moooj
16-06-2022 - 02:31 am
السلام عليكم ورحمة الله وبركاته
أنوي زيارة الشرقية نهاية الاسبوع ( طيران )
هل أسكن في الدمام أم الخبر ؟
ماهو الفندق المناسب من فئة 5 نجوم ؟
معي زوجتي و3 أطفال
الفندق يكون سعره مناسب وبالفعل 5 نجوم مو بس اسمه 5 نجوم وما يستاهل يعني لو انزل بشقق فخمة أفضل منه
ياليت خيارات متعدده من الفنادق ومواقعها
هلا وغلا اخوي موج حياك الله قبل ما تطل على الشرقيه
واختيارك موفق وبالاخص هالايام ترى الجو روعه بالمره
شوف اخوي بالنسبه للسكن في الخبر او الدمام ترى كلها حلوه والمسافه قريبه كلها ربع ساعه
وقبل كل شي لازم تحجز من الحين على شان لما توصل ما يقولك فل....
ولا تنس اذا انت من محبي البحر ف عصر يوم الخميس لا تفوته في الهاف مون
نبدا
الخبر:
عندك اكثر من مكان
1) شقق رمادا بالمره حلوه نظامهم غرفة النوم فوق وتحت الصاله ويوجد غرفه خاصه للخادمه ((اذا عندك)) وكل المطاعم حواليها
2)فندق كورال انترناشيونال بعد حلو بس سعره شوي مرتفع
3)فندق مريديان
الدمام:
1)فندق شيراتون ما يحتاج تعليق فهو غني عن التعريف
2)حدائق الخليج..شقق فندقيه...((تقع خلف مجمع الشاطي مول)) جديده واثاثها حلو** 4نجوم*
وتابعه لمجوعة فندق كورال انترناشيونال.
هذي الفنادق اللي انصحك فيها لان مستواها 5 نجوم ما عدا حدائق الخليج
وبإختصار شديد...رمادا في الخبر او الشيراتون في الدمام
الاخوان الاعضاء ما راح يقصرون معاك
واتمنى لك إقامه سعيده
ولاتنسى التقارير والصور
ولك خالص التحيه..