مرحبا الحمدالله على سلامتك اهم شي انت واهلك طيبين نعمة اخوي
لاتشيل هم حقك تبي تاخذه دام انك وصلت الشرطة
والشرطة الصينية اطلع حقك بالقوة من خصمك اذا لك حق
بس اذا ماسوو شي معك الشركة ارجع للشرطة وافتح محضر
وهم يبي يجبون لك مترجم انجليزي لصيني واغراضك ترجع او يعوضونك
فلوس الشركة ....
نصيحة اخوي لاتشر على احد الا انت متاكد علشان الظلم
ووخذ زوجتك معك علشان تتاكدون زيادة من الشخص ..
الله يعوظك
تحياتي

الله يجزاك خير
المهم عندي الحين الاقي شخص متخصص بالجرافكس يبين لي وجه سائق الاجره

أول شي الحمدالله على سلامتك وقدر الله ما شاء فعل
اخوي في كلمة و رقم اسفل الباب مكتوب بالاسود ما ادري إذا كان يساعدك في معرفة السياره المحدده

اخوي الكتابة الي في الأسود
هي اربع كلمات الكلمتين الاولى ماقدرت اشوفهم
بس الرقم والي بعدها
معناها 5 اشخاص
5 اتوقع معناها التكسي مايركب الا 5 اشخاص مع السواق
تحياتي

1. اللهم لك الحمد والشكر كما يليق لجلال وجهك وعظيم سلطانك

اللهم لك الحمد والشكر كما يليق لجلال وجهك وعظيم سلطانك

أبشركم لقيت الشنطة وهذا كان من فضل ربي وانصحكم بالاستغفار والحمد والثناء على الله سبحانه ولا تجزعوا
البارح وضحت الصوره بس مو بالقدر اللي يبان فيه وجه سائق التكسي وطبعناها على ورق اعلانات واخذنا الورقه والاب والكام معنا وطلعنا اليوم الصباح الساعه سته لشركة الاجره انا وزوجتي ولقينا برا الشركه مكتب حاطينه كل تكسي يجي ويدق البصمه المهم مع انهم لا يعرفون انجليزي وجلسنا نتكلم معهم بالاشاره وفهمنا منهم ان التكاسي السبعه اللي شاكين فيهم بيجون الحين وكل واحد بيجي بيأشرون لنا عليه المهم كل ما جاء واحد مانقدر نحدد هو ولا مو هو لأنهم يتشابهون والعلامه الفارقه اللي بالتكسي كانت المرتبه نازله شوي وماكانت علامه محدده لان فيه تكاسي كذا وعلى فكره قبلها جينا على المطعم اللي نزلناه جنبه وفتح لنا الكاميرا حقته بس للاسف الكاميرا ما جابت الا الرصيف يعني ماطلع فيها التكسي .. جلسنا من الساعه سته الى ثمان ونص ولا فيه احد من اللي جو أكدنا انه هو كنا نشك ونخاف نتهم أحد تقريباً زوجتي صابها الياٍس بس أنا كنت مصمم اني الاقي الشنطه وكنت اضحك ولا همني واحاول اكثر من الاستغفار . جاء مترجمنا الساعه ثمان ونص بعدها دققت بالصوره لقيت ان الكتابه اللي جنب التكسي مقشوره شوي ومسكة الباب زرقاء مو زي بعض التكاسي سوداء والعلامه اللي فوق بيضاء مو زي بعض التكاسي حمراء وزرقاء وتقريباً قدرنا نضيق الدائره دخلونا على الكمبيوتر حق الجي بي آر آس وجلسنا مده نحدد الوقت والمكان عشان يطلعون لنا التكسي اللي كان بالفوتيان الساعه اللي اخذنا منها وعند المطعم في الساعه اللي نزلنا فيها وطلعت لنا سبع ارقام لوحات ويوم شفت جوالي لقيت مكالمه كلمتها في نفس الوقت اللي شالنا فيه ووقت كاميرا التصوير وقت اللي نزلنا فيه وحددنا رقم اللوحه وطلعوا الملفات وطلعوا صورته وكننا تذكرناه واتصلوا عليه بالبدايه انكر ولما قالوا له فيه مرأه مغطيه وجهه وزوجها معها ركبوا معك لأن بصراحه مافيه بمدينة ايوا احد متنقب ألا زوجتي تذكر شكلهم .. قالوا له انهم بلغوا الشرطه وقالنا خلاص انا برا ايوا بعد ساعتين اجيب لكم الشنطه طلعنا الفندق الساعه تسع ونص بعد ما انهد حيلنا اتصلوا علينا الساعه وحده ورحلنا لهم وجبنا الشنطه وكانت كامله ما ناقص منها شيء وكانت قصه مثيره اخذت منها دروس مستحيل انساها
مشكورين لكل من تعاطف معنا
يمكن إذا رجعت المملكه بإذن الله بكتب لكم تقرير عن رحلتي كامله لان صار فيها شغلات كثيره تستحق الذكر للعبره والتسليه
اللهم لك الحمد حتى ترضى ولك الحمد إذا رضيت ولك الحمد بعد الرضى

الحمد لله على سلامتكم
والمال الحلال مايضيع وانا اخوك
وربنا يرجعكم للوطن بخير وسلامه

الحمدالله على كل حال والمهم انت واهلك بخير
اخوي نصيحة لك وكل من يقرا الموظوع
انا مقيم في الصين الان اكثر من سنتين كل يوم
اركب تكسي اقل شي مرتين باليوم اول مارتكب التكسي
شوف قدام الراكب بالتكسي بطاقة السواق فيها اسمه ورالرقم
الوظيفي حقة وصورته وبيانات الشركة طلع جوالك وسجل الرقم
الي موجود بالبطاقة مكتوب باللون الاحمر وسو اتصال علشان ينحفظ
في قائمة الاتصال
او صور بجوالك البطاقة بس لايدري السواق انك اتصور يمكن
واذا نزلت من التكسي اطلب منه فاتورة تطلع من نفس العداد
وكذا حقك مايضيع . واذا لك حق بالصين تبي تاخذه غصب عن اي شخص يوقف قدامك
بس تشتكي بالشرطة وحقك مايضيع ...
تمنياتي لك برحلة سعيدة وممتعه وترجع بالسلامة
تحياتي

الحمدالله اخوي مال الحلال ما يضيع
قصة فيها عبر ونصائح ما تتفوت لكل زائر للصين
تحياتي لك يا الغالي وترجع لديارك بالسلامه و منتظرين التقرير

الحمدالله اخوي المال الحلال ما يضيع