يوم لزيارة مرتفعات جنتنق)
يصبح المجموع = 17 ليلة صافية
ولو المدة المتوفرة عندك أطول ممكن تضيفي 3 ليالي بينانج بعد لنكاوي
البرنامج الثاني :
السفر من هنا إلى ماليزيا ومن المطار مباشرة إلى سلانقور ليلتين ثم مواصلة السفر إلى هونق كونق (4 ساعات من ماليزيا)
قضاء 5 ليالي في هونق كونق ومنها بالباخرة إلى مكاو (ساعة واحدة) وقضاء ليلتين فيها ثم العود\ة إلى هونق كونق ‘إلى المطار للعودة إلى كوالالمبور
والمبيت ليلة في فندق بجوار المطار وفي الصباح السفر إلى بينانج 3 ليالي ثم لنكاوي 3 ليالي ثم كوالا 4 ليالي
المجموع = 20 ليلة
هذا مجرد مقترحات وتقدرين تعدلين عليهم بالشكل اللي يناسبك

المغادرون 2007
مشكور ما قصرت اخوي تعبتك معاي ..
انشالله بشوف شلون بيكون الترتيب وبرجع لك اكيد علشان تساعدني اسوي جدول للمناطق اللي بزورها في كل ديره
يعطيك العافية

نصيحه يا أختي كثرت التنقلات لرحلة شهر العسل متعبه .. أنصحك جعل الوجهه ماليزيا وسنغافوره أو ماليزيا واندونيسيا .. بالتوفيق ..

BoHathal
مشكور اخوي ما قصرت