محد عطاك وجة
برد عليك جيبي الي تبينة لو صادوك بيصادرونة بس ........لا تجيبين قات وبلاوي
الاسواق بلندن معرفو هارودز سلفيريدج اكسفورد
محلات اسعارها معقولة اش ام بريمارك وغيرة كثير

شكرا لإجابتك أخ amore187 ،
الاشياء اللي راح ناخذها عادية بس توفير الوقت، لو ما نلقاها بسهولة،
والمحلات بس حابة أشوف إذا فيه شي مميز أو يستاهل المهم أنه غير موجود عندنا

وعليكم السلام
هلا وغلا
الليله ان شاءالله راح اتكون بين أيدج ..
لأن الحين العيون وحده منهم سكرت والثانيه قاعد ارفعها بالقوه

هلا اختي..
شوفي ياقلبي فيه مجمع الوايت ليز بالكوينز وي صدق انه صار قديم شوي بس ولو
لازم تمرين عليه وبعد عندك مجمع بلو واتر وهو تقريبا شامل لاغلب الماركات اللي بلندن بس بسعر اقل
وهذا برا لندن بس مو بعييد مره وفيه بعد سوق اوت ليت يجن اسمه لبكستر فيلج وهو
برا لندن تقريبا ساعه ونص حلو مرره واسعاره ارخص من لندن هاالمولعه وفييه ماركات عالميه مثل
بيربري وفرزاتشي وديوور ... واذا عندك اطفال صغار انصحك بمحل خطيير في ريجنت ستريت
اسمه هاميليز على مااظن .. 5 ادوار هو محل العاب بسس غير يوسع الصدر وفيه اشيا غريبه
حتى لو ماعنددك صغار روحي تلقفي ههه يستااهل صراحه
وعن نفسي احب ااخذ الجاكيتات من هنااك شي والابوات (الله يكرمك) ام شبعد
ايه لا يفوتك الميك اب حق السلفردج.. وبس ماكني طولت ؟؟

السلام عليكم
معلش اعرف ان الموضوع نسائي وانتي طلبتي راي البنات بس حبيت افيد اخواتي واخواني الاعضاء. الاخت مس وناسه ماقصرت وعطتك اسمين حلوين وانا بعطيك روابط مواقعهم عشان تعرفي ايش بهذه الاسواق وكيف توصلين لهم.
هذا رابط البكستر اوت لت
http://www.bicestervillage.com/bicester/home.asp
وهذا رابط البلو ووتر
http://www.bluewater.co.uk/
طبعا في اسواق اكثر بس نعطي فرصه للبنات تبدي خبرتها لك.
اسف على المداخله وحظ موفق ان شاء الله

تسلمون يارب
أخوي القطري شكرا وخذ راحتك جزاك الله كل خير
مس وناسه ألف شكر أفدتيني جدا الله يسعدك
شكلي بكتب لستة طويلة لأن التسوق من الأهداف الأساسية للروحة
محلات الكبار هي المهمة بس ما يمنع نجيب هدايا للأطفال

shine_star66
ألف شكر
ما يمنع نستفيد من خبرات الجميع

حبيبتي السالفة ذي ذات شجون
التسوق في لندن له متعه غير حتي لو بتشترين مويه تستانسين
المهم عندك أكسفورد ستريت جميع أنواع المحلات والماركات المتوسطه فيه وأهم شي سلفردج عدة أدوار ماركات توب , يتفرع من هالشارع بوند ستريت برضووه ماركات , نهاية الأكسفورد ريجنت حليوو فيه ديبارمنت ستور ليبرتي حلو.
نجي للي عليه الكلام
نايتس بردج أوله هارفي نيكلز ,, بعدين هاروودز > يبيلك تطقين خيمه فيه بينهم سالون ستريت كل شي أسمه براند تلقينه فيه ماشاءالله لا إله إلا الله > تقرا عليه , نهاية الشارع كنزرود فيه كم بوتيك حليوات.
المشكله إن كل شي صار موجود بالرياض ف لاتنصدمين قليل الأشياء الغريبه وإذا تبين نصيحتي !! بحبشي بالمحلات الصعمبوطه بالدواعيس تلقين فيها أشياء كذا ومايمنع طبعاً تشيكين علي الماركات لأن بعضها ماتنزل السعوديه أو تنزل متأخره .
إذا تحبين العطور هارودز ينزل عطور خاصه روعه , الميك أب فيه ماركه أحبهاا وأشتري كحلهم بالدرزن
ستيلا تلقينها بسلفردج ولازم تسيرين علي بووتس عندهم حركتكات >> دايماً كاشته فيها
وبس ..

روبي ألف شكر