سلام عليكم ورحمة الله وبركاته...من زمان كانت النيه اني اسافر تايلند كل مايي وقت السفر يستويلي ظرف طارى
لدرجة انه الصيف 2008 ضاع جوازي وماسافرت وقبلها صارلي ظرف بعد المهم بعد تيسير الله سافرت شهر
6 مع احد الاصدقاء تايلند 14 يوم قضيناهن في تايلند-بتايا -ويوم واحد في بانكوك مارتحت فيها ... في موضوعي
هذا بتكلم باختصار ماعندي اسلوب صراحه وأول مره اكتب موضوع ..من اعدادي...أول شي انا كنت متخوف من السفر مثل باقي الاخوان من السرقه والامان والمصاريف وكل شي..
بس بعدين حمدالله اول ماوصلت تايلند راح مني كل التوتر والخوف خ صراحه شعب راقي وبلد راقي
تندمت على الدول الي زرتها قبل تايلند بدون ذكر اسماء... بلد روعه ماوفيها حقها
رغم اني من عشاق السفر وسافرة بلدان وايد لكن مثل تايلند ماشفت بكل صراحه كل الي
السايح يريده يلقاه مثل التسوق الطبيعه الرحلات السفاري الصيد كل شي...وباحلى الاسعار والاهم من هذا
99% من البائعين مايستغلون السياح اما لورحنا دوله ثانيه تنعكس النسبه ماشاء الله...بخبركم عن السكن
سكنا في فيلا ووالد صديقي خ مكانها بعيد شوي عن القاردن مول وحمدالله المواصلات كانت متوفره
وبخبركم عن بتايا القسم الي رحناه بس
طلعنا من بوظبي ع الطيران القطري ترانزيت من هنيه لقطر طياره صغيره ومريحه نوعا ما للسفر القصير وصلنا الدوحه
نفس الوقت ماكملنا عشر دقايق بدلنا الطياره واقلعنا حمدالله الطيران القطري 100% وصلنا توقيت تايلند ع الساعه
9 تقريبا خذنا اغراضنا ورحنا لبتايا ببسياره فان مريحه ويديده تقريبا ب 100 بات وصلنا حطينا اغراضنا وخذنا دش عقب الرحله الطوويله ورحنا نيب غدى م كان في مطعم أبوليلى اعتقد
انه عراقي وبنفس الوقت عنده كوفي نت وبصراحه ريال جداّ خلوق ومحترم لكن الاكل كان اقل من العادي
بعد الغدى ارتحنا لين وقت المغرب الي على اللاب والي رقد والي قاعد في الحديقه خ
وبعدها رحنا مشي اللوتس موول واو دخلنا الوتس ثياب بااسعار رخيصه جداّ 10_30 درهم لكن الكواليتي
مظبووط خذنا حليب بالبندق وبالكاكاو وكروسونات ومانغو واناناس يكثرره هناك برخيص
وهاذي صور اليوم الاول
الطيران القطري احلى طيران
هذي اغراضنا
هذا واحنا متوجيهن للطياره..
هذي الطياره نوعا ما كانت مناسبه للرحله القصيره الى قطر الحبيبه
أأأه يالبنان العزيزه ذكريات خاصه
وصلنا قطر وعلى طول مايلسنا 5 دقايق ركبنا الطياره الثانيه حمدالله
وصلنا بانكوك
الطريق الى بتايا خذنا فان يديد ومريح بشاشه وكراسي كبيره ب حوالي 1000-1200 من المطار الي بتايا
تابعوني