أهلآ أختي الكريمة ...
أسأل الله لكم التوفيق وأن يرزقكم برحلة العمر لماليزيا الجمال والخيال
عدد الأيام ( 12 يوم ) أنصحك بهذا الجدول :
يومين سلانجور ... فندق أمباير ( سعر الليلة 350 ريال )
ثلاثة أيام لنكاوي ... فندق الموتيارا ( سعر الليلة 450 ريال )
ثلاثة أيام بينانغ ... فندق الفلامنجو ( سعر الليلة 320 ريال )
أربعة أيام كوالالمبور ... فندق الدورسيت ريجنسي (سعر الليلة 400 ريال )

• أسعار التذاكر الدولية لشخصين بحدود ( 6000 ريال )
• أسعار الفنادق المعروضة بحدود ( 6000 ريال )
• الرحلات الداخلية لشخصين بحدود ( 800 ريال )
• المصروف اليومي المعقول ( 350 ريال × 12 يوم ) = 4200

التكلفة التقريبية للرحلة ( 17000 ريال ) قد تزيد قليلآ أو تنقص قليلآ ...
وافي بزمن جافي

والله إذا في الصيف ماعتقد يمديكم تلحقون لاحجوزات طيران ولا الفنادق المطلوبة خلاص طارت الطيور بأرزاقها...
الأمر الآخر 16000 ريال ماراح تكفي إذا في الصيف لكن لو فكرتوا بشهر اكتوبر أو نوفمبر يكون ممتاز وتكفي 16000 ريال بإذن الله
بالتوفيق

اشكرلكم تفاعلكم معي..........لكن ليه مافيه وقت نحجز انا نفسي اسافر في هالصيف حتى لوتوصل الميزانيه عشرين الف....والله تحطمت (طفشانه)

أختي العزيزة ..
لا انصحك بماليزيا في الصيف لثلاث أسباب : زحمة العرب - الحر والرطوبة الشديدة - غلاء الأسعار
أجلي ماليزيا للشتاء ليعتدل الطقس و تكفيكي الميزانية وتزيد ..
واختاري بلد بارد في الصيف
وفقك الله

مشكور اخوي..... وين بلد بارد في الصيف اوربا مانقدر عليها....الله يكتب اللي فيه الخير يارب.

حلمي ماليزيا
تركيا تنفع في الصيف وارخص من اوروبا ..
والله يكتبلك الخير يا اختي ..

Only Human
ليش تركيا اخوي ماليزيا والمزانية رايح تكفي وفيه حجز تذاكر طياران تبدا من 1900ريال الى 3500 ريال على اكثر من خطوط مو شرط الخطوط السعودية وفيه حجز فنادق تبدا من 260 ريال باليوم الى 500 ريال على حسب الفندق.
اختي اذا بغيتي حجز تذاكر ادخلي على موقع الخطوط وبحثي وافضل شي يكون حجزك قبل الرحلة بفترة طويله عشان تكون التذاكر رخيصة
واحجزي الفندق عن طريق موقع بوكنق وهذا الموقع هنا https://www.booking.com اذا جهاز الهاتف المحمول حقك او حق زوجك من الانوع الكفي تقدرين تحملين برنامج بوكنق عليه وبكذا لو ما عجبكم الفندق الي حجزتي فيه تقدرين من خلل البرنامج هذا تسوين حجز على فندق ثاني بس افضل طريقة هي تروحين تشوفين الفندق الي يعجكم وتخذين اسمة وتدلين على البرنامج وتحجزين عن طريق البرنامج ارخص من انك تروحين للفندق.
ولا تنسين الفيزا لانها مهم بسفر .
وانا ان شاء الله من بداية الصيف تبدا في اسيا ادعولي بتوفيق.

مشكور اخوي weind
لكن بحثت عن حجز ماحصلت الاتذكره للشخص الواحد 4800 ريال مره غاليه
ياليت تساعدوني بحجز الطيرا ن لان الفنادق اقدر احجزها ابغى الحجز يكون من 10/7/2011 ولمدة 12 يوم
مو مشكله احصل حجز بعد هالتاريخ بس اهم شي ارجع قبل رمضان بثلاث ايام
ولكم خالص شكري

حلميي ماليزيا
أختي الكريمة لا أظن إنك بتحصلين أقل من هذا السعر ...
تراكم متأخرين كثير... والحجوزات طارت والأسعار نار
قلت لك أجلوها لين بعد الجازة الصيفية أو لين نوفمبر
بالتوفيق