مسافرة نمبر ون
09-06-2022 - 12:52 am
سلام اخواني كيفك باختصار عندي عدة استفسارات :
1- انا وزوجي بنسافر دبي اول مرة ومعي اولادي 3. 4 سنوات .ابغى فندق حلو ونظيف ورخيص حدي 500 ريال سعودي وان قل زين ..
2- اروح الشارقة وابو ظبي او ما يحتاج ... يعني لو احد يسوي لي برنامج اكون ممتنه انا اطلعت على البرامج هنا ما اعجبتن .
3- هذي اول واخر مرة اروح دبي عشان كذا اي اشي مميز قولو اروح له ما ابي اذا جيت تقول احد راح دبي ولا يمر المكان الفلاني .
4- ما اعرف الريال السعودي كم يعادل اماراتي .
5- الجو حلو او اثقل لاولادي لبس يعني برد او لا.
6- كم التكلفه غير السكن تتوقعون .
7- حنا بنطلع بر من القصيم للرياض وبعدين .... ابغاكم انتو مجربين اي اسهل طريق والمختصر وهل يحتاج نريح بالرياض او الشرقيه ... يعني عطون وصف للطريق الله يخليك يعني من القصيم الرياض الشرقيه ..... وهكذا ..
8- حنا بنقعد خمس ليال هل هي كافيه .. علما انه حنا طبعنا نقوم بدري 9 صاحين و10 بالليل راجعين .
9-اي شي غريب وحركات للطفال وحيوانات ونوافير دلون عليها
10- ابصوم العشر وعرفه وادعي لكل اللي ساعدون ..
سلام اخواني كيفك باختصار عندي عدة استفسارات :
و عليكم السلام و رحمة الله و بركاته مسافره نمبر ون و ن شاء الله الله يقدرنا و نساعدك حسب معرفتنا ....
1- انا وزوجي بنسافر دبي اول مرة ومعي اولادي 3. 4 سنوات .ابغى فندق حلو ونظيف ورخيص حدي 500 ريال سعودي وان قل زين ..
طبعاً في وضعكم و من وجهة نظري شقة مفروشة غرفة و صالة بتكون أفضل لكم و فيه منطقة البرشا هي أنسب شئ و أحدث من ناحية الشقق المفروشة و هنا رابط لعروض الشقق الفنادق من عرب لينك و هم في نظر الجميع أنسب ناس يعرضون أسعار للسكن بدبي و انصحك بشقق روز قاردن بالبرشا جداً ممتازة و هنا الرابط " عروض عرب لينك " http://www.arablinkdubai.com/packagesnew.aspx
2- اروح الشارقة وابو ظبي او ما يحتاج ... يعني لو احد يسوي لي برنامج اكون ممتنه انا اطلعت على البرامج هنا ما اعجبتن .
شئ راجع لكم بس كله يعتمد على مدة بقائكم في الإمارات ... بالنسبة للشارقة تبعد عن دبي قرابة 10كلم فقط و ممكم الواحد يروح و يرجع أي وقت أما أبوظبي فتبعد حوالي 150 كلم عن دبي ...
3- هذي اول واخر مرة اروح دبي عشان كذا اي اشي مميز قولو اروح له ما ابي اذا جيت تقول احد راح دبي ولا يمر المكان الفلاني .
من غير شر ليش أخر مره ؟؟ لا إن شاء الله تعجبكم دبي و تستانسون فيها و دبي فيها الكثير من الأماكن المميزة بحاول أكتبها في رد مستقل هنا ...
4- ما اعرف الريال السعودي كم يعادل اماراتي .
ال 1000ريال سعودي تعادل 975 درهم إماراتي تقريباً حسب محلات الصرافة و ما فيه مشكلة تقدرون تصرفون من دبي عادي أو حتى السحب من مكائن الصراف بالدرهم
5- الجو حلو او اثقل لاولادي لبس يعني برد او لا.
في الفترة القادمة راح يكون الجو لطيف و ما يحتاج ملابس ثقيلة .. بس ممكن يكون بارد في الأماكن المفتوحة بالليل و القريبة من البحر مثلاً
6- كم التكلفه غير السكن تتوقعون .
التكلفة بصراحة حسب صرفكم ممكن الواحد يصرف 200 باليوم و ممكن يصرف 2000 يعني الوضع راجع لكم .. بس أعملوا حساب إنه الصرف اليومي الطبيعي في حدود 300 درهم تزيد تنقص الله أعلم .. ويكون في معلومكم ترا البنزين في الإمارات غالي يعني اللتر يمكن يساوي ريال سعودي ... مثلاً اليوكون يعنئ فل ب 110 درهم !!7- حنا بنطلع بر من القصيم للرياض وبعدين .... ابغاكم انتو مجربين اي اسهل طريق والمختصر وهل يحتاج نريح بالرياض او الشرقيه ... يعني عطون وصف للطريق الله يخليك يعني من القصيم الرياض الشرقيه ..... وهكذا ..
" أنا من يوم قريت كلمة "البرامج هنا ما اعجبتن " عرفة من وين .. ههه
بصراحة مشوار لإن المسافة من الرياض إلى دبي حوالي 1100كلم عن طريق الهفوف
بس إذا تبون الشور .. تطلعون من القصيم و تمرحون في الهفوف ليلتكم و من الفجر بمشيئة الله تتوجهون للحدود و ما تجي بمشيئة الله الظهر إلا أنتو في دبي
8- حنا بنقعد خمس ليال هل هي كافيه .. علما انه حنا طبعنا نقوم بدري 9 صاحين و10 بالليل راجعين .
كافية إن شاء الله و زيادة ... إذا تم إستغلال ترتيب الوقت ....
9-اي شي غريب وحركات للطفال وحيوانات ونوافير دلون عليها
لا تفوتون النافورة الراقصة اللى في دبي مول و مدينة الطفل بحديقة الخور ...
10- ابصوم العشر وعرفه وادعي لكل اللي ساعدون ..
لا تنسينا من دعواتك ....