السلام عليكم ..
حياك الله أختي شذى السوسن ...
آسف لأني ما راح أقدر أفيدك بشي ... لأني ما جربت قبل كذا آخذ أطفال معي ..
لكن أحب إنك تطلعي على هالرابط ... وإن شاء الله تستفيدي ..
https://artravelers.com
وإن شاء الله الشباب اللي جربوا مايقصرون ..
تحياتي لك أختي وبالتوفيق ..

الواحد يحصن نفسه وأولاده ويتوكل علي الله
والوسوسه الزايده مهي زينه

اشعر انك تبالغين !!! يمكن اول مولد الله يصلحه

وعليكم السلام ...
يامرحبا بك اختي شذى السوسن واجاوب اللي اعرفه اختي .
تصدقي لو كنت ولي امر كان منعتكم تسافرون لاجل العروسة
الصغيرة مازالت صغنونة الله يبارك فيها وتفرحوا بها وتزوجوها
وبعدين السارس الحمدلله ماعندهم ...امراض شائعة اخرى نقول
ممكن لاقدر الله وخاصة انه مناعتها ضعيفة ...وان لاقدرالله
سخنت او زكمت او تعبت عاد بمكالمة واحدة لخدمة النزلاء
بفندقكم ويجيكم الدكتور لحد غرفتكم ...اتوقع انه فنادقكم 5 نجوم .
ومافي داعي تروحين مستشفيات وان شاء الله ماتحتاجون لهم اصلاً .
بانسبة للحفائض والبامبرز حسستيني انه ماليزيا مافيها رضع
او انه فيها ولكن مازالو يستخدمون خرق او تطوروا جداً وصاروا
يحطون بدل الحفائض شرائح الكترونية طبعاً فيه بامبرز هناك .
تقولين في نفسك وش دراك وانت اصلاً لا عندك اطفال ولا تزوجت اصلاً
ها ...احراج ...الجواب لأني شفته بعيني واروح السوبر ماركت
ادور بالعربية واقارن باللي عندنا وعندهم ومر على الحفائض
الاكل ...خذي 3-4 علب حليب احتياط لأنه عندهم حليب لكن
ما نضمن هل تقبله طفلتك الله يحفظها وخاصة انها والفة على نوع
والعلب الصغيرة هذيك اللي ورقتها زرقاء هربز ما ادري هرلز
عرفتيها ترى موجودة عندهم ...واحد يطلع لي يقول يا اخي خاف
الله هربس هذا مرض ...اقوله الله يكفينا شره بس الاخت فاهمة
والبنوتات اللي عندهم اطفال بمنتدانا ....
اللبن اكذب عليكِ لو قلت لك شفته لانهم ما يعرفوه ...
لبن مراعي وصافي ومخيض وما ادري ايه ترى انسي وان قصدك
اللبن اللي معاه فراولة وتوت وما ادري ايه مثل زادي وما ادري
وش شكله ترى مر على ولكن ما ذقته ...
حفائض ومناديل معطرة وبودرة وعطر اطفال عاد ما تتعبين فيها.
الاكل احطاتي فيها مع تأكدي انه ما منها خوف لكن الاحتياط واجب
هذه امانة وانتبهي عليها والاكل اهم شيء لو تشيلين معاكِ سوبر
ماركت من هنا ترى مو خسارة وفداها ..
رايحة تشيلها ولا تحطيها في عربية ...اكيد عربية ..
على قولتك بلاش من جنتنغ ...اصلاً كيف تلعبوا وهي معاكم
وان كان في برنامجكم كاميرون او مكان مرتفع جيبوا لها
دقديق ...فهمتيها ..ان كنت مكاوية حتفهميها
جيبوا لها غطاء لاجل البراد ...ولبسوها ثقيل ..
واجلسوا بعيد عن المدخنين والمشفطين واهل المعسلات
كل واحد يسوي نفسه تنين ويطلع دخان من خشمه وفمه واذنه
ولا يحشم الناس ...وهذه انتبهي منها في مطاعم العرب .
وبعديها عن اماكن الصجة مثل بوكيت بينتانغ واغاني الروك
والفرق المجنونة لأنه كبار داخوا فمابالك بالصغيرة .
كل شيء بمعيار ومقدار ... نصائح عامة وادري انك تعرفينها
بس حبيت نتذاكر مع بعض ...بالله اصلح اكون اب صالح
موفقة اختي شذى السوسن وربي يجعلها رحلة سعيدة
ويحفظكم جميعاً بحفظه والسلام عليكم

لا تخافين و لا تحاتين توكلي على اللة و الي اللة كاتبة راح يصير سوا انتي بي ماليزيا ويلا بي ديرتج
لا توسوسين وايد و تتعبين بعدين و تخربين سفرتج و على زوج
اخذي احتياجاتج و سافروا
و تروحون و تردون بسلامة

عزيزتي
اذا تبين نصيحتي لو عندك احد مثل االوالده "الله يحفظها " او اي من اخواتك وتقدرين تخلين بنتك عندهم ترى افضل لك بكثير اسأليني انا عن معاناتي في السفر مع بنتي لما كانت في عمر بنتك .. في عمرها هذا صعب تاخذينها للسفر رح تتعبين نفسك وتتعبينها هي اكثر !!
ادري ان قلبك ما يطاوعك تخلينها وكنت احس بنفس الشعور هذا بس لما رجعت عرفت اني غلطت في حقها خصوصا ان الفتره هاذي تبدى تطلع اسنانها وتكون ياحرام طلول الوقت متأذيه وتبكي من الم الاسنان وانتو تبون تطلعون وتنبسطون ومشاوير واسواق ضجه الى اخره فالافضل انك ما تاخذينها معك .... هاذي نصيحة مجربه والله اعلم ..
الا اذا كان معك احد رح يساعدك هذا شي ثاني
عموما عسى الله يسهل لكم سفرتكم ويحفظ لكم الاموره من كل شر

الاخت شذى السوسن
اذا مسافرين في بداية سبتمبر انا معاي اولادي سنه ونصف واربع سنوات ونصف اذا ودك تحطي بنتك مع اولادي ماعندي مانع واذا بغيتي تزوريها بأي وقت ماعندي مانع وانا غير مسئول عن اي اصابات تلحق بها عن طريق ولدي الصغير ملقوف
فيه شئ ثاني جميع الفنادق في ماليزيا قرأت في مواقعها انها توفر خدمة البيبي ستر وهذي بتريحك جدا ولا تشيلي هم
وفي مثل هذه الامور مالك الا العمة المحترمه العربية هي خبيرة في مثل هذه الاشياء وردها راح يقنعك كثير

أنا توي جاي من ماليزيا ومعاي أبنب البالغ من العمر سنة ونصف يعني شايل عمره على قولنا ، بس طفشني آخر الأيام ما يقعد بالعربة يا راكض ليه هنى ويا راكض ليه هناك ، وأن ربطه بحزام العربة فتح الحزام بس أسكته بالألعاب وحديقة الحيوان والطيور والفراشات .
وختمها لي عن رجوعي في الطائرة ما يقعد معاي ، دايما يفتر بين المقاعد يلعب مع أطفال المسافرين الى أن وصف الى مقاعد الدرجة الأولى ورجال الأعمال ثم الى الكابتن وأنا في سبات عميق . وسبب لي احراج بين المظيفين

انا رائيي من رائ اخونا Never2late خليها وروحي وسافري ترى منتب مستانسة
البنت تبي رضاع
البنت ....
البنت محترة
البنت بردانه
البنت تبكي
البنت جوعانة
وكلة كوم والطيارة كوم
والملاهي انسي انك تركبين
والسنماء انسي انك تدخلين
اما البيبي ستر فالي سمعناة انها غالية هناك وكونك مخليتها مخليتها القريب أمن
وتروح سفرتكم وانتي شاقية بهالبنت الله يخليها لك يارب
تروحين وترجعين بالسلامة