السلام عليكم ورحمة الله وبركاته
انا ناوية بإذن الله اسافر الى النمسا نحن خمسة اشخاص انا وزوجي واولادي اعمارهم مابين 13,11,6سنوات.
اتمنى منكم ماتتضايقوا من اسئلتي لكثرتها لكن فعلا متلخبطة حييل ومن كثر الاراء واختلافها احس اني اصبحت بدوامة .
1- اتمنى تسوون لي برنامج سهل ومريح ولايكون فيه تنقل كثير واي شهر ((بالهجري)) يكون الجو معتدل وربيعي اهم حاجة مايكون حرر ولا بررد يعني اخضر في اخضر والجو عليل.
2- اتمنى يكون البرنامج منطقة الوصول هي نفسها منطقة المغادرة ومن خلال قرآئتي لبعض التقارير لاحظت الكثير يفضلون ميونخ هي نقطة الوصول والمغادرة فمارايكم ((بالنسبة لسالزبورخ ماارغب بزيارتها)) قارمش هي اللي نفسي ازورها من كثر ماقرات من اراء الاعضاء . وابي اماكن سياحية تناسب اعمار اولادي مابين ترفيه ومغامرات ونشاطات منوعه لاني لاارغب بالتنقلات الكثيرة .
3- بالنسبة للسيارة الكثير يمدح شركة سيكست لكن المشكلة انهم يحجزون دبل المبلغ مثلا لو استاجرنا ب5000 الآف ريال لازم يحجزون 5000 الآف غيرها هل صحيح اقدر استرجعه اثناء تسليم السيارة قبل المغادرة مو وقت استلام السيارة وايش الفرق بينها وبين يورب كار وايش موضوع كرت العبور من وين ناخذه اللي لازم ينحط على السيارة .
3- فرضا لو اصبح الوصول الى ميونخ هل يشترط يكون معاي فيزا الشنقن النمساوية فقط ويسمحون لي بالدخول الى المانيا بعد وصولي الى ميونخ والا لازم فيزا المانية .
4- اذا حجزت الطيران قبل ست او خمس شهور واستخرجت الفيزا بعد الحجز مباشرة هل يسمحون بذلك او لازم يكون قبل السفر بااسبوع او اسبوعين.
5- بالنسبة للمبلغ المطلوب يكون في الحساب هل يكون هو نفسه المبلغ اللي راح نستعمله برحلتنا او لازم يكون مبلغ مستقل مثلا ميزانيتي للسياحة من غير التذاكر 40000 الف هل لازم يكون هناك دبل المبلغ اللي طالبينه بكشف الحساب للتأمين .
6- شفت الكثير ينصحون بالاقامة بكابرون عن زيلامسي هل هي نفس مستوى الطبيعه بزيلامسي والا تتميز بالثلوج وهل صحيح ان جميع الشقق بزيلامسي من غير تكييف .
3- ابيكم ترشحون شقق بكابرون او زيلامسي اهم حاجة مستوى النظافة والتكييف وان لاتكون بعيدة عن الخدمات .
4- الرحلة ان شاء الله تقريبا بتكون 14 يوم هل هي كافية قابلة للتغير وهل مبلغ 40000الف كافي من غير التذاكر وكم بطاقة لازم يكون معانا وايش نوع البطاقة .
5- واتمنى تعطوني موديل افضل واجود نوع قارمن لان مالي خبره نهائي باانواعها .
عارفة ان اللي بيقرا اسئلتي بيقول هذي اكيد ناوية تسافر للفضاء مو للنمسا لكن انا مااحب اسافر لااي مكان الا وانا عارفه كل شي وتكون الرحلة مخططة صح .
واتمنى توسعون صدوركم علي لان لسى باقي اسئلة ثانية وان شاء الله املي بالله كبير ثم فيكم انكم تساعدوني بالاجوبة..
تحياتي