السلام عليكم ورحمة الله وبركاته
صبحكم الله بالخير جميعاً..
الحمدلله تمت اجرائات الفيزا والمقابله يوم امس على اكمل وجه ..
وحاب افيدكم ..بكل ماحدث ..
(1)
من المهم جداً.. تكون الأوراق كامله .. وخصوصا .. ورقة الحجز والي يوجد في البنر كوود وايضا يوجد فيها الصوره ..
][
ايضاً.. لاتنسون ورقة السداد عن طريق بنك سامبا ..
وتعريف من جهة العمل .. موضح فيه الوظيفه والراتب
وايضا ..كشف حساب لمدة ست شهور سابقه
وبالمناسبه انا ماطلبو مني لا تعريف العمل ولا طلبو مني كشف الحساب
لكن قدامي ناس طلبوها منهم لذلك حاولو تكملون اوراقكم ..افضلكم
(2)
بالمنسبه لحجز موعد المقابله افضل انك تحجز موعد متاخر شوي مثلا 10 ..او 10 ونص
واقول هالكلام عشان ماتروح عليك نومه مثلا ..
وبالمناسبه لو حجزت الساعه 10 مثلا ورحت بدري مثلا الساعه 8
ترى الوضع عادي .. كانك داخل بنك وتسحب رقم .. ويجي دورك .. وبس
طبعا ممكن البوابه يقولون لك انت جاي بدري .. قل انا جاي من بعيد او اخاف من زحمة السيارات تعطلني ..
(3)
اول مايجي رقمك بتروح لموظف يشوف اوراقك .. اذا هي كامله
بيقولك اجلس وانتظر دورك ..
بعدها تروح لموظف تسلمه الجواز والورقه الي سددتها عن طريق سامبا ..
وبيسألك ..عن سبب السفر بس .. (( طبعا هذي ماهي مقابله ))
وبالمناسبه الي اخذت مني هالاوراق مصريه وسألتني انت هتروح امريكا ليه .. !
قلت لها سياحه قالت اوكي .. استرح واستنى المقابله ..
(4)
نجي الحين للمقابله ..اهم شيء تبتسم .. وامورك كلها بتكون اوكي
الموظف بيقولك تبيني اتكلم معك بالعربي وبالانجليزي.. اذا كانت لغتك الانجليزي بسيطه
راح تقدر تجاوب بكل سهوله
80% من الأساله الي بيسألك عنها انت قد عبيتها بالابلكيشن
طبعا وماقالي ورني كشف حسابك ولا قالي وورني تعريف العمل .. ابد كان سريع جدا جدا جدا جدا
وهذي هي الأسأله الي سالني اياها
ليه بتروح امريكا .. ؟
كم الوفت الي تتوقع راح تجلس فيها بامريكا.؟
اخر خمس سنين ايش الدول الي سافرتها .. ؟؟
وين عائلتك عايشه ..؟
وين تشتغل فيه ..؟
ايش الولايات الي مخطط انت تروحها ..؟
طبعا هالأساله سريعه جدا جدا جدا ماتاخذ حتى دقيقتين
بعدها بيقولك ان فيزتك تم قبولها ورح ادفع مبلغ التوصيل عن طريق فيدكس ..
ختاماً..
(1) ممنوع تدخل جوالك معك او الايبود او الايباد باختصار اي جهاز الكتروني خله بالسياره ..
(2) دخل معك مبلغ 65 ريال اذذا تبي تستلم جوازك في الخبر اوالدمام او الظهران ..عن طريق فيدكس او تدفع 150 تقريبا اذا تبيه يوصلونه لبيتك مباشرةً..(( طبعا هالمبلغ على الجواز الواحد ))
واذا انت من منطقه غير الدمام والخبر والظهران فتدفع مبلغ 150 يوصلونها لفديكس الاحساء مثلا..
(3) الابتسامه مطلوبه وتراهم يتوقعون ان المكشر وراه مصيبه ..
وقارنت هالشيء لما كنت استنى المقابله اغلب الي كانو مكشرين كانت مقابلاتهم تطوول ...
(4) الوقت المتوقع انها توصل فيه الفيزا .. من 7 ايام الا شهرين ((كاسؤ حال .. وبالمناسبه موظف فيدكس قالي المسأله هي انت وحظك متى مادخلو جوازك للقنصل خلصت امورك
واذا تبي تشيك ان فيزتك طلعت من السفرا في ورقة فيدكس بتشوف فيه موقع فيدكس((على الانترنت )) وفي نفس الورقه رقم الطلب حقك .. تحطه وبعدها يقولك ان جوازك طلع من السفاره ولا مابعد
موفقين جميعاً