اذا عزمت السفر الى ماليزيا وبالتحديد بينانج وخايف على عمرك احذر الركوب في البرشوت،،،
أنا العام الماضي حصلت لي تجربة لن أنساها ما حييت،كنت ساكن في فندق قولدن ساندس وطليت على البحر الا أشوف البرشوت والجو خيالي (العصر) يعني مغري الواحد يركبه ،قلت للعيال يالله نزلنا نركب الدبابات البحرية بعدين البرشوت، المهم نزلنا واستمتعنا بالدبابات البحرية ،بعدين جيت للعمال حقين البراشوت وقلت كم الدورة قال ستين رنجت قلت يابن الحلال آخر كلام قال 45 رنجت قلت تمام،استعديت للركوب وأخذو يشرحون لي عن الحبال واستخداماتها شي للاقلاع وشي للهبوط كأنها طيارة ،الشاهد خويكم ركب وياليته ما ركب، ارتفع البرشوات وما أخفيكم فيه متعة تخيل معلق في السماء والناس تحتك تشوفهم من بعيد على الشاطئ وتحتك مباشرةً البحر ،المهم وأنا في منتصف الدورة وبلغت ذروة الارتفاع انقطع الحبل والله العظيم في تلك الحظة توقعت أنها النهاية ،نزلت على طول بسرعة 160 كيلومتر في الساعة واتعمق في البحر ما أدري نزلت 10 متر أو 20 متر داخل البحر وأحاول ان اصل لمستوى البحر عجزت المسافة شكلها عميقة مع اني أعرف اسبح لكن البحر مخيف ولا تدري متى تطلع تخاف تطلع روحك قبل ،مادريت الا في اللحظات الاخيرة طلع راسي وشميت هواء الا والدبابات البحرية حوالي والقوارب التي تبي تعفني والمشكلة ان الحبال كلها التفت على جسمي وجلسوا يسحبوني كني جنازة ارهاق مع روعة ما توقعت بنجو، وتصور كل ما حصل بمشاهدة الدام والاطفال يعني الحالة النفسية زفت ،تخيلو ذاك اليوم مسنتر في الفندق بعد الحادثة ما قدرت أطلع قاعد أفكر في اللي جرى،،،،،
ولو كنت متوقع عدم الأمان ولو بنسبة 1% والله ما أركب وتصوروا لو كان وقوعي على الارض عند النزول ماذا سيكون الوضعربك ستر،،،،،
فبعد هذا الحادث هل ما زال يستهويك البراشوت؟؟؟؟؟؟؟؟؟