!دانه!
19-06-2022 - 05:24 am
السلام عليكم
ما هو رايئكم في فندق فيرست ورلد في جينتج؟ من جميع النواحي
هل هو احسن من جينتج هوتيل؟
انا اسفه جداجدا جدا جدا جدا علي كثر اسلئتي :112: والله يعطيكم العافيه ويساعدكم
اختكم
دانه
الرجاء الرد سريعا وعاجلا لان ما في وقت السفر يوم الجمعه ان شاء الله وابغي اعمل جميع الحجوازات موكدة باذن الله
يامرحبابك اختي دانة
واسئلي اختي اللي تبغيه ولا تخجلي الله يسلمك
المنتدى لتبادل الخبرات واليوم نفزع لك وبكرة النهار تفزعين لنا
والناس للناس والكل بالله
اختي دانة ... فنادق جنتنغ مش فخمة وانما على قولتنا مشي حالك
جنتنغ هوتيل كان افضل الموجود ومعطينه5 نجوم .. وفيرست وورلد
فئته 4 نجوم صراحة مافرقت وانا من عندي اعطيها 3 نجوم
تراه فندق مش بطال ... ونظيف مابه شيء وان شاء الله امن
اقل من جنتنغ ولكن مقبول .. وترى فيرست وورلد موقعه جداً
جميل والدنيا كلها تحتكم وحولكم ... يعني ان مالقيتم حجز في جنتنغ
هوتيل اجل خذوا في فيرست وورلد وربي يسعدكم
توكلي على الله اختي
والله يصلح ابنكم ويجعله شاب ينشأ في طاعته سبحانه
ومشكور اختي الصغيرة على دعواتك وربي سامع الدعاء .
لا تنسوا تدعوا لنا ولو لدقيقة بماليزيا ... لانكم مسافرين
ودعوتكم مجابة بفضله سبحانه ... الجوازات سجلوها في السفارة
ان ما كان يوم وصولكم خلوهااليوم اللي بعدها .. توصلون السبت
ان شاء الله ... ان مامداكم اجل الاثنين وانتم طيبين لانه الاحد اجازة .
ولا تشيلوا كل فلوسكم معاكم ... وقسموا الفلوس بينكم لاجل لو احد انسرق
لا قدر الله ماتروح كلها .. الكاميرات والشنط اللي على الكتف انتبهوا
لا يجيكم واحد يجري او بدباب وينتشها منكم ...خلي زوجك يشيل معاه
مصروف يوم ولا يزود ... وجنبها بطاقة صراف للاحتياط وخلي
معاكِ 100- 200 للاحتياط ومو تمشي مفلسة ...افرضي نقصت
الفلوس في مطعم او تهتي يصير عندك حق الرجعة ...ولو تشتروا
شرائح جوال اول ما توصلوا احسن لكم ... 37 شريحة لزوجك
الكريم ومثلها لكِ يصير تكونوا على اتصال ...ولا تعمموا رقمكم
ولا حاجة ...تبغوا تتصلوا على ديرتكم اشتروا بطائق idd
واستخدامها سهل واتبعوا التعليمات خلف البطاقة .
لبسوا وكيل وزارة البترول ثقيل وخاصة في جنتنغ ... وخلوه
حبوب وان معاه حلاوة خله يعطي للماليزي او الماليزية اللي تلعب جنبه
في اللعبة ... خليه من بدري يسوي علاقات ثنائية طيبة مع الدول
الشقيقة والصديقة وعلقوا له بطاقة فيها اسمه وجنسيته
واسم الفندق اللي نازل فيه وارقام جوالاتكم .. ان شاء الله مايتوه
ولكن الاحتياط حلو .. وماشاء الله شكله يصير حلو ... لابس ثقيل
ومسوي تسريحة على جنب ومعلق بطاقة ..ماشاء الله تبارك الله
حتى الناس يقولوا شوفوا كيف بزورة العرب حلويين .. عاد حصنيه
واقرئي له المعوذتين واية الكرسي والاذكار وحتى انتم لانهم ما يقولوا
ماشاء الله .. وترى العين حق ...ولا تبينوا نفسكم طحاطيح وخلوكم
معتدلين في كل شيء وبغينا الوناسة مش الاستعراض
حاولوا انكم ما تحتكوا مع الشخص اللي يكون قليل ادب فخير من
اجابته السكوت .. وان صادفتكم مشكلة لا قدرالله اطلبي الشرطة
السياحية وهم في خدمتكم .
الصلاة الصلاة .. واعكسوا صورة حلوة عن ديرتكم وناسكم
لعلكم تصلحون ما خربه البعض ... واعرفواانهم ينظرون لكم في
تحركاتكم وسكناتكم فكونوا قدوة .
موفقين بأذن الله ورحلة سعيدة وتروحوا وترجعوا بالسلامة
والسلام عليكم