بسم الله الرحمن الرحيم
اسعد الله مسائكم/صباحكم,
اخوكم عريس جديد ومحتاج من الخبرات الي زاروا ماليزيا ان يساعدوني بالي يقدرون عليه
رحت لمكاتب سياحية ولكن الاسعار كانت مرتفعه والبرنامج ماهو واضح
الصراحة ودي ان كل النشاطات والرحلات تكون واضحة بالنسبة لي, يعني تخطيط مسبق ومايحتاج اسوي شي من هناك.
المهم مالكم بالطويله
انا ان شاء الله ودي احجز للسفر من السعودية لماليزيا يوم 12 اكتوبر القادم لمده 14 ليله, يمكن ليلتين زياده مافيه مشكلة اذا احد ينصح.
- ماهي خطه السير هناك؟ اقصد كيف ترتيب الايام, المناطق والمده هناك؟ والمواصلات
- انا عريس , وش الفنادق الي تنصحون فيها, وايش فئه الغرف الي تنفع؟ هل موقع بوكينق هو الافضل ؟
- لكل مدينه, اش النشاطات الي اسويها من الصبح الى الليل ( زوجتي محافظة, فما تبي النشاطات الي بها هكونا ماتاتا ) وكيف طريقه المواصلات, هل لازم احجز تكسي عن طريق موقع ولا كيف ؟ ابي تكسي يكون امان وسعره معقول (اذا فيه احد عنده ناس ثقه هناك يعلمني )
الله يسعدكم يارب, هذا شهر عسل وودي اسعد زوجتي, الي عنده نصيحة, خطه ولا برنامج لا يقصر معي.
منتظركم
ثاني شي باذن الله ان امك داعية لك يوم تركت الشركات ونسقت رحلتك بنفسك..وبتشوف الفرق في النهاية بنفسك.
ثالث شي ياليت خللال اليومين الجايه يكون انتهيت من كل شي لان كل تاخيرة ترفع الاسعار.انا حجزت قبل رمضان لرحلة في بداية اكتوبر والان اشييك على الاسعار لاحظتها زادت.
برنامجك.اذا كان 14 يوم من غير يومين الرحلة ذهاب وعودة فحلو جدا لان المده كامله 16.
وبكذا احلى برنامج في ماليزيا لاهو قليل فيفوتك اشياء ولاهو طويل فتمل.
ثاني شي كم دراهمك في حدود كم..؟؟ عشان نعرف الفنادق تكون ايش ؟
وترى كلنا محافظين فلاتخاف كانك في بلدك وانت هناك..امان باذن الله امان..
لاتشيل هم الجولات ولاالمزارات ولا التكاسي ولااللغه كلها هينه وراح تشوف بنفسك.
أول شي ابيه منك الان تحدد تواريخك و تدخل مواقع الطيران واحجز الطيران لانها اول خطوة والبرنامج يقوم عليه.
هذي مواقع تقارن لك بين شركات الطيران.. واهم شي يكون بلاتوقف او توقف يسير وترى الطياره مجرد ناقل لاتهتم كثير في الشركة شوف الانسب
http://weair.com/
وانا معاك على الخط في اي شي وانتظرك.