]السلام عليكم ورحمة الله وبركاته
بدون مقدمات رنانه وحشي في الكلام. (توني قاري الكلمات هذي يعني صفقو )
في يوم الثلاثاء الموافق 11 من شهر مارش سنة 2008 المكان االرياض . الوجهه : الدمام
قام القرم الشجاع ابو راشد وخربها واخذ اجازه يوم من العمل وهج من المكتب في هذا اليوم
وكانت ام راشد مجهزه العزبه اخذت غطه من العصر الى الساعه 5:30
وصحيت وركبت السياره وسمينا باسم الله ومرينا دانكن دونات واخذت احلى قهوه
ومع دعاء السفر توجهت لم الدمام والحمد الله الطريق كان فاضي والجو كان صافي
طبعا ابو راشد معود نفسه ما يطلع لم ديره الا وهو مسوي حجوزات السكن ومريح البال .
مع اخذ الشورى مع ام راشد اتفقنا على فندق الهوليدي ان بس كان فل يوم الثلاثاء.
وبعد بحث عطاني واحد نفر صديق معلومه جديده عن فندق توه فاتح جديد هو انتر كنتيننتال
وكلمت وسويت حجز عندهم حق يوم والباقي في الهوليدي ان .:112:
وطبعا تحسفت قلت يا ليت كل الايام في الانتر كان احلى واحلى . والحمدالله .
بس السفرات الجايه بتكون في الانتر بدون منازع . اكيد بتسألون ليش بدون منازع ؟ الجواب
او لا اذكر لكم معلومات عن الانتر كنتيننتال الخبر.
يقع الفندق في مركز االمدينه الخبر في حي البندريه خلف عماره الراشد . على تقاطع
شارع بيبسي وشارع ديسكفري ( قديم ) والله ما اعرف الاسم بس يعتبر طريق الدمام
االخبر . اذا كنت جاي من الدمام قبل اشارة بيبسي بتشوف الفندق يسارك خلف برج الراشد
وكمان مش بعيد من الكورنيش حق الخبر . اما من المطار حوالي 60 كم.
الفندق مصنف بخمس نجوم ويعتبر المكان المثالي الاعمال والترفيه والاجتماعات وغيره...
الغرف::
عندهم 120 غرفه وجناح ضيوف رحبه وكل الغرف كامله التجهيزات ومن ضمنها شاشات البلازما.
تلفون يعطي معلومات عن حالة الطقس واماكن الترفيه والاماكن السياحيه في الخبر.
ثلاجه خزنه امانات , وسخان ماء للقهوه والشاي.
وانترنت.
طبعا الفندق يتكون من خمس ادوار .
الدور الخامس يوجد فيه نادي صحي . من مسبح , مساج . غرفة بخار. حمام تركي. صالة تمارين
وكلها تحت اشراف مدربين.
ومن ضمن الطابق هذا يوجد فيه ايضا نادي الانتر كو نتيننتال.
مخصص الساكني الفندق . بوفيه افطار . وفي المساء ماكولات وقهوه وشاي مع انترنت وغيره..
المطاعم:
تويست: المطعم الرئيسي يتسع 90 شخص ويقع في بهو الفندق.
البهو: يقدم تشكيله من الوجبات الخفيفه والحلويات و القهوه والشاي على مدار اليوم..
بريز: يقدم كوكتيلات الفواكه الطازجه مع بعض الاكل الخفيف وهذا موجود جنب المسبح
وايضا يوجد لديهم صالات مخصصه للاجتماعات.
وهناك ايضا دور مخصص لمواقف السيارات .
الفندق له شغال من حوالي 15 يوم يعني لسى طازج وفي نفس الوقت الفندق شغال على
انشاء برج ثاني بجانب الاول مع توصيل جسر فيما بينهم.
معلومات اضافيه::
طبعا الى الان ما جهزو موقع على الانترنت بس تقدر تسوي حجز على التلفون.
وصدقني تعامل الموظفين حقينهم يخجل.
وهذي تلفونات الفندق في حالة الحجز:
هاتف: 038010444
فاكس: 032010333
البريد الاكتروني :
الموقع: http://www.ihg.com
يتبع....باقي الصور ان شاء الله في اقرب فرصه انزلها ...... اخوكم ابوراشد