اانا اخترت اني ازور لانكاوي او صانواي لاجون او كوالامبور
تبي تختار بينهم ام
صن واي لاقون احذفها من السكن ( ممكن تروح لها وانت ساكن في كوالالمبور )
يصير الحين الخيارات بين كوالالمبور و لنكاوي
اذا ايامك 5 ليالي وأقل : خلي ايامك كلها في كوالالمبور ( ومنها تزور صن واي و تزور جنتنج )
اذا ايامك 6 ليالي : تقدر تسكن في كوالالمبور ولنكاوي ( كوالالمبور ليلتين ثم لنكاوي ليلتين ثم كوالالمبور ليلتين )
اذا ايامك 7 ليالي : ( كوالالمبور ليلتين ثم لنكاوي3 ليالي ثم كوالالمبور ليلتين )
اذا ايامك 8 ليالي ( كوالالمبور ليلتين ثم لنكاوي 3 ليالي ثم كوالالمبور 3 ليالي )
اذا ايامك 9 ليالي ( كوالالمبور ليتلين ثم لنكاوي 4 ليالي ثم كوالالمبور 3 ليالي )
اذا ايامك 10 ليالي ( كوالالمبور ليلتين ثم لنكاوي 4 ليالي ثم كوالالمبور 4 ليالي ) او ( سيلانجور ليلتين ثم لنكاوي 4 ليالي ثم كوالالمبور 4 ليالي )
اما المصاريف اليوميه : ( للشخصين )
تقريبا تكون المصاريف لليوم من 200 ريجنت الى 600 ريجنت
الغالب هو 300 ريجنت الى 500 ريجنت
المعدل هو 400 ريجنت
الخلاصه نقول 400 ريجنت لكل يوم ( تقل او تزيد حسب صرفيتم )
بالنسبه للفنادق : فيه الرخيص وفيه الغالي وفيه المتوسط
الفنادق المتوسطه تكون ما بين 300 الى 400 ريجنت ( طبعا فيه اقل من 300 .. وفيه اكثر من 400 ريجنت )

اخوي شوف ..
لا تفكر ولا تحتار غير كوالا لا تختار
صراحة مدينة غير شكل من كل النواحي ..
يعني لو تقعد فيها اسبوع بحاله ماتمل ولا تكل ..
فخلك مثل ماقالك المشرف على كوالالمبور ..لو هي 5 ايام لو زيادة يومين او 3 اضيف بينانج احس فيها حركة اكثر من لنكاوي ..
بالنسبة للتكاليف وهالسوالف للاسف مو من اختصاصي ولا اقدر افيدك
بس حابه اقولك الفنادق حسب ميزانيتك بتلاقي كل الاسعار من 200 وانت طالع ..
لا تفوت تجربة باص الهوهو .. رائع بمعنى الكلمة ومنها تقدر تحدد الاماكن اللي تناسبك وتناسب صاحبك وتفردون لها ايام بجدولكم ..
وهذا الموضوع بيفيدك للمبدع الفهد
https://artravelers.com/p/re/410831
وكمان تقدر تزور بوكيت تنقي او جنتق هاي لاند او بوتراجايا والسن واي لاقون وانت بكوالا ..
هذا غير المنتزهات والمولات والمطاعم اللي توسع الصدر ..

شموخ اختصرت لك كل الحكاية وجابتها لك من الآخر خلك على كوالا وبس

قبوط
الاخ قبوط
ما حددت لنا عدد الايام التى تنوى بها زيارة ماليزيا ؟
مع ذكر الميزانية الرحلة لشخصين تقريبا ....
بالتوفيق

الأسفار متعتى
ما حددت لنا عدد الايام التى تنوى بها زيارة ماليزيا ؟
مع ذكر الميزانية الرحلة لشخصين تقريبا ....
بالتوفيق
اخوي انا ابي اروح بس لانكاوي او كوالامبور صان واي لاجون مابي ازيد عليهم ولا انقص من خلال التقارير الي شفتهاا بالمنتدى هذا الي عجبني ابصراحه
يعني انا محتار جم يوم اقعد فيهم او جم راح تكلفني مع السكن والمصرف والسوق علماا اني بروح مع صاحبي
يعني السكن النص بالنص

الاخ قبوط مساء الخير
صنواى لاقون يكفيها يومين, جزيرة لنكاوى يكفيها 3 ايام ، كوالالمبور يكفيها 4 ايام
مع انكم شباب انصح تروح بينانج راح تعجبكم كل حركة و تمشية الى منتصف الليل, بالعكس لنكاوى تصلح اكثر شئ للعرسان ، يخيم الهدوء بعد ما تغيب الشمس.
عندك مرتفعات جنتق روعة ... راح تنبسطوا اكثر .. العاب ملاهى و مطاعم و ممكن تعمل شوبنق ( يوجد مجمع تجارى )
فمن رأى ان يكون جدول رحلتك كالتالى
2 يوم سيلانجور
2 لنكاوى
3 بينانج
4 ايام كوالالمبور
او تكنسل لنكاوى و تطلع يوم من بينانج الى لنكاوى بواسطة العبارة الفيرى و ترجع فى نفس اليوم
منها الذهاب الى مرتفعات جننتق صباحا و العودة مساءا
اطلع على دليل بينانج السياحي
https://artravelers.com/p/re/369161
عن المصاريف مثل ما تفضل مشرف ماليزيا النهر الجارى ( بونايف ) ممكن ترجع الى مشاركته فى الاعلى
على حسب جدولى المقترح لك سيكون المصاريف كالتالى :
الفنادق تقريبا 500 ريال * 11 يوم = 5500 ريال
المصرف اليومى 400 ريال * 11 يوم = 4400 ريال
تنقلات داخلية 600 ريال
هدايا و تسوق فى حدود 1000 - 1500 ريال
شوف عندك الحساب (ممكن يزيد او ينقص حسب اختياركم لدرجة الفنادق و تنوع الرحلات و الجولات السياحية و التحكم الجيد فى الميزانية )
بالتوفيق