النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
جراح الجراح
25-02-2022 - 06:55 am
تحية عطرة لكل القايمين والمشاركين بهذا المنتدى الرايع والاكثر من رايع عندي استفسارات بعد ان تم وضع الخطه النهايه للسفر لشهر العسل ولله الحمد وابي رايكم فيها ونصايحكم
الوصول ميونخ والمبيت هناك ليلتين بفندق اسمه هوليدي ان ( احد يعرفه وايشرايكم فيه )؟؟
استيجار سياره والذهاب بها الى النمسا وبالتحديد زيلامسي ابي نصايحكم من فين استاجر السياره واش اقرب فرع من الفندق عشان استاجر على طول
الذهاب بالسياره الى زيلامسي والمبيت هناك 5 ليالي والانطلاق الى انترلاكن السويسريه
فين اسلم السياره هل اروح اسلمها في انسبورغ او اسلمها في زيلامسي او تنصحوني ادزها خط على انترلاكن وما هي انسب طريقه لذهاب الى انترلاكن رحله اقتصاديه ومريحه
بالعلم اني عرفت انه مافي اي قطار يروح من زيلامسي على انترلاكن دايركت لازم يمر بانسبورغ ؟
كم يكفي يوم اجلس في انتر لاكن ؟ وافضل مكان للسكن هناك
افضل طريقه للذهاب الى جنيف ولوزان وايهما افضل
افضل طريقه للذهاب من جنيف الى روما
بليز مساعدتكم يا اهل الخبره


التعليقات (9)
دمـوع الوجـد
دمـوع الوجـد
لحظه اخوي ما بقيت مدينه ماذكرتها مايصير كذا
لازم نعرف اول شي كم مده السفر عندك ؟؟ يعني التاريخ من والى
وكم شخص انتوا
عشان نحدد المخطط

جراح الجراح
جراح الجراح
ههه مدة سفري 16يوم انا وزوجتي شهر عسل بروح فيها ميونخ، زيلامسي، انترلاكن ، جنيف وروما مو كثير المدن بس المسافات طويله شوي بينها
التاريخ من 8 جولاي الى 24 جولاي الوصول ميونخ والاقلاع روما
اتمنى تساعديني في التخطيط السليم اختي الفاضله لاني بصراحه اول مره اطلع اروبا
الجدول اللي سويته 2 يومين ميونخ 5 زيلامسي 4 انترلاكن 2 جنيف 2 روما
افكر اخذ سياره اسافر فيها من ميونخ الى زيلامسي واذا خلصت من زيلامسي اخذها على انسبورغ واسلمها هناك واخذ قطار على انترلاكن لاني سمعت مافي قطار من زيلامسي على انترلاكن ومافي فرع لشركه سكست في زيلامسي فمضطر اروح انسبورك عشان اسلم السياره واخذ القطار
ما اعرف فين اسلم السياره وفين محطه القطار وكيف احجز هل من هنا او من هناك بصراحه احتاج مساعدتكم بعد الله سبحانه وتعالى
وكل الشكر لكي اختي

دمـوع الوجـد
دمـوع الوجـد
عندك 16 ليله فقط ودام عندك الوصول ميونخ والعوده روما مخططك يكون
3ليالي ميونخ - ليلتين سالزبورغ - 6ليالي زيلامسي- ليلتين فينيسيا - 3ليالي روما
فقط لاغير ما تزيد شي لانه انتوا عرسان المفروض تقللون المناطق والمسافات
من ميونخ الى سالزبورغ روحوا بالقطار واستلموا السياره منها وسلموا السياره في زيلامسي
وانتقلوا من زيلامسي الى فينيسيا ومن فينيسيا الى روما بالقطار
والمسافه طويله بالقطارات من زيلامسي الى فينيسيا ومن فينيسيا الى روما لاتقل عن 5 ساعات

جراح الجراح
جراح الجراح
اختي الفاضله كل الشكر لك بصراحه كلامك ريحني كثير لان الناس لعبت في راسي وبتفكيري
خطتك هي الجميله والتي هي في الاصل كانت الخطه الاولى لي مع اختلاف عدد الايام ولكن من كلام الناس عن فينيسبا وانها ما فيها شي والواحد يطفش هناك ففكرت في التوجه الى سويسرا لان عندي ايام كثيره واخاف اطفش سوا في روما او فينيسيا ولكن كلامك وشورك اعجبني كثير لان اتوقع متعه الرحله راح تتنغص بسبب المسافات الطويله والهجوله
حجزت في ميونخ 2 يومين في فندق هوليدي ان قريب محطت القطار وزيلامسي 5 ايام في قراند هوتيل بصراحه مره غالي بس اش اسوي هو الفندق الوحيد اللي عجبني موقعه هو وسي هوتيل بس باقي الايام ياليت ترتبيلي هي من واقع خبرتك والاماكن اللي زرتيها وتشوفيها مناسبه واشرايك لو نضيف ميلان ؟؟ وهل في اماكن اخرى قريبه ممكن ازورها ولاتنسي الفنادق
والله اني تعبتكم معايه
المشكله اللي باقي تواجهني هي السياره بصراحه من كلام الاعضاء ان السياره متعه في زيلامسي ياليت توجهيني من فين استاجرها وفين اسلمها
وكل الشكر لك على ردودك السريعه

دمـوع الوجـد
دمـوع الوجـد
فندق ميونخ اعطيني اسمه كامل لانه فيه كم فرع بهالاسم ؟؟
وهل الالغاء مجاني اذا ايوه ابغى اعطيك خياارت افضل من فنادق هوليدي ان؟؟
ولازم نزيد ليله فيه او اذا بغيت نحط الله الزايده في سالزبورغ بحيث تصير 3ليالي ممكن
فندق زيلامسي هذا افضل فندق متوفر بوقتكم راح تزيد يوم عشان تصير 6ليالي
ايطاليا كلها حاره ما ادري ليش تروحون لها بس اذا ودكم فيها ما نقدر نقولكم شي
فينيسيا اول يوم بيضيع اغلبه بالطريق ومابقي الايوم
بس اذا تبغى روما ليتين بس يصير تجلس ليله في
فينيسيا وليلتين في ميلانو وبعدها الى روما ليلتين
وترى المسافه ماراح تزيد عليك لان فينيسيا وميلانو
متقابلتين وتحتهم روما والمسافه من فينيسيا الى
روما نفس المسافه من ميلانو الى روما
السياهر استاجرها من ميونخ من السنتر وتسلمها في زيلامسي طبعا راح تدفع ضريبه لانك راح تسلمها بدوله ثانيه بس هذا الحل الوحيد عندك
واما التنقل من زيلامسي الى فينيسيا ومن فينيسيا الى ميلانو ومن ميلانو الى روما كلها قطار
الفنادق في ايطاليا ما اعرف تقدر تسال بالبوابه الايطاليه بس خلينا نخلص من المخطط اول

جراح الجراح
جراح الجراح
اوكيه انا معاك اول باول
الفندق هذا الرابط ويمكن الغي الحجز قبل 6 ايام من الوصول
https://www.booking.com/hotel/de/munich-inn.html?aid=1300939
ما اقدر ازيد ايام في ميونخ لان قراند حجزت ودفعت خلاص اصلا على حسب كلام بوكنق اخر غرفه ( احسهم كذابين لكن بوكنق سعره افضل من موقع الفندق نفسه ولهذا حجزت ) من 10 الى 15
اتوقع 5 ايام راح تكفي في زيلامسي
ممكن نزيد في سالزبورغ بس لازم تقليلي فين اروح
واذا ممكن نزيد في ميلان او روما بس ما اعرف لاني ما قد رحت اش افضل اش الاماكن اللي فيها اماكن نزورها نشاطات
بخصوص السياره اش الشركه اللي عندهم فرع في زيلامسي وميونخ ؟ عشان اقدر اسلمها في زيلامسي ولو رايك اني اروح من زيلامسي على سالزبورغ واسلمها هناك ؟!
ولازم توصين مشرفين ايطاليا عليه عشان يردون علي مثلك الله يحفظك ويسعدك

دمـوع الوجـد
دمـوع الوجـد
فندق ميونخ سيء جدا جدا شوف تقييمه كم وبدون مكيف كمان ياليت تلغيه
وتحجز باحد هالفنادق
8-7 الى 10-7 ميونخ
https://www.booking.com/hotel/de/senefelder.html?aid=1300939 المفروض بعده تحجز على سالزبورغ لانه زيلامسي اقرب الى فينيسا من سالزبورغ بس اذا انت تقول ماتقدر تغير خليك على زيلامسي
10-7 الى 15-7 زيلامسي
فندق قراند هوتيل15-7 الى 18-7 سالزبورغ
https://www.booking.com/hotel/at/renaissance-salzburg-congress-center.html?aid=1300939 18-7 الى 19-7 فينيسيا (ليله)
19-7 الى 21 - 7 ميلانو (ليلتين) او 3ليالي
21-7 الى 24- 7 روما (3ليالي) او ليلتين
اختار في روما او ميلانو
والفنادق روح للبوابه الايطاليه ونزل موضوع هناك وحط التواريخ وان شاء الله يفيدونك
انا ما قد رحت ايطاليا ابدا لاني ما احب المناطق الحاره وممكن المشرفه هناك تساعدك بتقسم 6ليالي على فينيسيا وميلانو وروماتستلم السياره اخر يوم في ميونخ وتسلمها في القريه الالمانيه القريبه من سالزبورغ ومن سالزبورغ تركبون القطار الى فينيسيا وبعدها الى ميلانو وبعدها الى روما
طبعا اذا كنتب السعوديه تروح لمكتب الزومان وتشتري تذاكر القطار من قبل السفر

جراح الجراح
جراح الجراح
يسلمو ع مجهودك الاكثر من رائع
الفندق راح يتغير انشالله وانا اخترته عشان شفت سعره مغري وموقعه جيد قريب من المحطه
في قطار من القرية الالمانيه لفينيسيا ؟
أش إسم الشركة اللي استأجر منها السياره ؟
راح أشوف الفنادق وانشالله بكره أقلك أش راح أحجز قبل ما أحجز
اشكرك ع ردودك اقدر مجهودك الرائع
كم تبعد القريه عن سالزبورغ

دمـوع الوجـد
دمـوع الوجـد
القريه Freilassing تبعد 10 كلم انتبه للاسبلنج بالضبط لان فيه وحده قريبه منها
انت تسلم السياره في القريه الالمانيه وترجعون بتاكسي الى سالزبورغ عند محطه القطار ومنها الى سالزبورغ
اللي اعرفهانه في سكست على ما اعتقد انت جرب وشوف


خصم يصل إلى 25%