السلام عليكم ..
حاليا أنا في ماليزيا .. وهذي الزيارة الأولى لي فيها ..
لكن تفاجأت بعدة أمور ...
1- أسعار المكالمة للسعودية غالية جدا ...
2- أسعار الأسواق والمجمعات عندهم ما تختلف عنا .. خاصة الملابس والأحذية ..
3- نوعية الملابس ذات الصناعة الصينية ... مختلفة في الجودة عن الملابس الصينية اللي نستوردها في الخليج ..يعني نوعيتهم أحسن وبالتالي نشوف اسعارها غالية نوعا ما ..
4- المرافق الصحية الله يعزكم .. اللي في الفنادق الخمس نجوم ... ما يستعملون فيها الماء!! يعني نظام غربي للاسف .. مناديل فقط ...خاصة ان بعضها تكون معزولة بباب خاص داخل التواليت ..
وهذا اكثر شي تعبنا في ماليزيا .. خاصة ان الواحد يروح وهو حاجز .. يعني ما يقدر يغير الفندق ...
5-ما عندهم قنوات عربية .. حسيت اني منقطع عن اخبار العالم ..خاصة ان لغتي الانجليزية بسيطة ..
6- نهائيا ما شفت جريد عربية حتى لو بايته ولها كم يوم
7- متوقع ارجع بهدايا للاهل .. بس الظاهر بنسى الفكرة .. بسبب الاسعار الغالية لبضايعهم ..
هذا تقريبا الي واجهني حتى الآن ...
واذا حد شايف عكس كذا ياليت يفيدني ................وتحياتي لكم ،،