هيثكليف
13-05-2022 - 04:57 am
السلام عليكم ورحمه الله تعالى وبركاته
تحيه طيبه للجميع هنا وبصراحه وجدت شيء لايخطر على البال ومساعدات من موقعكم في جميع سفرياتي فالله يعطيكم العافيه
بس الحين حاسس اني متوهق ومدري وش اسوي وابي منكم فزعات
تكفون فيدوني في الاتي
كيف اتنقل من برشلونه الى ملقا (ماربيا ) وش اسرع طريقه القطار السريع او الطياره مع العلم انهم يقولون لي انها حوالي 1300 كيلو متر ومادوي اضيع يومي في السفر
ثانيا لو كان القطار اسرع اقدر اخذ تذاكره من السعوديه والا لازم من هناك (تعرفون الواحد وده يرتب كل شيء من قبل عشان لا ينحرج في اول سفره مع المدام شهر عسل يعني )
الشيء الثاني وش الاماكن اللي تنصحون فيها في برشلونه يمكن اروح لها من متاحف واماكن تسوق وملاهي
ثانيا كيف اتنقل من ماربيا الى مدريد ؟؟ برضه عن طريق القطار او الطياره وش تنصحون ؟
في ماربيا كيف اروح غرناطه واشبيليا وذي الاماكن وكيف اعرف من وين اخذ تذاكر المتاحف ؟
بتقولون وش بيوديك الحين اقول وش اسوي ماعندي اجازه انا وزوجتي الا الحين نتزوج ونروح فياليت تفيدوني عشان اطلع قدع وما اتفشل قدامها
نسيت اسل كيف يكون الجو هناك في اواخر ابريل وبدايه مايو عسى مو برد مره
المهم ابي تقولون لي وين اروح في برشلونه ووين اروح في ماربيا ووين في مدريد وربي يعطيكم العافيه
الرجاء منكم الفزعه واللي يبي شيء من هناك يامر وبس
شكرا لكم
