بعدين روحنا أشهر شارع في العالم (الشانزيلزيه)

MINI Store

LV Store

طبعا كنا لازم نزور محل نادي (باريس سانت جيرمان)
مع تمثال الأبرا كادبرا (ابراهيموفيتش)

اليوم التالت :
ده بقي كان يوم عملنا في كذا حاجه
طبعا احنا رتبنا اليوم بحيث اننا نحاول نكسب وقت و نحاول نروح كل الأماكن
و كانت وسيله مواصلاتنا هي المترو بصراحه كانت سريعه و بتوديك كل مكان في باريس
اشترينا تذكره صلاحيتها يومين و عيش برحتك بقي
أخدنا رحله نهريه في نهر السين مدتها ساعه بيوريك كل معالم باريس تقريبا
التذاكر (5 أفراد)

نبدأ الرحله

كوبري الحبيبه

داخل المركب

نزلنا جري و قولنا لازم نبص على اللوفر بصه سريعه .. يا فكيك

لقيت الصوره دي في اللوفر و أنا ماشي الواحد كأن بيتلكك يشوف حاجه عربي

قولنا بقي لازم نروح ستاد النادي الباريسي (باريس سانت جيرمان) و هو ستاد
(حديقه الأمراء)
في الطريق الي الآستاد بالمترو

سيلفي التوهان

وصلنا بس معرفناش ندخل عشان كان في صيانه

وقفه بيكهام يعني مش أى حاجه

معلش بقي كانت وخداني الجلاله و عامل فيها مدرب

يتبع ,,,

اليوم الرابع و الأخير :
(ديزني لاند)
مش هتكلم كتير .. مع الصور

التذكره

شكلنا و احنا في اللعبه

شفتوني و أنا باظ يطير .. أجنن مش كده

احبيبتي يا مغرب

الصحبه


اخر سيلفي في الرحله

Way Back to Home

النهايه
أحب بس أشكر القاده اللي تعبوا معانا في الرحله
قائد / أسامه
كابتن / أحمد جاد
كابتن / أحمد الجزار
قائده / عهد

و أحب بردو أهنئ كشافه مصر كلها بتسلم المئويه الكشفيه .. 100 سنه و مكملين ان شاء الله

انهي حديثي بالسلام .. السلام عليكم و رحمه الله و بركاته

وعليكم السلام ورحمه الله وبركاته
كبيره يا مصر
والف مبروك دبلوم الكشافه
شكرا لك

فيصل
تسلم يا كبير .. و الله يبارك فيك

يا أهلاً وسهلاً بشباب الكشافة البحريه على صفحات العرب المسافرون
رحلة كشفيه شبابيه جميله .. أحسسنا فيها بروح الشباب وفرحتهم وحماسهم
ويليت فى أيامنا عندما كنت زمان فى الكشافه الجويه لنا مثل هذه الرحلات الخارجيه
ولن أنسى وعد الكشافه وقانونها
اما الوعد فهو أعد بشرفى أن أبذل جهدى فيما أقوم به نحو الله والوطن وأن أعمل بقانون الكشافه
وقانون الكشافه أحفظه عن ظهر قلب وهو الكشاف
صادق . مخلص . نافع . ودود
مؤدب . رفيق . مطيع . باش
مقتصد . نظيف . شجاع
اليس كذلك

وعليكم السلام ورحمه الله وبركاته
تشريف عربي للكشافة أحب الكشافة وأشجع على الانخراط فيها للشباب ليستخدموا ادوات المدن بعقلانية
بدل الانجراف الى امور لاتحمد عقباها
لطالما الكشافة تنمي روح المعرفة وحب الاستطلاع
والمواجهه
رحلتكم واماكن الزيارة راقية لو انا اعمل بالنادي
اهدي كل واحد منكم
تستاهلوا والله

والف مبروك دبلوم الكشافه
شكرا لك

مصر ام الدنيا تستاهلون المئويه لدبلوم الكشافه
ربي يسعدكم انت والاصحاب
وربي مايفرقكم ابدا
ويخليكم لبعض وخاصه انت وصديقك احمد
حلوه باريس
عاد انا كنت هناك يوم 8/11 وكان اخر يوم لينا يوم 8/12
ان شاءالله تسافر كل ما اتيحت لك الفرصة
وتكتب لنا مواضيع يابني يا احمد يا قائدنا الكشفي

اهي الردود الجميله دى و الناس الأجمل .. هي اللي بتخلي الواحد ينزل مواضيع في المنتدى الرائع ده
و الله مروركوا شرفني و أسعدني جدا
و مصر عظيمه بيكوا و ليكوا
الله .. الوطن .. العرب
و ان شاء الله في رباط الى يوم الساعه

ربي يسلم أيدك على التقرير الجميل والممتع
والى الامام على طول