أخيتي
أنا قبل سنتين رحت لدبي
وإن شاء الله خلال الايام هذي رايح لها ان شاء الله مع العائلة
هل فعلا دبي ما فيها مصاعد ،، كلها درج كهربائي
أنا سكنت في الشارقة ذيك الأيام .. كانت روحاتنا لم دبي للمراكز التجارية ... وفيها سلالم كهربائية وسلالم عادية
لكن الأكيد إن الفنادق والشقق تكون بالمصاعد
فندق تريدرز ، أو شانجريلا، أو شقق نجوم الامارات في الشارقة،،هذي شقق جديدة ،، والله ما أدري عن خدماتها بس توها فاتحة،،
حنا عائلة مكونة من رجل وحرمة و3 بنات كبار،،
نبي شيء نظيف ومرتب وما يكون غالي
بالنسبة لي لا أؤمن بالسكن الغالي ..لأنه غالبا يكون للنوم فقط ...لذلك أذكر إننا سكنا في شقق اسمها شقق الجوهرة في الشارقة
سعرها تقريبا ما يعادل 250 درهم غرفة وصالة ومطبخ والله يعزك ومن يقرأ دورة مياه
أحيان أفكر بسكن غالي نجرب لكن أيضا سافرونة ماتحب السكن الغالي

شقراويه روحي وتوكلي على الله كل اللي تبينه موجود والاسعار في هاالوقت مناسبه جدا
حنا(مهوب اللي ينحط بااليدين)الاولا تقولي نحنّّّّّّّّّّّّّ مانروح اللا في الصيف

1. 0وفيه شقق ثانية برضه اسمها ليوا بلازا وهذا تلفونهم :0097142279111


2. والاسعار تتغير من موسم لآخر ....

شقراوية .... عندي لك شور وانت بكيفك تاخذين بالشور او ما تاخذين انت حرة طبعا ..... وهي نصيحة مجرب ومرت علي معظم الاشياء اللي تسألين عنها ...
اول نصيحة واهم نصيحة ترى مطار دبي يتعب الكبار في السن شوي لأن فيه مسافة طويلة جدا من تنزلين من الطيارة إلى تشييك الجوازات والعفش والخ... فرجاء انتبهوا للوحات الارشادية في المطار اللي تدلكم على المصاعد عشان ما تتعبون الوالدة الله يحفظها وبعد لا تنسون ترى فيه سيارات صغيرة داخل المطار ممكن تركبون فيها كلكم وتوصلكم مجانا إلى اقرب مصعد والسيارات لها مكان واضح ومكتوب عليه توصيل مجاني.. فحاولوا تنتبهون للشيء هذا ..
ثاني نصيحة / تدرين والدتك عندها نفس مشكلة امي ما تستطيع تطلع الدرج الكهربائي والدرج العادي الطويل يتعبها .... ما عليك لا تشيلين هم معظم الاماكن فيها مصاعد كهربائية وبتلقين في معظم الاسواق والاماكن لوحات ارشادية تدلك على وجود مصاعد ... فلا تشلين هم من الناحية هذي...
ثالث نصيحة / بالنسبة للسكن انا اقول انكم تسكنون في دبي احسن وافضل عشان زحمة الطريق اللي بتصادفكم بين دبي والشارقة وفيه شقق سكنا فيها قبل سنتين في الصيف كانت حلوة ونظيفة وكلها عوائل وهي شقق لورد في شارع الرقة وهذا تلفونهم اتصلوا عليهم وشيكوا معهم :

0وفيه شقق ثانية برضه اسمها ليوا بلازا وهذا تلفونهم :0097142279111

والاسعار تتغير من موسم لآخر ....

رابع نصيحة / بالنسبة لطلعات التمشية في الحدائق والله ما ادري كيف الجو الآن في دبي بس طبعا اذا شفتوا الجو يساعد فيه حدائق حلوة مثل : حديقة زعبيل , حديقة الممزر وفيها اماكن مطلة على البحر وحلوة وشفت لها صور في المنتدى, حديقة الخور . اما بالنسبة الشواطئ العادية ما ادري عنها بس ما اعتقد انها تصلح لنا كعوائل .... يعني مايوهات وناس تتسبح وناس تحط كريمات شمس يعني بالعربي الوضع مو وضع عوائل ...... وإذا فيه شواطئ فيها خصوصية للعائلة ياريت يفيدونا الشباب والبنات اللي راحوا او االي عندهم فكرة عشان نستفيد في روحاتنا الجاية ...
شقراوية .... من المهم جدا جدا انك تاخذين لو لفة سريعة على بوابة الامارات او تسوين بحث داخل البوابة ترى فيه مواضيع روعة وبتفيدكم جدا جدا جدا والاعضاء مو مقصرين ابد ...
اتمنى اني ماكثرت عليك الكلام وآسف على الإطالة
وبعدين الله الله بالوالدة لاتعبونها بالتمشية ..... ورحلة سعيدة وموفقة بإذن الله ....
اخوك أبونور

أخت شقراويه صباح الخير
بالنسبه لتريدرز ماعندك مشكله حلو ومرتب بس للأمانه شنقريلا أفضل بس عندي حاجه أول شي إسئلي عن رقم مكتب سفريات في دبي إسمه عرب لينك وكلميهم وإستفسري عن الأسعار وقارني بينهم وبين
مكتب السفريات اللي موجود في ديرتك بصراحه هم أسعارهم مش بطاله وفي عندك بجنب شنقريلا روتانا تاور برضوه حلو وأتوقع إنه مناسب جدا لكم وهذا رقمهم المجاني إذا إنتي من السعوديه 8008971205 وإذا
إنتي من مكان ثاني قولي لي وأنا أعطيك رقمهم شوفي بالنسبه للشارقه هي حلوه بس للأسف مانتي موفره شي لأنه اللي بتوفرينه بتخسرينه بالتاكسي بالنسبه لأماكن التمشيه في الوقت اللي بتروحين فيه الجو بيكون حر فالاتحرصين كل الحرص على الحدائق عندك المجمعات مثل الإمارات مول وفيه كل شي
عندك المحلات التجاريه وكوفيهات ومطاعم وفندق بعد إسمه Kempinski hotel وصالة تزلج والله إنه شرح وحلو وفي عندك سوق مدينة الجمير إحرصوا أنكم تروحون له سوق بين فندق ميناء السلام وفندق القصر مبني على شكل تراثي حلو ويستاهل ومطل على برج العرب في جلسات مره حلوه في الليل ومطاعم متنوعه لبناني وهندي وأمريكيه وإيراني بس بصراحه غاليين وإيطالي وكلهم مطلين على بحيره وقوارب والله
كإنك في إيطاليا وعندك المرسى برضه في الليل حلوه ولازم تروحون الليل مطاعم كوفيهات جلسات بره وبجنبك اليخوت وفيه بإمكانك تستأجرون لنج يلف فيكم لفه حلوه على منطقه الجميرا وعندك مجمع إسمه فيستيفال سيتي سنتر إذا ماني غلطان يستحق الزياره هو مجمع جديد وعندك سيتي سنتر مجمع معروف وشرح في نفس الوقت ويستحق الزياره أيضا وعندك سوق نايف شعبي وكله أماكن عود ودهن عود وزعفران وبجنبه السوق الإيراني يعني حلو إنك تروحين لهم وعندك قرية البوم حلو إنكم تحجزون فيها وتتعشون وعندك
مطعم زيت وزعتر فطور معجناته حلوه أوعشا خفايف قريب من شنقريلا والمخبز الفرنسي حلو للجلسه في الليل وعندك مطعم الصفدي حلو مقابل شنقريلا من الشارع الثاني ونسيت بعد مجمع ميركاتو في الجميرا حلو وصغير وبالنسبه للحدائق أنا بصراحه ماني حريص لها بس صدقيني المرسى وسوق مدينه الجميرا جلساتها حلوه أتمنى من القراء أنه يعلقون على ردي علشان تستفيد الأخت شرقاويه

والفنادق أغلبها تقدم سعر مخفض إسمه سعر الصيف خذي رقم تريدرز وشنقريلا من الويب سايت وكلميهم ونصيحه قرري موضوع السكن وأحجزي بدري علشان تاخذين السعر المناسب وتضمنين الحجز

نصيحه يا اختي وانتى في مطار بلدك اطلبي من الموظف اللى بالكونتر يوفر للوالده كرسي مع عامله تمشي فيها لين توصل للتكسي لان المطار كبير ويمكن يتعبها والخدمه هذى تقدم مجانا بس اطلبي من موظف الكونتر اللى في بلدك وهم في العوده وانتى تاكدين الحجز اطلبي من موظف الخطوط وهم اللى بكونتر مطار دبي يوفر لكم عربه لتوصيل الوالده للطياره اريح لكم
وبالنسبه لكل الاماكن بدبي يوجد سلالالم كهربائيه ومصاعد بنفس الوقت
ورافقتكم السلامه بالحل والترحال

السلام عليكم
مرحبابج اختي إنتي وعايلتج الكريمه في داركم الثاني الإمارات
بالنسبه للمصاعد ، متوفره في جميع المراكز التجاريه وفي الفنادق أكيد
وفي المطار حاولو تركبونها السياره أفضل عشان المسافه طويله
شوفي رابط الفنادق بأسعارها من مكتب سياحي وقارني الأسعار

وإذا معكم أطفال مدينة مدهش مناسبه الهم... فالمركز التجاري بداية شارع زايد

شقراويه نصيحه خذي معاكم الكرسي المتحرك ابو العجلات تري راح يخدم الوالده خاصه بالمجمعات اذا انتو من اللي تحبون المشي وتعرفين اذا معاكم الكرسي تقدرين تطلعين سواء بالسلالم او بالمصاعد..ويصير المشي مريح لكم وهي تجلس علي الكرسي كل ماحست بالتعب والله يخليها لكم ويخليكم لها ...!!

تتوفر المصاعد في جميع الاماكنت العامه