أفضلها وأقواها وأشهرها بلا شك هي الجامعة الأردنية في تلاع العلي في العاصمة ..

اخوي في جامعات قويه في عمان غير الجامعه الاردنيه وافضلها الاردنيه طبعا
لكن كلها معترف فيها في السعوديه يعني مافي اشكال لو درست بجامعه غير الاردنيه منها :
جامعة العلوم التطبيقيه
جامعة عمان الاهلية

ماهي الجامعات الحكومية في الأدرن ؟؟؟؟؟؟؟؟؟؟
وايش رايكم في جامعه ( فلاديفيا ) ؟؟

انا مش خبير جامعات بس ان شاء الله اساعدك واذا في اخطاء بلكي بعض الاخوة اللي عندهم خبرة يصححوني
بعض الجامعات الحكومية
الجامعة الأردنية - عمان
جامعة اليرموك - إربد
جامعة مؤتة - الكرك
جامعة العلوم والتكنولوجيا - قرب إربد
الجامعة الهاشمية
جامعة آل البيت
جامعة البلقاء التطبيقية
جامعة الحسين بن طلال
مش عارف في كمان او لا

اخوي والله جامعة فيلادلفيا ماعرف عنها شي بصراحه
لكن اذا انت طالب سعودي ترى جامعات الاردن معترف فيها في السعوديه يعني لاتخاف ادرس بالجامعه الي تناسبك ولاتشيل هم

شكراً لكم جميعاً وجزاكم الله خير .. لكن اخوي معانق الدموع انا قطري وليس سعودي ..
وكلها اهل الخليج وكلها اهل ولا فرق بيننا ونتشرف فيكم وتحياتي لك اخوي

اهلا فيك اخوي وباهل قطر على راسي والله
عموما اخوي جامعات الاردن معترف فيها بالخليج بشكل عام
واكيد انه جامعات الاردن معترف فيها في قطر لانه طلاب كثير من قطر في جامعات الاردن
يعني مثل ما قلت لك لاتشيل هم ادرس بالجامعه الي تناسبك على حسب الطالب
يعني انا اعرف شباب مايفضلون الدراسه بالجامعات الحكوميه بسبب زحمة الطلبه في القاعات ويصعب عليهم استيعاب المحاضرات
فيفضلون الجامعات الخاصه يعني على حسب الشخص لكن الاول والاخير جامعات الاردن معترف فيها وعلى مستوى
وانت مر التعليم العالي عندكم في قطر واسالهم عن الجامعات الاردنيه المعترف فيها في قطر وهم بيفيدونك
وبالتوفيق انشالله اخوي جاسم

ياحياك الله اخوي معانق الدمووع
هل الرسوم كلها واحده ولا في رسوم اغلى عن الثاني ؟
وكم اقصى عدد ساعات ممكن للواحد ان ياخذها في الفصل الواحد ؟؟
انا قالولي
1- الجامعات الحكومية الارنية ( ولم يحددوا لي الجامعات الحكومية ) !
2- جامعة فيلاديفيا
3- عمان الأهلية
4- العلوم التطبيقية
5- جامعة الإسراء
فقط !!
اسمح لي اخوي على التثقيل في الاسئلة
وجزاك الله خير

اهلا فيك اخوي
اي نعم اخوي هذا الجامعات المعترف فيها الجامعات الحكوميه الي اعرفها اللاردنيه والعلوم التكنلوجيا
والخاصه الي ذكرتها انت
والجامعات الخاصه المشهوره اكثر يعني وتحصل فيها عدد كبير من الخليجيين
جامعة العلوم التطبيقيه وجامعة عمان الاهليه
وجامعة الاسراء تحصل فيها اكثر شي الكويتين
وبالنسبه للرسوم
طبعا تختلف لكن شي بسيط يعني بفرق 15 دينار تقريبا
وكل جامعه لها نظام لكن الجامعات الحكوميه سعر الساعه معروف
اقل عدد ساعات تقدر تنزلها الي اعرفه 12 ساعه واكثر شي 18 ساعه
لكن مانصحك من اول سمستر او اول سنه تنزل 18 ساعه بيكون في نوع من الصعوبه وان نزلت 18 ساعه مافي مشااكل عادي
بس اغلب الطلاب الي عرفتهم اول سنه ينزلون 15 ساعه
انشالله اني اكون افدتك واي سؤال انا حاضر بجاوبك بالي اقدر عليه وافيدك انشالله
وماسوينا شي اخوي ولا ثقلت علينا عزيز وغالي