NaifOtaibi
22-11-2022 - 12:36 pm
السلام عليكم ورحمة الله وبركاته
يا اخوان .. اولاً مبروك عليكم شهر الرحمة والمغفرة
ثانياً .. احتاج منكم تخدموني في رحلتي الى ماليزيا وهي اول رحلة لي
وسوف تكون مع الاهل
رحلتي سوف تكون في نهاية شهر اغسطس 8
عبارة عن 7 ايام او 8 بالكثير
طبعاً مابي تنقلات كثيره ،، مدينتان او ثلاث بالكثير
اتمنى احد الاخوان يساعدني بالمعلومات
ايش افضل الفنادق واسعارها معقوله
وايش افضل مدينتان او ثلاث يجب زيارتها
وكيف اقضي وقتي في هالمدن (كم يوم لكل مدينة، ايش الاماكن اللي يجب زيارتها وعدم تفويتها.. الخ)
وسلامتكم
اول شي 7او8 ايام تعتبر قصيرة وحاول تزيدها لانك خسرت ودفعت التذاكر فحللها واستمتع.عموما اذا ماتقدر ف7 احسن من لاشي.
انا اقترح انك تقسمها على مدينتين فقط او تخليها كلها بكوالا العاصمة.
اذا كانت الرحلة للهدوء والرمنسية وكنتم زوجين فقط وتريد الطبيعه وكذا فانصحك بلنكاوي 3ليال و4لكوالا.
واذا معك اطفال او تبي فعاليات اكثر واسواق جو مدينة ليليه فرح بينانج ثلاث ليال وكوالا اربعة.
اما عن الفنادق فهي حسب ميزانيتك وحسب ذوقك. في ناس يقولون الفنادق للراحة والنوم واغلب اليوم برا الفندق فليش ناخذ فخم وخمس نجوم.
وفي ناس العكس يحبون الفخامة ويبون يستمتعون.
بعدين اول حدد المدن عشان نقدر نفيدك بالفنادق.
واخيرا قضيت كيف تقضي وقتك بالمدينة فهذا اسهل شي..اذا حددت المدن للي تبيها فيكون لديك في هذا المدن مجموعه اماكن وحدائق واسواق ومنتزهات جميلة تستحق الزيارة
فمثلا في كوالا لديك افموسا وجنتق والبرجين وعالم تحت البحار والمناره وشارع العرب والسوق الصيني ومجمع وسوريا والتايم والشلالات و ملاهي صن واي.
واترك البقية للجهابذ الافذاذ. وسلامتك