الأخت / ام خالد
حياك الله
كم المدة الي راح تقضونها في هونج كونج ؟
كم ميزانية السكن في الليلة ؟
اتمنى تزويدنا بالمعلومات حتى يتمكن الجميع من طرح ما لديه من اقتراحات
دمت بود ،،،

ان شاء الله ناويين اربعة ليالي في هونغ كونغ
وبالنسبة للسكن اريد فندق موقع حلو وسعر معقول
اهم شي الموقع لأنه الفندق للنوم فقط

الأخت / ام خالد
بما ان الرحلة مو للتسوق فقط للمرح وعشان الأطفال يستمتعون
بقترح عليك السكن قريب من دزني لاند
في فندق نوفوتيل ستي قيت أوت لت مول
ميزة الفندق سعرة مناسب في حدود 600 ريال الغرفة
داخل مول كبير وفيه سينما
وملاصق له محطة مترو
وقريب من التلفريك
وقريب مره من دزني لاند لأن احتمال تحتاجون يومين أو يوم ونصف حتى تخلصونها
وفي حال لو رغبتوا زيارة مدينة ألعاب اوشن بارك يمكنكم اخذ المترو والتوجه لها
وبعدين تغادرون لأن الفندق قريب من المطار .
بما ان المدة قصيرة فما حبيت انكم تدخلون داخل هونج كونج لأن الي بيدخل هونج كونج يكون هدفه الأسواق والمولات
هذا من وجهة نظري وان شاء الله تعجبكم .
تمنياتي لك برحلة موفقة ،،،

طيب ممكن جدول مقترح للرحلة ؟
جزاك الله خير

حياك الله اختي ام خالد
اول ما توصولون ان كان فيه وقت توجهو للمول ( ستي قيت آوت لت مول )
اليوم الثاني / أقضوه في دزني لاند بس انصحكم تحجزون في مطعم الحديقة الي في فندق دزني لاند عشان تفطرون هناك وكذلك يستمتع الأطفال مع شخصيات دزني لاند وبعدها تمرون الرسبشن تقطعون تذاكر حق الملاهي وتركبون مع باص الفندق يوديكم مدينة الألعاب
اليوم الثالث / مدينة العاب ( اوشن بارك ) كبيره ويبغالها يوم كامل
اليوم الرابع / ان كان فيه وقت قبل الرحلة تطلعن التلفريك 360 الي قريب من الفندق
برنامج مختصر
او بإمكانك العودة لتقارير الأعضاء والاطلاع عليها يمكن يعجبك شي يناسب ذوقكم تقدرون تعدلون في الجدول .
تنياتي لكم برحلة موفقة ،،،