1. على كلاً

يوليو ويونيو 2011 خلاص مر اعتقد تقصدين 2012 ؟ وماحددتي 6 هم جميعهم كبار ولا صغار ؟

على كلاً

1- :- نعم راح تحتاجون لملابس برد خاصه بالليل اكثر من النهار بس مايمنع ان يكون حتى نهارهم بارد خاصه اذا شفتوا الجو فيه سحاب فالافضل تاخذون معاكم جاكيتات او ملابس شتويه
2-:- بما ان الرحله كلها اسبوعين احسبي حساب ان يومين راح يروحون على يوم الوصول والمغادره يعني بيبقى 12 يوم فقط ولو كان الخيار راجع لي اقعد المده كلها في قولد كوست بس لانها للاسف المده غير كافيه تروحين سدني وبرسبن و قولد كوست
وانا اقولج عن تجربه حتى الاسبوعين بالتمام ماتكفي في قولد كوست يعني اقلها 20 يوم وطالع
3-:- طبعاً بالنسبه لعددكم الشقه افضل خيار لكم "3 غرف" ، بالنسبه لافضل المواقع طبعا الخيار الاول والافضل للسكن في قولد كوست بالنسبه للعرب هو "سيرفس براديس" لانها منطقه كامله والكمال لله فيها كل ماتحتاجه العايله وطبعا هي مش قريبه من المجمعات لان اساساً مجمعات وموالات واسواق قولد كوست اماكنها بعيده عن بعض وكل مول في منطقه ثانيه بس الوصول لها
عن طريق الباص سهل جداً ومايمنع لو ماعرفتوا تسألون لانهم راح يجاوبونكم ، وكذلك بالنسبه للاماكن السياحيه الافضل تحجزون كل فعالياتكم مع مواصلات والمكاتب السياحيه توفر هالشيء وهي منتشره في السيرفس برادايس في كل مكان والاشهر بينهم هو مكتب "لاوند" وسبب شهرته ان اللي يشتغلون فيه عرب من طلاب الجامعات من مختلف الدول الخليجيه والعربيه وسهوله التواصل معاهم وتقدر تأخذ وتعطي معاهم بكل سهوله
3 - 4 :- مثل ماذكرت بالنسبه لكم الافضل شقق وهالخيار يرجع لكم طبعاً في الاول والاخير واذا سألتني وين افضل اسكن طبعا مابطلع من هالخيارين ( السيركل اون كافيل - الشيفرون) وبعد "الكيو 1 " بس هو الاقدم والابعد بالنسبه للسنتر وكذلك في فندق هيلتون الجديد نظامه شقق فندقيه بس ماجربته ولا اعرف حد سكن فيه لذلك صعبه احكم عليه بس هو يعتبر الاجدد في قولد كوست وبالنسبه للسعر بما انكم راح تحتاجون شقه 3 غرف افتراضاً لو قررتوا يعني مابيقل عن 190- 200$ وطالع الليله
5:- طبعاً الطائره وفي شركات عديده ومتنوعه تخدم الطيران الداخلي في استراليا ومنها ( فيرجن استراليا - جيت ستار - الكوانتاس) واسعارهم غير ثابته تعتمد على موعد الرحله - اليوم والموسم وغيره من عوامل ثانيه ، وسعرها غالباً يتراوح بين 49 - 59$ وطالع وبعد لازم تكونين منتبهه ان هالسعر غير شامل للوزن مثل فيرجن وجيت اما الكوانتاس مش متأكده وبعد هالسعر غير شامل للوجبات والمشروبات يعني كل شيء بفلوسه لانهم طيران اقتصادي ،
6 -: الافضل المسافر نفسه يحدد الاماكن اللي يحب يزورها وهذا متوفر من خلال تقارير الاعضاء الموجوده في قسم التقارير او المثبته وبعد ما ننسى موسوعه خبير ومشرف استراليا المهاجر افضل موضوع لاخذ فكره عن استراليا واماكنها السياحيه .
7:- جاوبت عليه مع سؤال "2"
اتمنى اكون وفقت في الاجابه عن الاسئله وفعلاً استراليا تستحق الزياره وما اعتقد راح يخيب ظنكم فيها

ما قصرتي خبيرتنا مميزة استراليا وفيتي وكفيتي
كنت اتمنى ان تقوم وردة جده باخذ لفة في تقارير الاعضاء وخاصة المميزة منها ( خبرات متراكمة ) وستلاقي اجوبتها في هذه التقارير وكذلك تضبط عندها اماكن السكن والطيران واماكن السياحة
مع تحياتي

شكرا لكم جميعا
جزاكم الله خير