1. أربعة أيام كوالا ( فندق البارك رويال )


2. طريقة التنقلات بين المدن :


3. توجيهات تهمك :

هلا أختي الكريمة ..
أسأل الله لكم التوفيق برحلتكم القادمة ... وبأذن الله راح نكون معك لأخر خطوة بأذن الله
طبعا المدة ( 14 يوم ) صافية ... وهي أجمل فترة بصراحة ... وهذا أفضل تقسيم :
يومين سلانجور ( فندق البيراميد )
ثلاثة أيام لنكاوي ( فندق الفوربوينت شيراتون )
ثلاثة أيام بينانغ ( فندق الهوليدي إن )
يومين جنتنغ ( فندق الفيرست وورلد )

أربعة أيام كوالا ( فندق البارك رويال )

طريقة التنقلات بين المدن :

• من سلانجور إلى لنكاوي ... طيران air asia والمسافة ( 50 دقيقة )
• من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )
• من بينانغ إلى جنتنغ ... الباص بسعر ( 35 رنقت ) والمسافة أربع ساعات ..
• من جنتنغ إلى كوالا ... تاكسي بسعر ( 90 رنقت ) والمسافة ( 45 دقيقة )

توجيهات تهمك :

• أجراءات المطار سهلة جدآ ( البصمة + تختيم الجواز + استلام العفش ) والمطار فيه لوحات باللغة العربية
• التأمين في كل فندق ( 300 رنقت أو 400 رنقت ) ... ويسترجع عند الخروج
• السواقين في كل مكان بماليزيا ( لاتشيلي هم ) أبدآ ... هناك أتفقوا مع اللي يعجبكم
• الصرف كما ذكرتي ... حولي من هنا ( نص المبلغ ) والباقي في البطاقة تسحبون من هناك
• التسوق ( أفضل شيء ) بكوالا ... مدينة الأسواق والمولات الرائعة ...

يعطيك العافيه ماقصرت والله
بس حبيت اعرف الفنادق الي قلتها لي حلوه صراحه بس ودي تخيرني بين فندقين مثلا فندق كذا او كذا ويكون معقول الله يجزاك خير .
مثلا فندق الفيرست وورلد غرفة سوبيربور وش معناها , وش فرقها عن الديلوكس ؟
ولآحضت ان بعض الغرف يشمل الفطور وبعضها مايشمل ؟
ودي بكل الفنادق فطور , لازم نفطر قبل مانطلع ههه

• وش رايكم الافضل موقع بوكينق او اجودا

بسألك كيف احجز تذكره من من سلانجور الى لنكاوي ومن لنكاوي إلى بينانغ ؟
ووموعد الرحله الداخليه , اقدر اختار الوقت اللي ابي اسافر فيه مثلا 6ص او 10 ص ؟
ومن بينانغ إلى جنتنغ (( باص )) طيب كيف احجز تذكره الباص ووين القاه ؟
وقريت ان الافضل احجز تذكره قبلها بيوم ؟ هل هو صحيح ولا عادي بنفس اليوم ؟
وأبي جدول منكم الله يعافيكم ترتيب يعني ونا بكوالا وين اروح ل أي مكان وكم الساعه ومتى ارجع وكذا ؟
كثرت عليكم ب الأسئله
مالي الا انتو بعد الله سبحانه

ونسيت بورت ديكسون
يعني مايستحق الزياره
شفت له صور واحس حلو ونشاطاته حلوه وودي فيه

كلي امل فيكم ، بنصايحكم وردودكم
لاتحرموني
ب انتظار ارواحكم

هلا اختي
ما شاء الله جدول اسطوري من الغالي الوافي كما عودنا يعني انا اضع هذا الجدول تحت قائمة ( جداول دلع )
الفنادق اللي فيه احلى من الحلوين ما يحتاج تشوفي وتعوري راسك بتحتاري و بتتاخري بالحجز بعدين خليكي على الفنادق اللي فوق كلها مجربه وكلها فطورها يمي يمي
نيجي للاستفسارات :
الديلوكس و السوبريور تسميات للغرف في فروقات بسيطه فيها علشان تعرفيها اقراي الموضوع التالي :
لا تحتار ,,, دليلك لإختيار غرف الفنادق https://artravelers.com
الفرست وورلد عندهم غرفه حلوه اسمها وورلد كلوب غاليه شوي بس دلع و فطورهم خاص في طابق فووق روقان يعني لا تختاري غيرها حتى لو سعر الديلوكس رخيص
الفطور لازم تطلبيه مع الغرف احيانا يحطون غرفه بدون فطور يكون سعرها رخيص انتي دوري غرفه مع فطور بتلاقي كثير في اجودا و بوكينج
موقع بوكينج و اجودا موثوق فيه لا تشيلي هم فيزا الراجحي تسوق و الامور طيبه احجزي اول شي حجز الغاء مجاني علشان لو تغيرت الخطه
بالنسبه للطيران الداخلي اير اسيا مثلا تحجزي من سلانجور الى لنكاوي وتحجزي من لنكاوي لبينانج وتقدري تختاري الوقت اللي تبيه عادي في رحلات كثيره وكل ما حجزتي بدري كل ما كان السعر ارخص وطريقة الحجز شارحها بالصوت و الصوره في توقيعي بتلاقي الموضوع
باصات بينانج الى جينتينق سهله مرره قبل السفره الى جينتينق بيوم قولوا للتاكسي يوديكم الى برج الكونسبي مكان مكاتب الباصات بتلاقو كثير شركات اختار اللي تبوه انا اخذت شركة KLS المسافه 5 ساعات مع ثلاث وقفات قصيره للحمام الله يعزكم و شراء بعض الوجبات الخفيفه
بورت ديمكسون مافيها نشاطات بس مسبح في فيلا لو بتاخذوها لازم يروح عليكم يوم في كوالا وتصير 3 ايام
الميزانيه قليله لو ترفعوها شوي احسن
تحياتي

اشكركم كلكم الله يعطيكم العافيه ي ربي
اخوي الوافي لما جيت ابحث عن فندق الفوربوينت شيراتون
لقيت ملغي من موقع بوكينج و اجودا !
رحت ابحث عن فنادق قريبه منه لقيت فندق Aseania Resort Langkawi بس مادري شرايكم فيه بدل فندق الفوربوينت شيراتون
يعطيك العافيه اخوي العدني ماقصرت والله
الميزانيه لا والله ماقدر ازيدها المشكله ان التخطيط ماجاء الا متأخر
انا شيكت ع الفنادق تقريبا بتكلفني 6000
ابي منكم الحين جدول يومي للايام عشان اعرف وين اروح له < محتاسه والله
بأنتظار الجميع

أسعد الله لكي بداية يومك عزيزتي
بالنسبة لفور بوينت شيراتون ممكن انه خاضع للصيانه
استبدليه بهالخيار الممتاز وسعره لنفس مدتك (منتجع جزيرة ريباك-فندق التاج)
https://artravelers.com/redirect.php?r=7c887edb5d8c47928f54592ed95f83f6" rel="nofollow">https://www.booking.com/hotel/my/rebak-island-resort-a-taj.html?aid=1300939
بالنسبة للجدول السياحي
خذي لك جولة على هالموضوع فيه افضل الاماكن السياحية بكل منطقة واختاري منها ماتريدين ايضا
https://artravelers.com
بالنسبة لمصروفات الرحلة
:
:
سلانقور
ليلتين البيراميد (شامل الضرائب والمبلغ مسترد بدون افطار) ب 1607 ريال Agooda
لنكاوي
3 ليالي منتجع ريباك (شامل الضرائب والمبلغ مسترد بدون افطار ) 2226 ريال Agooda
بينانغ
3 ليالي منتجع هوليدي فيلا غرفة قياسية (شامل الضرائب والمبلغ مسترد بدون افطار ) 2152 ريال Booking
جنتنغ
ليلتين فندق فيرست ورلد ديلوكس (شامل الضرائب المبلغ غير مسترد بدون افطار ) 881 ريال Agooda
4 كوالا لمبور فندق بارك رويال سوبيريور ( شامل الضرائب المبلغ مسترد بدون افطار ) 1527 ريال Agooda
تكلفة الفنادق
3ريال
المصروف اليومي بواقع 500 ريال
0ريال
المواصلات الداخليه
كوالا لنكاوي 381 ريال شخصين اقلاع 12 ظهراً طيران
لنكاوي بينانغ 148 ريال شخصين عبارة
بينانغ جنتنق 88 ريال شخصين باص
جنتنق كوالا 90 ريال تاكسي مثل ماتفضل المشرف القدير وافي
مجموع المواصلات 707 ريال
المجموع الكلي للرحلة = 15920 ريال
يعني يبيلك تزيدين 1000 ريال وباذن الله رحلتك من أجمل مايكون
ولاتنسي المبلغ الاحتياطي لاي ظرف الله يتمم رحلتكم على خير باذن الله
تحياتي...
أختك/Haty

يعطيك العافيه حبيبتي ماقصرتي
بس حبيت اسالك انا ابي فطور ههه ليه كلها بدون افطار , لان مابي يضيع يومي ونا ادور اماكن للفطور , ف ابيها مره وحده نتي
ولا شرايك أنتي ؟!
المواصلات الداخليه
كوالا لنكاوي 381 ريال شخصين اقلاع 12 ظهراً طيران
لنكاوي بينانغ 148 ريال شخصين عبارة
بينانغ جنتنق 88 ريال شخصين باص
جنتنق كوالا 90 ريال تاكسي مثل ماتفضل المشرف القدير وافي
مجموع المواصلات 707 ريال
ب النسبه للمواصلات
انتي حسبتيها ل شخصين ولا لشخص ؟
أما الاماكن السياحيه حلوه واستفدت بس احترت ولا ادري وش الافضل واللي يستحق لزياره اكثر , ووش الاماكن اللي قريبه من بعض
اقصد مابي اروح اليوم ل كذا مكان وارجع للفندق وبكرا اروح لاماكن قريبه من اللي رحت لها < مدري كيف اشرح ههه
يعني ابي الله يعافيكم جدول يومي (ومفصل) بعد < ابي اروح ونا واثقه من الاماكن اللي بروح لها وعارفه اليوم وين وجهتنا له وبكره وين وجهتنا له .. وانتو خبيرين وانا اول مره ولاني خايفه اني اتوه هناك واتوهق
ب أنتظآركم ي الطيبين

هلا أختي الكريمة ...
بناء على الجدول المقترح .. تفضلي جدول يومي مميز في ردي هنا