أختي حبيت أفيدك من هالناحية لأن الوضع عندك تقريبا نفس الوضع عندي أحنا عائلة مكونة بعد من 6 أشخاص كبار و3 أطفال يعني ما شاء الله 9 بس الصراحة أحنا فضلنا أن نسكن في فنادق عشان نستمتع ونغير جو البيت لأن الصراحة أهم شي الفنادق تكون ممتازة
أحنا طلبنا 3 غرف طبعا
في سن واي لاقون ريزوت ليلتين
منها لبنانغ 3 ليالي هوليدي أن
لانكوي لاقون 2 ليلتين
فيرست ورلد جنتنق ليلتين
كوالالمبور 6 ليالي جي دبليو ماريوت
وطلع لنا كامل مصاريف السكن 15000 ريال
يعني الغرفة طلعت علينا تقريبا 5000 ريال
طبعا أحنا طلبنا 3 غرف لأن الكبار فقط 6 والباقي أطفال
طبعا أنت ممكن تقتصدين إذا بغيتي ممكن تسكنين في صن واي براميد أرخص وفيه غرف عائلية
وفي بينانغ عندك البي فيو والهوليدي أن عندهم غرف عائلية طبعا إذا معاكم أطفال
في فندق بعد ثاني بس بعيد عن السوق الليلي فيه نظام شقق
وفي كوالالمبور في عندك برجايا تايم سكوير فندق وفيه نظام شقق وأسعارة حلوة
بقولك على نقطة ترة الواحد لما يسافر أهم شيئ أنه يكون مرتاح بالمكان اللي ساكن فيه هذي طبعا وجهة نظري أني إذا أرتحت من السكن راح أرتاح بالديرة كلها
وأن شاء أكون فاديتك من هالناحية أدري طولت عليك كثير بس شاسوي أحب السوالف
تحياتي ريانة دهن العود