mr-X
27-07-2022 - 01:35 pm
السلام عليكم
اخواني اعضاء منتدى المسافرون صباحكم ورد
طبعا انا لي تقريبا حوالي الشهر وانا اتصفح المنتدى واقرا المواضيع عن المغرب ومدنها وفنادقها وبصراحه شي يسعد كثير تواجد هالمعلومات والنصائح من الجميع ..
انا ان شاء الله رايح للمغرب في شهر " اوقست " القادم 30/7/2008 ..
العدد : ثلاث اشخاص ..
المدن الموضوعه بالرحله : أغادير .. مراكش .. ( الرباط أو طنجه ) ..المدة : 15 يوم تقريبا ً ..
المبلغ : تقريبا ما بين 60000 الي 80000 ريال المجموع ..
ههه احس اني باقي بحط صورتي وتاريخ ميلادي
المهم ..
حجزت سياره من كازا لمده 14 يوم .. مع العلم اني ما أدل الطرق في المغرب .. لكن لقيت ان استأجار سياره احسن بكثير ..
وحاب اسأل عن سعر البنزين بالمغرب حاليا كم ؟؟؟؟
راح اسكن في كازا يوم واحد فقط في فندق RAMADA AL MOHADES لكن مادري هل هو جيد الفندق ؟؟
اتمنى منكم اذا ممكن التوضيح والنصح بالنسبه لباقي الرحله من حيث ...
مسار السفر من كازا الي اغادير .. !!
أغادير :
حاب اسكن يومين في فندق على البحر بسعر لا يتعدى 600 ريال لليله ... !!
بعدها حاب اسكن في شقق فندقية .. ياليت تفيدونا عن الشقق الفندقيه !!! بحدود 900 ريال باليوم !!
او شقق مفروشة ولكن آمنه ..
( لاني حسب ما سمعت حاليا بالمغرب ان فيه حملات مداهمات على الفلل .. وانا مابي وجع راس )
والتخطيط اني اقضى بأغادير ( خمس الي سبعة ايام ) ..
ياليت تعطوني آراءكم بخصوص باقي الأيام !!
وياريت تفيدوني بخصوص الحجوزات للفنادق او الشقق او الفلل افضل طريقه للحجز
لان البعض ما ينصح بحجز المواقع لانه مو مضمون .. وانا ابي شي أكيد ومضمون .
مراكش :
من خلال قراءتي لبعض المواضيع لقيت البعض ينصح بفلل النخيل .. والبعض ينصح بفنادق ..
ألفتره اللي بقضيها في مراكش تقريبا من ( خمس ايام الي اسبوع ) ..
وش الأفضل حسب رأيكم ؟؟؟ فلل او فنادق ؟؟
وايضا لا يتعدى سعرها باليوم 900 ريال !!
الرباط أو طنجه :
مادري الى الآن اي وحده فيهم راح اروح لكن بيعتمد على الباقي من الميزانيه ^_^ والمزاج
وطبعا نفس الاستفسارات السابقه بأغادير ومراكش راح تكون لطنجه او الرباط.
ملاحظات :
حسب قراءتي لأغلب المواضيع انها قديمه نوعا ً ما ( التاريخ ) واتوقع ان الاسعار تغيرت الآن
وبعض الأمور تغيرت عن السابق . ياليت تفيدوني بهالخصوص ..
أمن المطار ... قرأت مواضيع تنبه من أمن المطار وانهم يعقدون المسافر علشان يدفع اكراميات
تقريبا ً هذا كل شي واذا طرى ببالي شي ما راح اتردد اني استفسر منكم مره ثانيه
( مالنا غناة عنكم حبايب ^_^ )
دمتم بخير
تحياتي ®
خذلك يومين بكازا وانا اعتقد انك راح تنزعط في اول مدينه تجيها لكن اشرب ديو واقوي قلبك بعدها سير على مراكش بالقطار وخذلك خمسه ايام في فندق ولا في النخيل ولا اسوي دعايه للنخيل بس انا افضل النخيل وبعدها استاجر سياره وسواق وسير على اقادير ومنها طياره على كازا هم على بلدك اما البانزين الله يعينك عليه وترى من مراكش لاقادير 250 درهم تكفيكم بانزين وان شاء الله بنهاية شهر اوغست يشرفنا مزعوط جديد