هل انتِ في الصين الآن؟
إذا كنتِ هناك تجدين الكثير من شركات الشحن في المنطقة العربية بجانب مطعم حضرموت او في العمارة الكبيرة التي في ناصية شياو بيلو قرب مطعم سبأ او في عمارة شوشان لو وتلك الجهات. وهم سيخبرونك عن الوسيلة الأرخص والأحسن. ولكن يجب ان تزوري أكثر من شركة للحصول على العرض الافضل والناقل الامثل.
ويجب التأكد من ان المكتب قد قام بشحن الطرد فعلا وتستلمين منه البواليص. وفي حالة وجودك في الصين لفنرة اطول تتصلين بأهلك في الكويت للتأكدمن وصول الطرد الى الكويت. فلابد من متابعة المكتب

أميرة الحزن
اذا كنتي بالكويت
فيه مكتب بالفروانيه صاحبه كويتي وله مكتب بالصين روحي لهم واطلبي اللى تبينه ويجيبونه لك
بس احسبيها عدل سعر السرير+ الشحن+ الرسوم.. هل هي مجديه !!
واذا كنتي بالصين الاخ المحظوظ رد ورده كافي

انا بروح الصين بعد جم يوم فبرووح واختار سرير وابي اطرشه حق لكويت
يعني المحل الي اشتري منه يوصل السرير حق شركة الشحن لو عطيتهم عنوانه ؟؟؟؟
وجم يوم بيي له الشحن عشان ييوصل ؟؟؟

أميرة الحزن
علشان تتسهل عليج الامور
اخذي معاج مترجم من مكتب الشحن للمحل اللى تبين تشترين منه الاغراض
ودفعي جزء من المبلغ للمحل بحدود 30% من قيمه البضاعه وعطي المترجم
الفاتوره وهي يرتب باقي الامور.
ويستحسن ان البضاعه تنشحن وانتي بالصين علشان تشيكيين عليها بنفسك
المده اللى توصل فيها البضاعه بحدود 23 الى 27 يوم
واذا كنتي بتشترين غرض اخر اشحنيهم مع بعض
طريقة الشحن.. اخذيها بالمتر!!( جزء من كونتينر) علشان ما يطلع عليج الشحن غالي
اختصار وتسهيل لكل شي
روحي لمكتب واحد كويتي بفندق بارك فيوا اضن بالدور الثالث او الرابع
وهو يرتب لج كل شي من ال أ الى ال ياء

بس يا خوي انا بشحن سرير بس يعني مو محتاجه كونتير ولا شرايك؟؟؟

اختي ..
انتي راح تسافرين الصين .. عشان تشترين السرير فقط ؟؟؟
انا انصحج واقولج ...
لاتسافرين ولاتعبين روحج ...
السرير بيطلع علييج اغلى من بيع السوق ....
فكرة الشراء من الصين ...
تأتي من شراء كميات من اللي محتاجه للبيت .. او التجارة ...
ويتم شحن تلك الاغراض مع بعض ....
وبذلك يتم التوفير ...
لكن بطريقتج اختي ...
راح تخسرين وايد ...
واذا تبين تشحنين بالفدكس ...
بيطلع عليج الشحن اغلى من سعر السرير ...
الا اذا ناوية تشحنين السرير مع حد ...
واحد يبي يشحن اغراض للكويت ...
وتشحنين السرير معاه ...
هني يختلف الوضع ...
لكن راح تدفعين جمارك ... بس للشخص صاحب الكونتينر ...
بالنسبة ... يعني كم الحجم اللي خذاه السرير من الكونتينر ..
بالطريقة هذي ....
والسموحه عالاطالة ...

أميرة الحزن
بالظبط هذا اللى انا فهمته
اخذي جزء من كونتينر( بالمتر)

انا بروح مو عشان السرير لا باخذ ل اغراض شخصيه ونفس الوقت سياحه
وبنفس الوقت باخذ سرير حق ولدي يعني تتوقعون الفدكس بيكون غالي لو شحنته من الصين للكويت