يم الدريشة
15-03-2022 - 10:38 pm
بما اني قد زرت ماليزيا مرتين وعرفت الكثير عنها إلا اني في الرحله الثانيه لم اتذكر هذا الامر وجلست في حيره من امري واحس بمشكله كبيره وحبيت اعلمكم عليها لأنها تهم كل الناس صراحه .
ياجماعه ماليزيا رغم انها وسط بحور إلا انهم ماياكلون ملح .. اكلهم دائما ماصخ
وحتى في الفطور بالفنادق يضعون المملحه ولكن الملح اللي فيها غريب ومخلوط معاه فلفل اسود ومهمى حطيت يبقى ماصخ .. يعني ماكو استطعام
نصيحتي لكل واحد ناوي يروح ماليزيا ان ياخذ معاه ملح النوع اللي بكياس صغيره نفس اللي يقدم مع بطاط الشبس في المطاعم ....
وياريت اللي مر بهذه التجربه يبلغنا لأني مو بس انا اللي كنت اعاني من هالمشكله
والسلام عليكم ورحمة الله وبركاته
الله يعطيك العافية أخوي (يم الدريشة) ربي يجزاك عننا كل خير يارب ويجعلها في موازين أعمالك على هالمعلومة اللي كانت جداً مهمة بالنسبة لي..
واللي بصراحة ضيقت صدري كثير لأني ناوية أقضي شهر العسل بشهر أبريل في ماليزيا بإذن الله.. وشكلي والله أعلم بموت جوع هناك لأني مستحيل يعجبني الأكل إلا إذا كان ملحه زايد هذا بطبخنا العادي فما بالك طبخهم خلقه بدون ملح .. الله يعيننا يارب..
ومشكور مرة أخرى على حرصك بإفادتنا جزاك الله خير ..
أختك/ ش الخُبر وق ..