الله يجزاك الف خير وخطوة مباركة من مشرفنا الجديد
بس بقاء ودي ولا بتطعزه ابره؟ الله يستر
على العموم
يكفيك اني اتجنب ارسال جوازي لهم بسبب التعقيدات
اذكر قدمت ابي تاشيرة سفر لعمل واوراقي كاملة ومكتوب في خطاب الدعوى المقدم من الشركة اني راح اتردد عليهم لمدة ثلاث شهور
قاموا اصرفوا لي تاشيرة اسبوعين
الصراحة تعاملهم ثقيل طينه في الرياض
وسالفة الحضور عشان ارمي جوازي واوريم وجهي هذي بعد لحالها غثيثة
يابعدي يا الطليان حبايب وتاشيرة السنة في المخباة
اخوي لك انت شخصيا اذا احببت استخدام معلوماتي الشخصية في لقاءك مع السفير فلك ذلك

خطوة رائعة وهدية جميلة ..
قل له بالعربي الفصيح .. الناس بالصيف تطلع الفيزا "شينقن" من ايطاليا ولا تطبها ابد لأن الاجراءات اسهل رغم ان الوجهة ألمانيا بسبب تعقيدات سفارتكم الكريمة (ميم أو هاء مو مشكلة)
وقل له هذي الشكوى
قبل سنة تقريبا تقدمت انا واخوي للسفارة نبغى فيزا بزنس مو لعب ومعانا تذاكر المعرض وكروت دعوة كذلك انا طلعت الشينقن باسبوعين واخوي تم تأخيره اسبوع زيادة .. سألنا عن السبب قال لي الاخ السوداني ( اللحية ) !!!!!!!!!!!!!!!!!! :112:
وقل له لو سمحت تراك ألماني زيك زي البشر اذا أحسنت نقول لك برافو واذا أخطأت نقول لك انت مخطئ يعني بلاش ترفعون خشومكم على البشر .. والا بلاش تقول له ذي عشان ما تروح بداهية

تم تقييد كل شيء
شكلنا بنروح فيها
..
مازلت بانتظار البقيه

اله على احلى هديه بوبي
قله ابجي بعد كم يوم اطلع فيزا ( بالعربي توسط لي يخلصونها بسرعه )

ليش مكاتب السفر والسياحة ما يقومون بجميع إجراءات الفيزا إذا كانت محدودة ب شهر ، شهرين ، ثلاث شهور.
سبب طلب كشف حساب للبنك وحجز للفندق و ، مع أنو ربعنا يهكون عليهم بالاتفاق مع مكاتب السفر والسياحة.
ليش المدة أسبوعين تقل شوي أو تكثر لاستخراج الفيز ، مع إنه المفترض التدقيق اقل للمدة القليلة وليس الإقامة الطويلة.
سلم لي عليه وقل ترا الميكادو يقول إن ما نفذت ألي أبيه ترى أبخلي عيوني وعيونك 15 ههه نكته سامجة صح ههه

خطوة جبارة اخوي بوبي
وسالفة الحضور للسفارة شغلة صراحة
خاصة للي برا الرياض .. ياريت لو تذكر له هالموضوع
موفق يالغالي

جزاك الله خير الملاحظات
الحضور للسفاره والطابور المزعج في الصيف
منح اسبوعين رغم طلبك اكثر من شهر
حجوزات الفندق
الناس ودها باالمانيا بس التعقيد واضح في استخراج الفيزا

مشكور مشرفنا الغالي .....
ياليت ولا عليك أمر تسال السفير تقولة الأكسلانس واحد من خوياي .. رجل أعمال ويبي تاشيرة سياحية سنة وانتم ماتعطونة الا على قد حجز فندقة وتأمينة ولهذا السبب يروح للطليان ويعطونة اللي يبي ،، مع العلم اني اطير من الرياض عن طريق دبي لدسلدورف سيدة ،، وانزل هناك احياناً يغثوني لية اخذت التاشيرة من الايطالية واحياناً ما يدققون
ياليت تسالة اخوي وقلة كشف حسابة يسد عين العدو ... وش المانع ما تعطونة
تحياتي

السلام عليكم
عندي سؤال مهم
في حالة كانة عندي تاشيرة الشنغن وذهبت لالمانيا ممكن يردوني من المطار او شي من هذا القبيل
وفي حالة الشخص كانت عندة مشكلة في المانيا من قبل لكن عندة تاشيرة شنغن سياحية ممكن يشوفو عليه شي ولا يدخل عادي ؟
جزاك الله خير