نشر في المانيا

ارجوكم انا الان بألمانيا والقارمن جاب العيد

أريــــن

13-11-2022 - 09:42 am

السلام عليكم ورحمة الله وبركاته
اكتب لكم وانا في قمة الانهاك
اخذنا فندق جنب المطار تفاديا للتعب يوم الوصول
ولا وصلنا له الا بعد 3 ساعات
والسبب القارمن
او بالاصح جهلي باستخدام القارمن
طلع مافيه خرايط اوروبا
بس مستغربة كيف يوم ادخل الاحداثيات يظهر لي موقعها تقريبا نفس قوقل ماب؟؟؟
نوع القارمن نوفي 50
ارجوكم اسعفوني اذا اقدر احمل حرايط اليوم ومجانية كيف الطريقة بالضبط؟؟
الانترنت مجاني اليوم فقط
السيارة اللي اخذناها الحمدلله فيها نفقيشن لكن حاولنا ندخل احداثيات الفندق تطلع الارقام اقل او اكثر وماتضبط
مالقينا الفندق الا بالعنوان من بوكينق

التعليقات (9)

Deutschland-Stuttgart

13-11-2022 - 12:06 pm

اخوي الحل الاسهل اشتري من المانيا غارمن رخيص وخليهم بالمحل يحولولك اياه للغة العربية ومشي نفسك...اذا عندك مشكلة باللغة روح على المحل اللي بدك اياه واتصل فيني لما تكون جنب الموظف وانا بفهمه هالكلام بالالماني...اذا احتجت رقم تلفوني بعطيك اياه عالخاص

daayem1

13-11-2022 - 01:07 pm

لا حول ولا قوة الا بالله الحمد لله على السلامه يا اخوان لا تستخدمون الاحداثيات فنحن لسنا في الصمان او الدهنا استخدموا الاسماء فكل مكان عندهم له اسم ادخلوا اسم المدينه ثم اسم الشارع واخير العناون والقارمن يساعدك اصلا ويعطيك اختيارات يمكنك تحميل الخرائط على الاي فون او الجلاكسي برنامج توم توم جيد لاوروبا وراح تخدمك بأذن الله
والسياره فيها قارمن يكفيك
حوله انجليزي وتتسهل امورك ان شاء الله بس انسى شيء اسمه احداثيات شوف بكره وين بتروح وسجل الاسماء بالانجليزي وروح جرب تدخلها بالقارمن
اسأل الله ان يسهل عليكم سفركم

daayem1

13-11-2022 - 02:08 pm

اخوي فيه نقطه ممكن ناسيها القارمن في الاعادات ممكن تكون خارئط اوروبا موجوده بس ما فعلتها حصلت معي قبل كذا لكن ليس قارمن نوفي

قايد

13-11-2022 - 03:09 pm

اذهبي الى اعدادات ثم خريطه بالاسفل فيه خيار معلومات اضغطي عليه شوفي الخرائط المحدده
احتمال خريطة اروبا مافعلتوها

أريــــن

13-11-2022 - 04:10 pm

Deutschland-Stuttgart
الله يجزاك خير يارب السيارة فيها قارمن لكن طريقة الاحداثيات تختلف

أريــــن

13-11-2022 - 05:11 pm

daayem1
امين جزاك الله خير فعلا هذا اللي استخدمناه للوصول للفندق
لكن فندق رست غدا يعطيني رست بدول ثانية
لكن بسوي اللي قلت عليه شكله هو الحل

أريــــن

13-11-2022 - 06:12 pm

daayem1
القارمن مافيه طاري اوروبا بكتب الموجود وبرجع لردودكم الصباح
desert maps 2012
darmoja desert map v6.3
cn middle east and africa nt 2013.20
هذا الموجود فقط

أريــــن

13-11-2022 - 07:13 pm

قايدعنادك
للاسف رحت ومالقيتها
جزاكم الله خير على تفاعلكم

daayem1

13-11-2022 - 08:14 pm

اختي بالنسبه لروست لا تكتبي روست روحي لحجزكم بموقع بوكنق شوفي اسم القريه المكتوبه وش اسمها ودخليها بعدين دخلي عنوان الفندق او اسمه والقارمن يساعدكم اول ما تدخلين 3 حروف يكمل الباقي وانت تختار بس تأكد من السبلنق لان الاسماء تتشابه

المانيا المسافرون العرب

ارجوكم انا الان بألمانيا والقارمن جاب العيد