ياهلا والله بولد ديرتي..
ابشر والله
بالنسبه للتقسيم.. واقتراح الفنادق..ان شاء الله الرد قادم بالتفصيل بس بعد الفطور
لو باغيص برد عارفه منيب فاتحه عيوني الا وهو يذن العشاء

يامال العافيه
بس نسيت اقول انه بسافر من الرياض
وابي اقتراح للمدن الحلوه هناك
ومن وين احجز لأني اول مره بسافر برا المملكه يعني >>>عليمي
خ

هلابك اخوي .. انت ماقلت وش تحب البحر والا الاسواق والا ايش ..
حدد الجو الي تحب وابشر ...
جدول مبدئي ..
2 سلاينجور ..
3 لنكاوي ..
3 بينانق ..
2 جينتنج ..
4 كولامبور ..

اصعب جرح
الله يسلمك اخوي
ابي مشكل مابي نوع واحد يعني من كل بحر قطره يعني كل شي كوكتيل

اولا.. بارك الله لكما..
وبارك عليكما..
وجمع بينكما بخير..
ثانيا تذاكر السفر..
اذا على الخطوط السعوديه بتكلفك بتاريخ سفرك 3000-3200 ريال للشخص رايح جاي
يعني تقريبا 6000-6400 اثنينكم
واذا تبي طيران ثاني.. ارخص شوي.. بس لازم تحجز من الان وتقصها من الان بعد علشان ماتطير الاسعار اذا قرب الموسم مثل ماسووا بالناس الصيفيه الي فاتت
عليك بطيران الاتحاد.. وراح تكلفك تقريبا (متوسط 2800 للشخص) يعني اثنينكم 5600
واذا تبي ارخص طيران يروح هناك.. وزين تراه .. عليك بالسريلانكيه
بالصيف كانت 2400 للشخص بس على عيد الفطر مدري كم بتصير..
يعني اثنينكم 4800
انا باحسب المتوسط هنا.. واباقول ان التذاكر الدوليه بتطلع عليك.. 5600 يبقى معنا 9400 فنادق وتنقلات داخليه ومصاريف يوميه
ثالثا المصاريف اليوميه..
4يوم.. وكل يوم ماراح تتجاوز ال300 صدقني.. ومرات بتصير 200 حتى
300* 14 =4200 وانت راهي مره بالمصاريف (تكاسي.. اكل .. شرب ..تذاكر دخول العاب الخ)
رابعا الفنادق..
باقي معنا الحين 9400-4200=5200 فنادق لمدة اسبوعين
يعني اليوم 371..(متوسط)
اباحط لك الفنادق اللي على هالميزانيه..
يعني ماراح تكون 5 نجوم.. بس بتصير نظيفه.. ومرتبه وعلى درجة فخامه مقبوله وش رايك؟
بس قبل هالشي بنقسم الايام..
علشان نضبط الجدول (وبما انه اول مره تروحون.. وتبي مشكل باحط لك الجدول الاكثر شعبيه)
يومين سيلانجور
3 ايام لنكاوي
3 ايام بينانج
ليلتين جنتنغ
4 ليالي كوالالمبور
نكون بهالجدول جمعنا البحر.. الرومانسيه..الملاهي.. الجبل والامطار.. والعاصمه والتسوق.
سيلانجور..
(فندق صن وي بيراميدز)
الليله 432
432*2 =864 ريال
لنكاوي
(حط ببالك انه انت بتروح باجازه نهاية السنه والكرسمس.. وكل الاجانب كابين عندهم..
والاسعار نار)
(لنكاوي لاقون غرفه مطله على البحر 580)
580*3=1740 ريال
بينانج
(بارادايس ساندي بي = ستوديو مطله = 220 ريال )
220*3=660 ريال
جنتنغ
(فرست وورلد هوتل -نوع الغرفه وورلد كلوب السعر بالليله=296)
6* 2=592 ريال
كوالالمبور
(فندق ميليا نوع الغرفه =ديلوكس 320 ريال)
320*4 =1280 ريال
مجموع الفنادق = 5136
يعني ماتجاوزنا الميزانيه.. والفنادق كلها زينه
بس لو تعطيني بس من هال5000 السيفتي 600 ريال للتنقلات الداخليه..
بتصير كالتالي..
كوالالمبور -لنكاوي (طيران اير اسيا ) متوسط لتذكرتين =200 ريال
لنكاوي -بينانج (طيران فايرفلايز) متوسط تذكرتين = 340
بينانج-كوالالمبور (طيران اير اسيا لو تحجزون من الان) =120 ريال للتذكرتين
يعني التنقلات الداخليه = 660 ريال
مجموع تكاليف رحلتك.. (تذاكر دوليه +تذاكر داخليه+فنادق+ مصاريف يوميه ..تكاسي ..اكل.. تمشيات وكل ابو كلش = 15600 وانت مبحبح وراهي ويمكن يرجع معك فلوس بعد..
ونصيحة اخويه..
حاول تحجز فنادقك وتذاكرك الداخليه من الانترنت..
تراه بتفرق معك فرق مهول.. ماراح تصدق وشلون جشعين حقين المكاتب السياحيه
رحله سعيده ان شاء الله مقدما..
وحياة موفقه ان شاء الله بالمقام الاول يارب..
وتقبل تحياتي
(((الاسعار اعلاه من موقع اسيا ترافل لشهر ديسمبر 2007)))

:24 الله الله الله عليك اختي مسافره مختبه:x1::x1: لاحظر الماء بطل التيمم انا اقول ان الي ياخذ شور اختنا ام الفزعات مايتوه الله يعطيك الف عافيه وسفره سعيده اخوي راعي عنيزه

اختي مسافره مختبه
الله يجزاس خير والله على اللي ذكرتي ليي
بس سمعت ان لانكاوي جزيره انتي من حسبتك اللي ذكرتي فه طياره سمعت ان الباخره تدوخ

طيب سؤال ثاني
الحين الفنادق يحجزون لي اوكي من النت؟

راعي عنيزه
ايه فيه طياره من لنكاوي الى بينانج
لان الفيري على قولة امي (اروح مشي واسبح ولا اركب به ثانيه)
والطيران هذا اسمه فايرفلايز.. وهذا موقعهم للحجز
http://www.fireflyz.com.my/
طيب سؤال ثاني
الحين الفنادق يحجزون لي اوكي من النت؟
ايه طبعا يحجزون لك ويرسلون لك رقم حجز بالايميل.. والتفاصيل
علشان تطبعه وتاخذه معك (فاوتشر)
سواء من موقع الفندق الرسمي ..او مواقع سياحيه بديلة مثل (اسيا ترافل) اللي اخذت انا منه الاسعار..
بس بشرط انه يكون عندك بطاقة فيزا او ماستركارد .. وماراح يسحبون منها اي مبلغ لاتخاف..
بس يضمنون انه لو لاسمح الله ماتجي يخصمون عليك اول يوم..
وذا من حقهم والا كان صارت فوضى
عموما هذا موضوع لمشرفنا مهند يشرح فيه الخطوات
https://artravelers.com
اي سؤال ثاني ترا حاضرين
تحياتي لك