مرحبا
بصراحة عندي استشارة بخصوص جدول رحلتي الصيفية إن شاءالله واتمنى من اهل الخبرة
يساعدوني وأنا مالي غنى عن مشورتهم ..
أول شي احنا 2شخصين وطفل 3سنوات وإجازتنا بحدود 20يوم وبصراحة نبي نستفيد منها ونشوف
اكثر عدد ممكن من المدن الرائعة بأوروبا لأن الواحد مو كل سنة بيصحله يسافر أوروبا المهم باختصار
مخطط الرحلة هو : 2فينسيا>4باريس>3فينا ومنها نستأجر سيارة>2زيلامسي>4لوسيرن ونطلع منها على
انترلاكن>2لوقانو>ونطلع على ميلان نتسوق ونكمل طريقنا لروما ونسلم السيارة ونقعد يومين وبعدها العودة
للوطن ..
طبعا الخطوط الإمارتية يوم الذهاب مافي قعده بدبي بس ساعتين بالمطار لأنا متحمسين نبي نوصل
بسرعة بس بالعودة إن شاءالله الواحد عالراحة يبيت بدبي وبعدها يكمل عالكويت ..
للتوضيح اخترت فندق راديسون في لوسيرن بناء على وصية الأخ بوعزيز وكنسلت فندق ميتروبول في
انترلاكن عشان مافيه تكييف وقلت مرة وحده نستقر بلوسيرن ونطلع على انترلاكن للتماشي لأن المسافة
قريبة بحدود الساعة حسب ماقريت في تقارير الأخوة واحنا معانا سيارة إن شاءالله مافي مشكلة
الشي الثاني أفكر اسكن في سالزبورغ لأن فنادقها أحلى ومكيفة ومنها أزور زيلامسي والمسافة
بعد ساعة لأني بصراحة مع تقارير الأخوان واستياؤهم من فنادق زيلامسي وخاصة التكييف مهم عندنا
وشي ثاني اشتكوا من وكثرة العرب فيها فضلت يكون السكن في سالزبورغ ومنها نشوف المدينة القديمة
ونضرب عصفورين بحجر زيلامسي وسالزبورغ..
آخر شي أتمنى ماكون أذيتكم بكثرة الأسئلة واعذروني عالإطالة ..

من وكيل الخطوط السويسرية بالرياض بالإضافة إلى السويس باس بجميع أشكاله وهو مكتب الزومان في الرياض موقعهم على طريق المطار القديم
ْْْْْْْْْXXXXXXXXXXXXXX
وان شاء الله اكون افدتك فالموضوع
تقبل مروري

ملاحظه هامه
خذت هالكلام من موضوع الاخت لوي فيتون وان شاء الله تسمح لي :36_3_15:
لاني قاريه موضوعها الرائع ويوم شفت استفسارك حبيت افيدك
وسلامتكم

ياهلا بك اخوي
البرنامج مره ملخبط
كيف راح تنتقل من فينيسيا الى باريس؟؟ ومن باريس الى فينا ؟؟
اعتقد صعبه توك واصل فينيسيا بعد يومين تروح المطار وتاخذ رحله ثانيه على باريس
ومن باريس لفينا بالطياره
لانه بالقطار المسافه بعيده جدا
ايش الحكمه من العوده لايطاليا مره ثانيه باخر الرحله ؟؟؟؟
اذا عشان الشوبينق ليش ما تخلي فينيسيا معاهم اخر شي ؟؟؟
صرت انا الي اسألك بدل ما انت الي تسأل ههه
بس احس البرنامج ملخبط جدا
واعتقد انه كل ما قللت التنقلات بين الدول وشفت كل دوله على سنع احسن من الرحلات الخطافيه
يعني 20 يوم على دولتين بالكثير 3 بس بس 4 تومتش يعني كيف تكون كل 5 ايام لدوله ؟؟؟
لو قللت الدول بتقل التكاليف وبالتالي راح تقدر تسافر السنه الي بعدها وما يكون حجم المصروف خيالي وتحرم بعدها تروح اوروبا
لازم البرنامج يكون من الشرق للغرب او العكس
يعني تبدأ بباريس مرورا بسويسرا انتهاءا بايطاليا
او تبدأ بايطاليا ثم سويسرا واخيرا باريس
واذا انت تبي النمسا احذف ايطاليا

ههه بصراحة احس دختي مع برنامجي بس الحكمة من العودة لايطاليا التسوق
لأنا بنروح على قرية لي فالي في فرنسا واخاف مانكتفي به واللي اعرفه أوت لت بميلانو حيل حلو
فقلنا نمر عليه واحنا في لوقانو لأنها قريبة والشي الثاني اخترنا فينيسيا نقطة الانطلاق لأن رحلات الإماراتية
جديدة على فينيسيا بدات على شهر 7الصيف الماضي واكيد بتكون اخف وأروق من المدن الثانية ...
انا بعد ماقريت ردك فكرت لو أكنسل النمسا واخليها السنة اللي بعدها إن شاءالله مع المانيا أوغيرها نقرر
وقتها أو اشرايك لو نروح فينا ونكنسل زيلامسي ..
اما بالنسبة لباريس وسويسرا وفينيسيا هذي أساسية وهي ثابتة في برنامجنا..
عموما اختي اشكرك على تجاوبك وإنتي الوحيدة اللي جبرتي بخاطري ورديتي علي بس ياليت لو
تقترحين علي برنامج وأكون لك من الشاكرين ..

أشكرك اختي حيل وماقصرتي على مساعدتك
بس لو القى فروعهم بالكويت وجدة بالنسبة لي أفضل
ياليت لو احد يفيدني من الأخوان اللي عندهم فكرة ...

الشركات التي من خلالها تستطيعون عمل الحجوزات وكذلك قص التذاكر من خلال دولنا الخليجية هي :
الأمارات العربية المتحدة
Abu Dhabi
Thomas Cook Al Rostamani
PO BOX 44239
tel: (971) 272 7500
fax: (971) 272 8521

Dubai
Thomas Cook Al Rostamani
Al Rostamani Building
Al Maktoum Street
PO BOX 14738
tel: 971 4 2956777
fax: 971 4 2957445

المملكة العربية السعودية
Al Khobar
Al Zouman Travel
PO Box 3059
Jeddah 31952
tel: (966) 3 8649000
tel: (966) 3 8648955
fax: (966) 3 899 1539

Jeddah
Al Zouman Travel
PO Box 51322
Jeddah 21543
tel: (966) 2 651 2525
fax: (966) 2 653 4258

Riyadh
Al Zouman Travel
PO BOX 1343
tel: (966) 477 1120
fax: (966) 477 0754

الكويت
Safat
Alghanim Travels
Fahed Al Salem Street
PO BOX 81
tel: (965) 243 3033
fax: (965) 242 5640

مملكة البحرين
Manama
House of Travel
PO BOX 565
tel: (973) 217 070
fax: (973) 216 216

قطر
Doha
Qatar Tours
PO BOX 1683
tel: (974) 442 3453
fax: (974) 443 3197

سلطنة عُمان
Muscat
Bahwan Tours
PO BOX 282
tel: (968) 704 455
fax: (968) 794 189

Oua Travel Centre
Ruwi 112
PO BOX 985
tel: (968) 700 363
fax: (968) 795 237

ال من موضوع الاداري هشام
على هذا الرابط https://artravelers.com/p/re/12473
ولي عوده للبرنامج باذن الله
ملاحظه هامه
خذت هالكلام من موضوع الاخت لوي فيتون وان شاء الله تسمح لي
لاني قاريه موضوعها الرائع ويوم شفت استفسارك حبيت افيدك
وسلامتكم
هلا وغلا بزيتونه الموضوع وصاحبه الموضوع تحت امرك
واعضاء المنتدى هذا المرجو منهم مساعده بعض باستمرار
ما قصرتي ومشكورة

هلا فيك أختي لوي فيتون ومشكورة حيل عالمساعدة هذا الموضوع اللي كنت ادوره
بالنسبة لبرنامج الرحلة مانستغني عن المشورة احنا احتمال نكنسل النمسا عشان مايصير فيها هجولة
ونكتفي بايطاليا وسويسرا وفرنسا هالسنة لأنا قبل كذا سافرنا أوروبا مرتين وكل مرة كنا نزور دولتين فقط
لمدة أسبوعين ويكون التنقل بالطيارة بس هالمرة قلنا نبي نروح شي جديد مارحناه وقلنا هالدول الأربع
جنب بعض وسهل التنقل بينهم بالسيارةبس إذا إنتي مجربه التنقل بينهم وتشوفينه صعب اكيد اسأل
مجرب ولاتسأل طبيب .. علما بانه بعد التعديل بيكون سير الرحلة
روما _ فينيسيا _ باريس _ جنيف _ لوسيرن وانترلاكن _ لوقانو ومنها لو نبي نروح ميلانو
ونرجع بنفس اليوم والعودة للوطن من مطار زيورخ أو آخر يوم نروح لميلانو ونتسوق ونطلع من مطارها الدولي
مرة وحده يعني عندنا هالاحتمالين انتي اشرايك بالبرنامج للحين ملخبط؟؟
على فكرة برنامجي الاول كان مقتبس من شركة ركسون للسياحة وكانت التنقلات بالطائرة..
أشكرك مرة ثانية اختي..