السلام عليكم ورحمة الله وبركاته
كيف الحال عساكم بخير إن شاء الله
عندي مخطط لرحلة صيفيه شهر 8 إذا الله راد وحابه منكم المساعده
مثل ما تعرفون نحن 5 أشخاص ومن ضمنهم أطفال وبالغين يعني نبى جو لكل الأعمار ههها
المهم السنة الماضية ما قصرتو عطيتوني معلومات عن فرنسا وسويسرا وبالفعل بفضل الله ثم بفضلكم استفدت منها
هالسنه حابين نروح عدة دول إذا الله وفقنا وكانت الميزانية تسمح
الإنطلاقة من الإمارات إن شاء الله ألمانيا-النمسا-سويسرا وأخيرا إيطاليا
مدة الرحلة 15 يوم وفي مجال للزيادة إذا ربحنا كنز!!!!
ألمانيا حابين نروح أوروبا بارك اللي عنده عيال لازم يكون لهم نصيب
سؤالي هل من الضروري السكن في ألمانيا للذهاب إلى أوروبا بارك؟ ولا يمكن نكون في النمسا ومنها نروح البارك؟ أرجو الإفادة
حابه أروح النمسا بس ما أعرف وين وشو المناطق اللي يقدر الواحد يزورها ويستانس فيها
سويسرا السنة اللي طافت رحنالها وكانت روعه وسكنا في لوزان وبالفعل استانسا وحابين انجربها هالسنة بس نغير المكان مثل زيورخ أو أي مدينة أخرى
وأخيرا نبى نروح إيطاليا للتسوق فقط إذا كان في هالشهر تنزيلات
أدري كركر وايد بس شسوي لازم أندور من ألحين
والسموحه منكم