ليش محد رد للدرجه هذي مح قدر يفيدني بمعلومه وحده

اخى الكريم
كل واحد يخش يقول اعطونى برنامج
سامحنى ممكن تتعب نفسك شوى وتقرا التقارير فى المنتدى
بصراة الاخوة مو مقصرين ابد كل شى واضح
وانت اعمل ملخص لنفسك وخذ اللى يناسبك

أديم
سأجيب على أسئلتك حسب أرقامها:
1-كل الأوقات مناسبة ما عدا وقت المعرض وأوقات العطلات.
2- لا أعرفها فلم يسبق لي أن تعاملت معها.
3-لا أعرف أن هناك مكان للخياطين ما عدا خياطين فساتين العرائس.
4- كاثي باسافيك.
5- هذا الفندق ليس أفضل فندق سكنته ولكنه فندقي المفضل لقربه إلى قلبي ، والحجز بهذه الطريقه أفضل من الحجز من الكويت وأفضل من الحجز بالنت.
6- غالي جدا بصوره مبالغ فيها.
7- لا أعرف متطلباتك حتى أحرف ما يناسبك.
8- تختلف من شخص لآخر ولا فرق بين 10 أيام أو أسبوعين.
ولا تنسانا من دعائك

prof2
اخوي ترى انت مضيع انا ماطلبت برنامج للسفره
شكرا
ابو ضرار
يعطيك العافيه ما قصرت وعسى الله يوفقك ان شاءالله
بالنسبه للعطل شهر فبراير والمعارض شهر اربعه وعشر هذي حسب اللي قريته بالمنتدى
وعلى حسب اقتراحات البعض وسفراتهم ( شهر 8 أو 12 إو 3 ) فما هو الافضل برأيك ومن تجاربك
بالنسبه للفندق يعني لو اروح اضمن الاقي حجز وما اتوهق خصوصا انها سفرتي الاولى ؟؟
وكما ذكرت متطلباتي طاولات بأحجام مختلفه وكراسي ومفارش والافضل شحنها اعتقد بالكونتينرز صح؟
وسؤال اخير في مصانع بكوانزو لعمل الشمع باشكال غريبه وكهدايا ؟؟
ومشكور على طولت بالك معاي وجعله في ميزان اعمالك ان شاءالله

اخوى اديم لاتفهمنى
ابد انا مو مضيع
انت بس لو قريت واعتمدت على نفسك اظنك بتلاقى الحل
رحلة موفقة

اخوي انا قبل لا انزل الموضوع واسأل
انا قاريه مواضيع كثيره لكن في استفسارت ابي اعرف رغم قرائتي
واتمنى هالشي ما يزعجك

أديم
هلا اخوي
اخوي ابوضرار ماقصر في المساعده و ان شالله اقدر افيدك بعد و الاعضاء اهني ماراح يقصرون معاك بأذن الله
انا سافرت قبل 4 شهور تقريباً و كان وقت اولومبياد ههه و السعر كان زين بلنسبه للبحرين بس خذيت فكره يوم سافرت و بأذن الله بسافر مره ثانيه شهر 3 اذا الله اراد
لو حاب تسافر فسافر في وقت مافي معارض ولا شي علشان تستفيد اكثر مع ان لو بتروح حق التجاره فالمصانع ماراح يغيرون السعر لانك راح تطلب كمية وكل من زاد كميه كل من قل السعر لك
اما الفندق فتقدر اتسوي بحث عن طريق الانترنيت و تحجز يعني تشوف السعر و المكان المناسب لو حاب و تقدر تحجز عن طريق النت الفندق و السياره من المطار الى الفندق علشان يوم وصلت يكون كل شي جاهز و تعب حالك واايد و انت واصل و مرهق
اذا بتييب كمية كبيره الكونتير افضل و عن طريق الميناء في حاله ان الكمية كبيره بس لازم تكون هناك علشان تشوف الباضعه الي اشتريته لان ما تدري شنو الي راح يطرشونه لك او يطلع مو مثل الي بغيته فنصيحه اخويه اذا بتشري شي خليك هناك و تأكد على بضاعتك لانك دافع فيه فلوس
واهم شي شهاده المنشئ + بوليصه التأمين + فاتوره سعر البضاعة
في كوانزو فيه مكاتب شحن تقدر تستفسر و تأكد مع اكثر من مكتب علشان ما يغلون عليك و تطلع بسعر مناسب حق الشحن
اما حق الشمع ما سمعت عنه في كوانزو الي اعرفه حق الملابس و غيره بس دام رايح حق الكراسي و غيره فتقدر تاخذ فكره عن اشياء ثانيه تستفيد منه في حاله بغيت اتسوي تجاره ثانيه
بلنسبة حق البيزات فتقدر تاخذ معاك مبلغ بسيط و الباقي عن طريق البطاقه ان كان فيزا كارد او بطاقه الصراف الالي او عن طريق ترافيل شيك لان انا قدرت اسحب حتى عن طريق الصراف الالي مع ان كان معاي ترافيل شيك وكنت اروح البنك مع الجواز و اصرف المبلغ و يعطوني عادي
موفق اخوي

شكرا اخوي بحريني على مساعدتك