السفر في القطار متعه والمسافه ليست طويله اما بخصوص الترتيب انصحك يكون كالتالي
يومين برلين يومين فرنكفورت يومين ميونخ يوم قارمش يوم ميونخ
بخصوص السكن انصحك بالدخول على موقع البوكنق واختيار ما يناسب من حيث السعر والموقع
السواقه في المانيا خاصه واوروبا عامه متعه اذا يقدر يكون افضل اذا ما يقدر المترو يقوم بالواجب

مشكور علي الرد
ويعطيك العافيه

بس بغيت اسأل سؤال بعد وش المناطق القريبه من الاسواق والمحلات في هذه المدن عشان ادور فنادق فيها

تبي الصراحة اول مرة أسافر أنا وزوجي لحالنا ونفسي تكون السفرة حلوة ووناسة
وعشان كذا أنا مترددة
لو قلت لك أني ابروح المانيا لمدة سبعه ايام وش الاماكن اللي تنصحني اروحها هل المدن اللي أنا ذكرتها هي الافضل والأولى باني اروحها او اذا عندك ترتيب ثاني ممكن تقولي عليه
ومشكور مرة ثانيه
واعذرني تعبتك معي بكثرة الأسئلة

نصيحتي لكم حرام اسبوع بس في اوروبا
تدفعون على الفيزا والتذاكر والفنادق وبالاخير اسبوع
حرام والله حرام
زيدو لايام على الاقل اسبوعين او روحوا بلد ثاني

طيب وش تقترحين اختي
ممكن نزيدهم اسبوع ثاني ولا يهمك
بس وش الاماكن اللي تقترحينها بالاضافة الي المانيا

شوفي لوتخلونها تبدء من 10 ابريل احلى تكون الفعاليات فتحت
ممكن يكون المخطط فرانكفورت - رست - ميونخ - زيلامسي او كابرون - سالزبورغ - فيينا او ميونخ
او ممكن تخلين الذهاب فرانكفورت والعوده ميونخ
العاب اليورب بارك تفتح يوم 9 ابريل وموقعها في رست عشان كذا افضتها لكم لاتفوتكم
مكن تخلين البدايه من ميونخ او فيينا والنهابه من فرانكفورت يعني تعكسين
انتي الحجز اللي تلقينه متوفر وارخص خذيه
تقدرين ماتستاجرون سياره رغم اني افضلها بس لو ما اخذتوها تتنقلون بالقطار وداخل سالزبورغ وزيلامسي بالباصات
و فيينا وميونخ مترو وترام

مشكورة اختي علي تفاعلك
معليش تحمليني عندي أسئلة بعد
التنقلات بين هذي المدن بالقطار وياليت لو تساعديني بتوزيع الايام اذا كنت ابجلس أسبوعين ابتداء من 3 ابريل

تصير الرحله
3ليالي ميونخ - 3 ليالي سالزبورغ- 5 ليالي زيلامسي - ليلتين رست - ليله فرانكفروت
هذي 14 ليله يعني 15 يوم
كل الرحلات مباشره ما عدا من زيلامسي الى رست القطار يكون فيه توقف بميونخ
ما اعرف كثير برحلات القطار لاننا نعتمد على السياره دايما
بس اللي اعرفه انه الرحلات مباشره كما ذكرت لك وكلها وقتها قصير ما عدا من زيلامسي الى رست بس تستاهل عشان تروحون العاب اليورب بارك